اريد حل اللة يجزاكم الجنه

اريد حل اللة يجزاكم الجنه

السلام عليكم انا بالثلاثين وعندي اطفال وموظفه وزوجي بداية 40
وحياتنا الحمدلله مستقره من ناحية الماده مشكلتي اللي مالقيت لها حل جفاف زوجي الشديد
لي 15 سنه متزوجه واعاني من الجفاف حاولت بكل الطرق واستسلمت اخيرا واحاول اشغل نفسي بس بالنهاية انا انثى واحتاج رجل
زوجي لاانكر كل صفاته جميله كريم على بيته ويحترم اهلي وهادئ مو حق مشاكل وقليل الكلام الحمدلله والجفاف ليس بيده هو خلقته كذا انسان جامد وجاف والله لدرجة وانا عروس لمست مكان قلبه اتأكد فيه قلب ولا لا😂
الحين تقريبا استسلمت بس بين فتره وفتره اتضايق وازعل وتصير مشكله بسبب هالموضوع وزوجي صار يهدد بالطلاق او الزواج وانا مافرقت معي بالعكس ارحم اللي بتأخذه لانه نهائي مافي اي عاطفه واذا تهاوشنا كلامه جارح مثلا يقول (كأنني نايم بجنب حمار) وبعدها يقول انه مايقصدها وانا عارفه انه مايقصدها بس اسلوب مافي
وعمري ماحسيت بمكانتي بقلبه ولاادري هو يحبني او لا الحين يداوم بمنطقه ثانيه اسبوعين ويرجع اسبوعين تصدقون الاسبوعين اللي يسافر فيها مايرسل او يدق ولا كأن عنده زوجه وعيال🥺 الله المستعان

يطلعنا اي مكان بس ماينزل معي يقول اذا طفشتو دقو
الجماع يطلبه يقول ظهري يعورني مايقول مشتاق لا يقول انه تعبان بيرتاح 😭 حلمي رجال يقول مشتاق لك
لايمدح لاشكلي ولاطبخي ولاشي تغيرت ماتغيرت كل شي زي بعضه
ماعنده اصحاب حتى امه يكلمها بالشهور يعني هو شخصيته كذا مشكلتي انا الحين كيف اتأقلم واعيش واعبي عواطفي ومشاعري كيف اعوض والله اني اتمنى انه يموت قلت يمكن اتزوج غيره ويعوضني ماادري وش اقول ماادري انا عقلي صغير ولا جد كل النساء يحتاجون العواطف والي متى نحتاج هل فيه عمر محدد ينتهي هالاحتياج والله صرت استحي من نفسي وانا اطلبه
تكفون ساعدوني

المصدر: منتدى الحياة الزوجية | دليل النساء المتزوجات | الثقافة الزوجية والعائلية - من قسم: مشكلتي - مشاكل زوجية - معالجة المشاكل بين المتزوجين

hvd] pg hggm d[.h;l hg[ki

المصدر...