اعيش مع زوج نكدي وتعبت معه

اعيش مع زوج نكدي وتعبت معه

السلام عليكم

انا في حال صعب جدا لي فترة طويلة اعاني وكل ماقلت تتعدل الاقيها تتراكم وتزود علي همومي واحزاني

انا ابتليت في زوج نكدي بكل معنى الكلمة مايحب يشوفني مبسوطة او مستانسة دايم ينكد علي

كل ماطلعت مناسبة او حضرت عزيمة ينكد علي ويقلب علي الكلام ويقولون انا اللي نكدت مراوغ بشكل فظيع جدا ودايم يظلمني ويحط الحق علي حتى يشوف حاله علي لانه مغرور جدا ودايما يكسر خاطري ليرضي نفسه المريضة

اي شي اسويه لازم ينتقد مايعجبه شئ حتى الاكل من مطاعم ولو اجتهدت وعملت من يدي ينتقدني لين يحبطني وتنسد نفسي اني اطبخ بسبب كلامه واسلوبه،،
حتى في الجماع يجلس ينتقدني مع انه وقتها يكون مبسوط بس مدري هو يمثل انه مبسوط لانه قال لي من قبل انه يمثل علي عرفت انه يكذب في مواقف كثيرة ليبرر لنفسه ودايم يخطيني ويشوفني انا الغلطانة ويدور علي الزلة..

اللي متعبني انه صار يستخدم العادة السرية بكثرة مع انه يستخدم حبوب سنافي ويقول علشاني بس طلع يكذب لانه طلع يسوي معي مشاكل علشان يحلاله الجو في فترة الزعل والخصام بحجة انه مع الزعل مافيه رغبات..

اللي محيرني ومسبب لي قلق اني صرت اخاف يقرب مني لانه اخاف يقارن بيني وبين اللي يشوف مقاطعهم الاباحية
اخاف اكون مجهزة حالي معه ويصير معه سرعة قذف!!!
لاني قريت هذي المعلومة عن اللي يمارسون العادة السرية..
ضايق صدري حيل.. هذا غير انه طاح من عيني كيف يفضل يشوف المقاطع ويمتع نفسه وانا موجودة
احس بإهانة لي،،
احس انه يلعب بمشاعري وأعصابي، لانه يبي يحس انه مرغوب من ناحيتي وانا ماأقدر
احس اني مكسورة منه وماأرغب له اخاف ينظر لي نظرة عادية ويستنقص مني من بعد هالمقاطع اللي يشوفها!!
شايلة هم كبير انه يبي يقرب مني وانا احس انه يبي ينكد علي زي عادته ويضيق صدري
هو له كم يوم ينام بغرفة ثانية ومانتقابل في وجبة. انا ماني قادرة اقابله.
استوحش منه واحس كنه غريب علي.، دايما ابكي على حظي معه، اغلب حياتي معه مشاكل ونكد وتهديد، وصابرة ابي الستر وعلشان عيالي،
كل مايصير زعل يهددني بالطلاق او الفراق. ويغثني بالكلام.. صرت ماأطيقه.. ولا ابي قربه.
بس ابي اعيش معه للستر والاستقلال بحياتي وعيالي معيشني في طلاق عاطفي بين فترة وفترة يزعل اكثر من يرضى تعبت من كثر التفكير. حقي الشرعي ماني عارفه اخذه بسبب الخوف من صده واهانته لي.
بهدلني كثير وذلني و حبطني وحطم نفسيتي على الرغم من محاولاتي اظهر اجمل ماعندي باهتمامي في نفسي وبيتي وعيالي ولكن مافيه فايدة، كل شي اسويه يشوفه ولاشئ، يبي يحسسني اني مامني فايدة.
مع انه كل محاولاتي لاصلاح احوالي معه مافيها فايده،
ماعنده اسلوب في التعامل جاف جدا ومغرور ومحبط وخلقه ضيق مايعجبه شئ،

اعيش معه حياة على الهامش.. موب حاس بوجودي كأنثى في حياته،
هو شخصيته ضعيفة بس عنيد ويسوي روحه فاهم ويتصرف زي المراهقين عمره ٤٥

ارجو المساعدة وفك حيرتي الله يعافيكم. اخاف من النكد من اللي شفته معه.
والمشكلة لو طلبني وانا ماأرغب يقول انتي رفضتيني ويصير يزعل وطلباتي مايجيبها ويضيق صدري

المصدر: منتدى الحياة الزوجية | دليل النساء المتزوجات | الثقافة الزوجية والعائلية - من قسم: مشكلتي - مشاكل زوجية - معالجة المشاكل بين المتزوجين

huda lu .,[ k;]d ,jufj lui

المصدر...