السلام عليكم جميعا عندي مشكلة وهي طريقة الحوار مع زوجي راح اوضح لكم شخصية زوجي اول شي عشان اقدر بعدها اسرد المشكلة ( زوجي من النوع الغيور جدا و تفكيره بان الحرمة مهامها البيت والاولاد والرجال مهامه الوظيفة وجمع الفلوس وممنوع اي مكان اروح له لحالي يا امي معي او امه او هو مع العلم انا مو صغيره عمري في الثلاثينات عنيد جدا ولا يقتنع برأي الا اذا هو متقبله ومن النوع اللي يحل الامور من وجهة نظره يعني اذا في مشكله لصديقة يحلها حسب مايحس هو مو حسب شخصية صديقة وكذا يعني يشوف المواضيع بعيونه هو مو بعيون غيره )
مشكلتي معه انه وحيد امه وماعنده اخوات ولا يعرف كيف يتعامل مع البنات والشي الثاني مانعرف نتحاور وقت المشكلات يعني اذا صارت مشكلة شيء زعلني او ضايقني مهما كان السبب ومهما كان الحق معي في النهاية هو اللي يطلع صح وما يفهمني ، كمثال اذا تهاوشنا على طلعه ابدا اتكلم معه بهدوء وفي وقت مناسب يعني هادي بعد الموقف بيومين اهم شي وانا هادية وخلاص طفى زعلي دايم احاول افهمه النقطة اللي في بالي مايفهمني ولا يسمع لي زين يبدأ يتكلم عن ان الحياة الزوجية فيها الزين والشين وان التغاضي حلو و ان الكل له اخطاء ويعتذر ويقفل السالفة بدون ما يفهم بالضبط انا وش ابي ، ولانه دايم يقفل النقاش بدون ما يفهم يرجع لنفس الاغلاط ويكررها صرت اتغاضى وسنين اكتم في نفسي وتعبت لان تكلمت او ماتكلمت مايفهمني لين مره تعبت نفسيا وحسيت اني بديت اكرهه فعليا وقلت اي شي بيضايقني بتكلم معه وافهمه نفس اول عالاقل ما اكتم بنفسي وانهار واخسر زوجي وبيتي وفعلا رجعت اتكلم معه بس فرق السنين اني صرت اعرف الاسلوب والوقت المناسب لكن ردة فعله لازالت لكن مره صدمني وقال انا اصلا اعتذر واسلك عشان تتقفل السالفة وخلاص انا ماعاد لي خلق وجع راس ويشهد الله علي رغم دراستي واولادي ماقصرت لا في البيت ولا في الاهتمام ولا حقوق الجنسية ولا شي وبشهادته طبعا وهو مقصر كثير كثير كثير حتى اهله ملاحظين التقصير هذا وامه كم مره سمعتها تقول والله ان زوجتك صبوره عليك وعلى عنادك وصراحه. تعبت ورجعت لي حالة الكره وماعاد اتقبل منه شي ولا حتى يجي لي نفس اسولف معه او اكلمه لان عشرة العمر هذي كله عجزت افهمه وعجزت اعرف الاسلوب المناسب عشان يفهمني وخصوصا اننا ازواج ورفيق دربي لازم يفهمني مثل ما انا افهمه ساعدوني لاني تعبت والله
'vdrm hgp,hv hglkhsfm lu .,[d
المصدر...
30th May 2021
طريقة الحوار المناسبة مع زوجي
تقرأ وترحل شارك معنا برد أو بموضوع
العرض العادي
