تعقيب للمره الاولى مشكلة مع زوجي

مشكلة مع زوجي

بسم الله الرحمن الرحيم

السلام عليكم ورحمة الله وبركاته

جزاكم الله خير على نصايحكم واقتراحاتكم واستفدت منها ربي يسعدكم وييسرلكم

اسفة اني بطول لأن بعض الردود كان فيها لبس وماوضحتلكم ياه بطريقة صحيحة في موضوعي الاول

كيان انسان
انا اعتذر عن عدم ذكر محاسنه لأني تكلمت عن المشكلة فقط وكأنكم تعرفوه وتعرفوا حسناته هو فيه حسنات وايجابيات لكن الغلط مني ماذكرتها حتى تكونوا في الصورة هو يخاف علي كثير و ويراعي وحدتي ويحرص انه يطلعني من جو البيت رغم انه بيتوتي من الدرجة الاولى بس يعرف اني احب اطلع اذا بكيت يتأثر حتى لو طنش يهتم من بعيد لكن في المقابل المساوئ اللي ذكرتها في الموضوع الاول تضايقني وكله يهون الا كلامه عن اهلي هالشي يقتل حبه في قلبي وهو يعرف وصار اذا يبغى ينرفزني بس يقول كلمة عنهم يقلب مزاجي والله اللي يعور قلبي كلام اهلي عنه بالمدح وشايفيني سعيدة في حياتي لأنه هو زوجي ووالدي مو معارض فكرة اكنسل دراستي مقابل سعادتي الزوجية ودايم يذكره بالزين ويقول حتى صلواته مهتم فيها مع انه متهاون فيها بس ما قلت لأبوي لأن ماله داعي وانا احاول احثه بنفسي

حبيبة 2015
صحيح معاك حق وهذا الشيء اللي محيرني في موضوع الدراسة لأن كل شي كان واضح وتكلمت معاه قبل الزواج وعارف حتى خطتي الدراسية وموادي اكثر من اهلي والحين يتكلم كأني خدعته واللي يزعل يقول عني انانية
اخذت بنصيحتك وقلت ما بكلم اهلي لأن مشكلتي اهون من مشاكل كثير تصير بين بعض الازواج وان شالله الاقي المفتاح الضايع وما احتاج انشر مشاكلي لأي كان

الاكيد
هو كلام الغضب يمكن مثل ماقالوا الاغلبية ما ينوخذ بس والله يكسر القلب ما قدرت اتصرف في النهاية انا زوجته وعلى كثر ما تضايقت منه ماقد قلت اكرهك او انت ماسويت واهلك ماجابوا وعندي امثلة اقدر اسكته فيها بس بيروح الاحترام اللي بيننا لو قلتها وهو بنفسه يعترف لمن يهدأ يقول انتي احسن مني في هالنقطة ولاعمرك تذمرتي من الغرفة رغم انها صغيرة وضيق ولا اشتكيتي عند أهلك او اهلي مثل زوجات اخواني بس طاقتي بدأت تخلص وصبري قل كثير وما اتحمل شي يمكن من الحمل او يمكن من الضغط المتراكم
استفدت كثير من ردك في نقطة ذكرتها نبهتني عليها جزاك الله خير
اني ما اقول تفاصيل وكلام زوجي واقول بس المشكلة والحمدلله من فضل ربي ان والدي ما رد علي لأني لحظتها كنت بقول الاول والتالي وايش يقول على اهلي واتوقع رح تصير فجوة بين اهلي وبين زوجي ويمكن ماتروح للابد بترك صورته حلوة قدامهم وهو بيغير اسلوبه مع الايام ان شالله

Lama

موضوع الدراسة بإذن الله بكمل والله ييسرلي ويهديه ويعينني بدل ما يثبطني
لكن المشكلة الثانية ماعرفت اتعامل معاه وعشان كذا طرحت الموضوع وان شالله اعمل بنصايحكم وتجيب نتيجة حلوة
لكن النقاش بأسلوب هادي جربته وينقلب زعل وخصام اكثر مشاكلنا تنتهي بصلح بدون تفاهم
هو يمشي بالامثلة اكثر ومو مع كل الاشخاص بس اللي يدخل مزاجه قريب تخاصمنا ع موضوع تاافه اني ليش ماحفظت الطرق للحين قلتله انا لي سنة متزوجة ونصها كنت في السعودية كيف احفظها قال انتي امعة تركبين وماتعرفين وين الله حاطك طبعا عصبت وتخاصمنا ورضيت رغم اني مو مقتنعة بكلامه ولاهو مقتنع بكلامي
زوجة اخوه امس تحكي انها ماتعرف طريق البيت فقلتله زوجة اخوك اللي لها 9 سنين هنا ماهي حافظة طريق البيت بيتهم يضيع ومافي لوح ولا اسامي ع الشوارع ( ساكنين في مدينة خارج الامارة )
قال خلاص معاك حق ما تعرفين دام هي ماتعرف بس قبلها ماكان مقتنع !!
وقيسي عليها امثلة كثيرة ):

اخصائي اجتماعي
انا ما رميته في سلة المهملات ولا بعت الدنيا عشان دراستي
بالعكس كل شي كان متفق عليه قبل الزواج وهو يعرف عن دراستي وموادي اكثر من اهلي نفسهم عارف بالضبط كم باقي واتخرج بس هو خدعني في موضوع تخرجه وانا كنت ضد الزواج مع الدراسة هو اللي اصر وبعدها قلتله موضوع الحمل بعد تخرجك انت انا مو مهم بس ما نكون اثنينا طلاب ووافق ع مضض وبعدها ضغط علي وتركت المانع وحملت رغم اني كنت متفقة معاه
والشقة ماهي مهمة كثير عنده بس هالموضوع اكثر منفذ يقدر يجرحني فيه بوالدي

نفرنفرو
اشكرك كثير تمنيت زوجي يقرأ ردك يمكن يفهمني انا مستعدة اضحي بكل شي بس يحترمني هو معاي بيني وبينه يحترمني مع شوي تسلط هههه بس اهلي وبشكل عام حياتي وصديقاتي وجامعتي الاشياء اللي احبها من قبل يتكلم عنها ساعات اقول يمكن غيرة يمكن يتمنى هالشي ما ادري والله بس اللي متأكدة منه انه يحبني ويقول كلمة وكلمتين وثلاث لين ابكي ويرجع يراضيني ما ادري ايش اسمي هالحالة
زوجي يدرس هندسة وباقي سنة ويتخرج وناجح في دراسته بس قبلها كان مبتعث في امريكا وانسحبت منه البعثة لأن معدله ضعيف ورجع وكمل هنا هو شاطر ماشالله عليه لكن مايبذل ويذاكر معتمد ع ذكاءه ويذاكر قبل الامتحان بساعات وهالشي ما مشى معاه في امريكا ورجع وكان دايما يقول ماناسبني الوضع هناك وخيرة اني رجعت وما كملت ويذكر امريكا كذكرى سوداء في حياته لكن صارحني مرة وحدة بحزن قال احس مابرتاح الا اذا كملت هناك ماني متعود اني ما انجز شي نويت عليه انا اذا حطيت في راسي شي اكمله للنهاية بس احس لمن رجعت بدون الشهادة اني فشلت ومهما كنت ناجح هنا بيظل فيني فشل امريكا
قلتله بتاخذ الماجستير من هناك قال ان شالله وفعلا ناوي هالشي وانا اتمنى يتحقق بس ياريت يفرحلي في دراستي زي ما افرحله
حاليا دراسته حلوة بس مايداوم وغيابه كثييير وهو مفتخر بهالشي يقول شفتي كيف هذا وانا ما اداوم هذا وانا ما اذاكر ..

Dndermah
لمن قرأت ردك لا شعوريا قلت سبحان الله كأنك تتكلمين عن زوجي نفس اللي حاصل معاي افاوض معاه ع دراستي رغم انها شرط ومن ناحية انتي ملكي انتي حقي انتي لي لوحدي ومن ناحية يبغى يحس اني دايما تحت سيطرته لدرجة مرة واحنا في العلاقة الخاصة وفي اجواء ثانية قالي ايش فيها لوتجلسين في بيتك تنتظرين زوجك يرجع تطبخيله وتحملين وتربين واطلعكم واصرف عليكم كان كلامه في وقت غلط بس قالها من قلبه لكن اذا كانت هذي افكاره ليش اخذني من البداية ..مع هذا احبه ولا اقدر استغني عنه ..


الزمان استدار
لا اخفيك اني كنت انتظر ردك وتحليلك للشخصية وللمشكلة ويبدو فيه بعض اللبس في الموضوع كما اسميتها تناقضات
حاليا اكملنا سنة وشهر تقريبا وليس 6 اشهر واوضحت هذا في موضوعي الثاني
ودراستي عندما كتبت الموضوع الاول كنت في نصف السنة الرابعة اما الان بعد شهور من كتابة الموضوع الاول الحمدلله قد اتممت السنة الرابعة وان شالله اذا ربي اراد سأكون بعد اسبوع في سنتي الدراسية الخامسة
زوجي قريبي ( ابن عمتي) لكن لم يسكن عندنا الا في الصغر عندما كانوا يأتوننا في بعض الاجازات
والدي بعكس مافسرت في نفس فترة خطوبة ولد عمتي تقدم لي شخص لا نعرفه وجاء بدلالة من ناس نعرفهم لكن والدي اصر ع ولد عمتي رغم بعد المسافة مقارنة مع الشخص الغريب لكن وجهة نظره ان القريب اولى وسيصون ابنته اكثر مهما حصل رغم انه لم يسأل عن الثاني ومن ناحية سكني عنده انا لست الاولى من بناته فكان شعور والدي في اختي الكبرى كما وصفت صعب عليه وتأثر من فراقها اكثر من امي لكن الان اصبح للاسف يخاف ان يموت وهو لم يطمئن علينا وكان ايام تحديد موعد الزواج ضدي في قرار التأجيل ويقول ما بقى من العمر اكثر من اللي مضى وابغى اطمن ( 2 من اصحابه توفوا الله يرحمهم في فترة متقاربة ) وهو والى الان لو قلت بترك الدراسة مقابل استقراري الزوجي لن يعارض بعكس بقية اهلي..

موضوع الدراسة في الامارات فيه تخصصي ولكن في امارة ثانية غير اللتي نسكنها وزوجي قال ماهي ذيك الفايدة تنقلين من بعيد لبعيد وخصوصا ان سكنت في سكن بنتقابل في نهاية الاسبوع وبكون لحالي قال ع الاقل عند اهلك اضمن فيه احد حولك
واشكرك ع تعقيبك لموضوع النوتة وبعد تعليقك هان علي الوضع اكثر وحسيت تقبلت الموضوع بشكل اجمل
ومعاك حق في موضوع ينظر لدراستي كعشيق هو قالها مرة احسك بين شخصيتين مرة تكوني الدلوعة اللي بس تبغى تدلع ع زوجها ومرة تكوني الدافورة اللي تضحي بكل شي الا دراستها قلتله ماهم شخصيتين وحبي لك مايتقارن مع دراستي وموضوع الدراسة فترة وتعدي بس حبك ما بيعدي قال مافي فايدة ما بتقتنعين بكلامي هههه

ضياء12
ماشالله الله يحفظلك زوجك ويمكن مثل ماقلتي تعود ع المرأة العاملة وحب هالشي اما زوجي ماعنده خوات وامه يشوفها كل شي وناجحة وهي ما كملت ولا تشتغل فيمكن ما حس بالفرق
ويشوف ماله داعي الله اعلم

زبدة 7
الله ييسرلك وتكملين طموحك وحسيت بكلامك من قلبك الله يجزاك خير ع الدعوات الطيبة ولا تدعين ع زوجك قولي اي شي عليه الا الدعوات لأنها مثل السهام وقد تصيب ولحظتها مابينفع الدم

خجل

ردك صريح وواقعي واحسك دايكرت ما تخافي يا يمين يا شمال ماشالله عليك
اتمنى اكون كذا لكن للاسف انا خوافة وصحيح من ناحية اهلي انا ما حطيت حد في البداية والحين صار الموضوع متراكم في قلبي
وضحكتيني ع موضوع الاتيكيت ونفس تعليقي بس ما اقدر اقوله في وجهه شفت حاجات وحاجات بس اعلق بيني وبين نفسي
مشكلتي اتوتر واحسب مواقف ومشاكل ممكن تصير اذا رديت وابطل او ينتهي الموقف وانا ما حسمت الموقف

صاحب السمو الفكري
اعتذر لأني ماذكرت حسناته وهذا غلطي
هو كما ذكرت حنون ويحاول يسعدني ويوفرلي قدر الامكان حاليا مع الحمل مقصرة في الطبخ وما اشتكى واحيانا اذا جيت انزل بطبخ يقول ارتاحي وغالبا يطلب من برا واكثر من مرة اكون جوعانة في نص الليل يطلبلي عشا والمطاعم اللي تكون مفتوحة وتوصل الوجبات السريعة فخاف اني اكثر منها ونزل بنفسه يدور مطعم مفتوح عشان يجيب شي غير الوجبات السريعة
لكن صدامه مع اهلي بس قدامي بالعكس لمن يجي عند اهلي ينقلب واحس ينحرج من ضيافتهم له ويمدح فيهم واحسه يستانس يجلس معاهم هو بنفسه يقول بنزل اشرب شاي مع خالي واولاده بس ماني فاهمة ليش يسوي كذا
بس اخر تفسير فسرته والله اعلم انها غيرة خاصة ان جوهم الاسري مفكك وخاصة من ناحية والدهم وانا على النقيض تماما اسرتنا والحمدلله مترابطة ومتماسكة بشكل قوي

عروب1
صحيح مثل ماقلت قبل شوي انا خوافة واتخيل مشاكل بتصير لو عملت ولو سويت ولو قلت لين ابطل او ينتهي الموقف وردود افعالي متأخرة كثير

الفاخرة
الله يدحر الشيطان وحاليا الحمدلله تصالحنا ولكن للاسف ما تفاهمنا واغلب المشاكل كذا نتصالح بدون تفاهم وترجع من جديد عند اي مشكلة ثانية كنت احاول نتفاهم بس تنقلب زعل وخصام فبطلت ومن اول بوسة ارضى وانتهى الموضوع


دمعة انثى
جزاك الله خير

المصدر: منتدى الحياة الزوجية | دليل النساء المتزوجات | الثقافة الزوجية والعائلية - من قسم: مشكلتي - مشاكل زوجية - معالجة المشاكل بين المتزوجين

la;gm lu .,[d

المصدر...