تعبت من التضحيات

تعبت من التضحيات

السلام عليكم ورحمه الله وبركاته
اول شي بتكلم عن نفسي وبعدها بقولكم مشكلتي
انا عمري 29 لي خمس سنوات متزوجه وعندي طفلين الله يخليهم لي
انا تزوجت زميل اخوي وكان عمره يوم تزوجته 50 - تزوجته من حبي لاخوي ومعزته بقلبي حسيت وقتها ان لما اوفق ع زواجي منه بسعد اخوي رغم انه خطابي كثير ما امدح نفسي لكن الحمدلله مو ناقصني شي . طبعا زوجي من قبيله ثانيه بعيده عنا . خطبني رفضوا اعمامي وصارت مشاكل ابوي كان يقول الراي راي بنتي لان البنت الوحيده بين 3 اولاد كنت المدلله - تزوجته غصب عن جماعتي . اهو متزوج وعنده عيال لكن كان مو مرتاح مع زوجته وبينهم مشاكل لدرجه انه طلقه كذا مره ورجعها علشان عياله ،
المهم تزوجته وعشت بدايه زواجي حياه حلوه وجبت الاثنين الله يحفظهم وطبعا كان نومه واكله وشربه عندي لان زوجته الاولى قالت ما اشوفك ولا تقرب مني - طبعا طول ال 5 سنوات قايمه في كل شي وكنت معيشته حياه ما يتخيلها احد كنت مهتمه فيه وفي بيته وعياله ونفسي كان يقول مستحيل احصل بالدنيا وحده مثلك - مشت حياتي
رغم انه كان مقصر معي مره بالفراش بس تجاهلت هالشي بس بعد ماصارحته وصارت فيه محاولات منه بس ماقدر وطلع فيه سرطان بالقولون طبعا هذا قبل سنه انجنيت تمنيت المرض فيني ولا فيه لاني كنت مو احبه كنت اعشقه بكيت انهرت اخذت امومه علشان اخذمه رغم اني محتاجه للراتب مره بس قلت صحته اهم - لما مرض رجعت له زوجته الاولى بحجه انه مريض بس اهو عرف ان رجعتها مو علشانه - دخل المستشفى والله من اقوم الصباح لين الساعه 2 بالليل عنده اخدمه وكان اخوي اللي اهو صديقه مرافق عنده رغم ان عنده ولد بالعشرينات بس اخوي ماتركه .كنت اقوم احيانا اكل شي واحيانا لا علشان اروح له بالمستشفى . دخل العمليات جلس فيها 12 ساعه جالسه قدام باب العمليات ودموعي ع خدي . لين طلع بعد ماطلع اقرا عليه واقوم فيه حتى الله يكرمك الحمام اوديه واروشه وكل شي اسويه له من يقوم لين ينام واطلع لعيالي عند اهلي .وكانت زوجته بس تزوره وبته الزياره وتطلع . طلع من المستشفى وجلس عند بالبيت قمت فيه بحكم خبرتي بالتمريض قعدت انظف له جرعه واقوم فيه بدال مو كل شوي طالع للمستشفى لانهم استاصلوا القولون وحطو له كيس للاخراج خارجي لمده سنه . الكيس انا اغيره وافضي فضلاته كنت اقوم من نومي علشان افضيه له بدون مايحس ويتضايق انه كل شوي يروح الحمام يفضي .كنت اجلس عند راسه لما تجيه حراره او يتعب حبت له مطاوعه للبيت . جبت له ادويته .لين قام ع رجوله . ورجعت له صحته بس يستخدم العلاج الكيماوي كوقايه - بعد ماقام ع رجوله انكر كل شي سويته وصار يحاول يستفزني ويغثني بطريقه مو طبيعيه وقلب ع اخوي اللي كان مرافق معه شهر بالمستشفى واخذ اجازه مت دوامه . صار اذا زعل راح نام عندها عناد فيني كان عياله كبار يدخلوني علي بشقتي وانا بملابس الليت بدون والله حتى مايطقًون الباب وكلمته قلت عيالك بالغين لازم يستاذنون وصار ماهمهم صرت البس ببيتي اللي اهو مملكتي ملابس ساتره خوف احد يدخل علي طنشت لين جاءذاك اليوم اللي تعبت فيه وداني المستشفى وبعد ما طلعت منه رماني عند بيت اهلي وقفل جواله يومين ما ادري عنه ولا يدري عني . ولما جاء بعد يومين قلت له انا يوم تعبت وقفت معك وماقصرت معك وانا تعبت رميتني وقفلت جوالك ولا سالت عصب قلت خلاص طلقني اذا ماتبيني قال ايه ما ابيك وابي فلانه اللي زوجته الاولى وخلي ابوك يكلمني وطلع . جلست عند اهلي اسبوع مصدومه من اللي يسويه فيني هذا جزاء تركت صحتي ووظيفتي وعيالي وكل شي علشان اخدمه بوقت حاجته يوم قام جزاني بهالشي . بعدها جاء لاهلي وراضني من حبي له نسيت كل شي وقلت يوم لي ويوم لها دامها رضت ورجعت لك بعد تعبها قال لا بجلس عندك سكت . قمت فيه وفي ادويته والله اني اقومه من نومه اعطيه دواه وينفخ علي واسكت واقول صحته اهم . واللي خلاني اتكلم الحين انه له اسبوع ينام بالصاله وينافخ ومعصب بدون سبب ويطلع ومايرجع الا اخر الليل . اطلبه مصروف لعياله يقول ماعندي رغم تاركه وطيفتي علشان اخدمه صرت اشحده ال 5 وال 10 بعد ما كان الله مغننيني براتبي . صار ينام بالصاله مايتكلم معي واذا اتكلم بعصبيه اقول وش فيك يقول مافيني شي ويعصب ويطلع . اخر شي قلت خلاص بعيش لنفسي وعيالي انا تعبت .. والله ان مصروفي اخذه من اهلي رغم ان راتبه زين بس سكت قلت علشان مرضه والله انه بالعيد عطاني 500 لي ولعيالي وش تسوي ؟ قلت له ماتكفي قال ماعندي شي رحت بعت ذهبي وكملت اغراضي ودفعت للشغاله رواتبها .وبالصدفه قالي انه عطى بنته 1000 الكبيره وتقول ماكفت وبنته الصغيره 500. قلت انا تقولي مامعي وتعطيني 500 لي ولعياله وبناتك الصغار وحده 1000 ووحده 500سكت . تحملت كثيييييير . والحين كملها بهجره لي بدون سبب ونومه بالصاله ومايدخل ويطلع الا يعصب . قولي ولي وش اسوي تعبت والله . عارفه كلامي مو مرتب بس من الهمً اللي فيني . من مرضه بجهه وتعامله لي بجهه وحياتي من جهه .اقسم بالله راسي كله شيب تعبت كثير وابي مشورتكم كيف اتصرف مع شخص انكر كل اللي سويته وضحيت علشان وهجرني بدون سبب وقصر فيني وفي عياله ؟!

المصدر: منتدى الحياة الزوجية | دليل النساء المتزوجات | الثقافة الزوجية والعائلية - من قسم: مشكلتي - مشاكل زوجية - معالجة المشاكل بين المتزوجين

jufj lk hgjqpdhj

المصدر...