تعقيب للمره الاولى أبو زوجي إهانتك إلى متى ؟؟

أبو زوجي إهانتك إلى متى ؟؟

بسم الله الرحمن الرحيم ..
هذا رابط المشكلة السابقة التي طرحتها بقسم مشكلتي
http://forum.z4ar.com/f116/t385679.html#post11104554


طبعا أنا سويت التعقيب .. حبيت أرد على أمر , للي يقولون إن أنا مسوية مشكلة كبيرة !!!!
أنا ذكرت إني كنت ساكنة في بيتهم وإستقروا فيه وكنت توني عروس وفي بداية زواجي
طبعا (وصغيرة )جاهلة أطبخ لحمولة كثيرين مااعرف فكنت استحي وحتى لما اسوي لهم
القهوة لازم زمزميتين لأنهم كثير فكنت مااعرف اعدل القهوة فيجي مزح برزح وأمور ماله
داعي , ونومي مختلف عنهم يصحون بدري لأنهم عايشين بمحافظة نومهم بدري 8 أو 9
وصحوتهم الصباح 7 أو 9 وأنا أختلف طبعا أصحى الظهر فهم عندهم نومي كثير مرة
قالت أخته خلاص نوم بياكل عيونك الدود !!
يعني السكن معهم يشوفون قومتي نومتي روحاتنا أنا وزوجي , كنت توني عروس
مالي الا 4 شهور او 5 لما يقولي زوجي بنطلع نتمشى تجيني أم زوجي أو اخته
يوه بتروحين وأبوي موجود , صعبة اجلسوا لاتطلعون , حتى لما رحت زيارة لبنت
خالتي قالت اخته لاتروحين واهلي موجودين , وحتى غسل البيت لما اجي
بغسله بالماء اخته ساكنة فوق مثل ماذكرت لكم كانت تتصل علي لاااا يافلانة
غرف أهلي لاتغسلين تدخلين عليهم موية !! والبيت سيراميك كله وكبير
فالنهاية مثل ماقلت مالقيت راحتي أبد حتى لما أجي اعزم صديقاتي خواتي
صعبة يتعذرون بسبة حمولتي ..
فلما ضايقني الموضوع قرر زوجي نطلع زعل أبو زوجي علي وفكرني قلبي أسود ليه ماارتحت معهم
وزعل وقال اسكنوا ع الاقل فوق وبقسمه مثل ماذكرت لكم وسكنا مانبي زعل أحد..

وبعد فيه أمرين :
الأمر الأول:
إختصار زعل أبو زوجي وحتى أم زوجي قالوها لأبوي حتى: ليه يبون سكن مستقل
هذا إحنا أول الكل يسكن سوا الجد والجدة والأعمام الكل في بيت واحد ..( ماخذين عادات قبل )

الأمر الثاني:
أبو زوجي يتأثر من بناته تأثير عجيب لو يقولون له اليوم مطر قال صحيح بناته دايم الصح
لدرجة زعل على سلفتي لأنهم قالوا له لما كنا بإستراحة وفيه مسابقات ماخلتنا نشارك
(اللي هي سلفتي زوجة أخو زوجي) .. طبعا عمي زعل عليها ليه ماشاركوا بناته
فالمسابقة وقال لولده والمسألة أشوفها عادية ليه الزعل...

ع العموم جزاء الله خير الجزاء لكل اللي ردوا والله يجعلها ميزان حسناتكم

المصدر: منتدى الحياة الزوجية | دليل النساء المتزوجات | الثقافة الزوجية والعائلية - من قسم: مشكلتي - مشاكل زوجية - معالجة المشاكل بين المتزوجين

Hf, .,[d Yihkj; Ygn ljn ??

المصدر...