الزواج والاستقرار

الزواج والاستقرار

السلام عليكم ورحمة الله وبركاته

أعرفكم بنفسي انا شاب عمري 21 سنة

الان موضف وعايش مع اهلي وعندي شقة في بيت اهلي

انا إنسان ما عندي صداقات كثير وطول وقتي وحيد من البيت للدوام ومن الدوام للبيت نادرا ما اطلع مع أصدقائي لأَنِّي للأسف ما اندمج مع اي احد وبيني وبينكم هذا الشيء مأثر علي كثير مريت بظروف نفسية كثير وبعضها تغلبت عليها تخيلوا صرت اني اسافر مع ناس واسوي كل شيء مو حب بالسفر بس احاول اطلع نفسي من الي انا فيه يعني وبعدها ارجع متضايق اكثر من قبل ويجيني تأنيب ضمير
يعني أتمنى بحياتي يكون عندي شخص يقدرني ويعزني بجد وافتح له قلبي ويفتح لي قلبه كصديق لأكن للأسف ما ضني لأَنِّي احس اني فاشل في تكوين العلاقات حتى مع اي احد حتى مع البنات ما اقدر أتواصل معهم اجتماعيا تعرفت على قروب شباب صرت اطلع معهم كل ويك اند واليوم طلعت معهم وقررو انهم يسافرون وقالو لي تعال معنا وانا بصراحة تعبت من الحرام وكل ما وعدت ربي ما ارجع له ضعفت رجعت البيت وكلمت الوالد قلت له يبه انا إنسان تعبت ابي اتزوج ابي وحدة تهتم فيني واهتم فيها ابي وحدة تشاركني حياتي لأَنِّ الوحدة جابت لي الهموم والامراض ودي أكون إنسان مستقيم وابي الي تعيني على ديني ودنياي
قالي الوالد انا معك انت بس اجزم وانا راح أتكفل بكل شيء
بس انا خايف من الفشل اخاف اتزوج وما اعرف احببها فيني او تكره أسلوبي او ما أتوفق مرات أقول خلني احاول يمكن تكون نقطه تحول في حياتي

لا تبخلون علي بنصائحكم .

المصدر: منتدى الحياة الزوجية | دليل النساء المتزوجات | الثقافة الزوجية والعائلية - من قسم: مشكلتي - مشاكل زوجية - معالجة المشاكل بين المتزوجين

hg.,h[ ,hghsjrvhv

المصدر...