اهمال زوجي

اهمال زوجي


مشكلة زوجي في جانب من حياتنا وهو ( الترفيه والاجازات )
زوجي انسان محترم وحنون وكريم و وضعنا المادي مش ولا بد وخصوصا انه يدفع ايجار بيتنا وبيت والدته غير المصاريف المعتادة لنا ولأخواته و والدته ، المشلكة هذي من تزوجنا لديه من 7 سنوات ولكن كل سنه تصير أسوأ انا الحمدلله صابره و اراعي كثير وحارمه نفسي من اشياء كثير مراعاة له وراضيه اهم شي ما يضغط نفسه في العمل زياده ويتعب لكن مشكلته انه لا ايام الاسبوع او الويكند يطلعني انا وعيالي مستحيل يفكر يطلعنا مكان لين نطلبه احنا قبل بكم يوم وبتخطيط مسبق مع ان طلعاتنا اللي نطلبها غير مكلفه غالبا ولاتحتاج تخطيط ( حديقة او بر والقهوة والشاهي واسوي كل شي من البيت ) ، يعني لدي اطفال وعندنا دوام ونطفش نموت من الملل وابدا ما يفكر يطلعنا ونادرا اطلبه لان اقول ويكند يمكن يبي يريح وشي كذا لكن أتفاجأ انه حتى ايام الدوام يطلع فيها مع اخوياه للبر و للقهاوي و الاستراحات والمخيمات وانا الشتاء كامل اتمنى طلعه يمين بالله ما ابالغ لو قلت لكم شتاء كامل بس طلعه وحده غير الصيف اللي مانطلع فيه نهائيا يحسب متعتنا في البيت والاعياد اللي نتمنى نشوف الالعاب النارية او ناخذ لنا حلى او قهوة ونفر في السيارة لكن كالعادة نفس الخيبة كل عام واحيان كثيره نتفق نطلع بعدين سبحان الله اخوياه يجون من مناطق ثانيه وبدل ما اطلع وانبسط اقعد اسوي قهوة وحلا وعشاء ومواعين واكرف وقلت له اكثر من مره ونفس الرد كل مره ( انا ما اطلعكم ؟ ظلمتيني لكن ابشري باللي يطلعكم ) وافرح وفي النهاية يسحب علينا ، المشكلة اذا سافرنا في اجازة سنويه نروح نشوف اهلي وجدته وقتها مايبقى قهوة او مطعم او مكان حلو الا ونروح له (5 ايام اتشتت فيها مابين زيارات الاهل او اطلع معه ابي الحق الثنتين ) واحيان كثيره مايمدي يجي معانا لذلك اصبح الاسبوع هذا كانه امنيه ومصباح سحري انتظره من سنه لسنه واذا ماضبطت الوضع وماسافر معانا اكتئب والمشكلة الثانيه انه لا جيران كويسين ولا شي احس انا واولادي بملل و وحده فضيعه ، احيان كثيره اقول اني سخيفة ومكبره السالفة بس احيان افكر انه ابسط خقوقي انا واولادي خصوصا اني مو مقصره معه في شي ابدا لا اهتمام فيه ولا في اولاده او امه وخواته احس استحق الطلعه هذي او الدلع هذا ( وشي اخر اخواته دايم يفكر فيهم انهم ايتام ويشتري لهم قهوة او حلى او عشاء مستحيل يطلع مكان ما يفكر فيهم بس انا لو اموت مايفكر يسوي لي مثلهم او يتذكرني بشيء ) مو حسد والله او غيره بالعكس افرح انه يحب خواته ويهتم فيهم ويعطيهم حنان واهتمام لكن اتمنى يفكر فيني مثلهم لأن حتى انا ابوي متوفي واهلي في منطقة بعيده ما اروح لهم الا اجازه في السنه مادري انصحوني اعطوني حلول وطمنوني هل انا لي الحق ازعل ولا انا سطحيه ابالغ ؟

المصدر: منتدى الحياة الزوجية | دليل النساء المتزوجات | الثقافة الزوجية والعائلية - من قسم: مشكلتي - مشاكل زوجية - معالجة المشاكل بين المتزوجين

hilhg .,[d

المصدر...