اشكيه لمين !.

اشكيه لمين !.

السلام عليكم
انا متزوجة من سنه ونص تقريباً وعمري37سنه وزوجي اكبر مني بسنه ولي بنت منه عمرها6اشهر . سبق لزوجي الزواج وله 3ابناء اكبرهم10سنوات وتم الانفصالهم وليس الطلاق قبل خطبتي بسنتين وبعد زواجي تم الخلع. اشترط زوجي يكونو اولاده معانا وانا رحبت ولكن بشروط الشغاله ومساعدته وان اخذ راحتي فبيتي سواء بلبس او قرارات ، كان يشكي لي ان امه تركته هو واخوانه وهم صغار وهو شال ابوه المقعد وعمره16 سنه وماعرف حنان الام ولاتشكل له امه اهميه قد ابوه وكمان من تجربته السابقه لا اهتمام ولا حب ولا عطاء ولا فراش ، كانت لما اكلمو ايام الملكه على الواتس اب يعصب ويقول ماني فاضيلك ولايرد احيان او يكلمني بالجوال معصب ويهدد اذا ماقدرت على عياله ايش يسوي فيا وكان يهدد بالانفصال ولما يجي عندي بالبيت القاه شخص ثاني ودود وزي العسل وكنت اقوله له هذا الاختلاف المهم كان منكد علي ولاحسيت اني عروسه بسببو وان احتمال يجيب اولاده عندي من اول اسبوع لي وكنت ابكي وهو معصب ولكن حاولت اعطيه واعوضه كل شي واحتويه بالحب والعطاء والسمع والطاعه والاهتمام ولا اقول له لا على الفراش وان كنت مريضه باول شهر لنا لاحظت اهتمامه بجواله بشكل مجنون ولما اجي عنده يقفلو ولايسمح لي اشوف ذبحني الفضول مايصير كذا الا في حاجه وفعلاً لما فتحت الجوال اكتشفت بلاوي ع الفيس وع الواتس وارقام بنات والي تتغزل فيه والي يحاول يستدرجها ع الواتس وكان ذا مستمر من قبل الخطبه الي يوم ماكشفته وصار يقسم انهم اولاد ويبغى يعرف مين طبعاً انا ماصدقت وسكت وتكررت الخيانات والافلام الاباحيه بجواله وكل مرا تقوم القيامه يقول انتي شكاكه ويزعل ولايرضى الين انا اعتذر وابوس القدم وطبعاً منعني من الوظيفه بحكم ان الحرمه اذا اشتغلت تدعس على زوجها وبحكم ان اغلب الي بالوظايف وخاصة الجامعه انهم استغفرالله ......! طبعاً بحكم ان اغلب الي معه ع الفيس من الجامعه صار يضايقني بلبسي ويبغاني البس طويل عشان اولاده ومانع اني اقرب منو او حتى اسلم عليه قدامهم بحكم اني زوجة ابوهم وان مايبغى ينشهم على كدا بالرغم انه24ساعه على الافلام المصريه ولايراعي اطفاله وهويقول لي كان يمازح امهم ويسلم عليها قدامهم لما اقولو ايش معنى يقول هذيك امهم اما انتي زوجة ابوهم زوجي اهم شي عنده جواله والشباب واعياله يجي من السهره12 يجلس بالصاله بين اولاده الين تقفل عيونه نوم يدخل غرفته يادوب يحط راسه ينام ويقوم الصباح على الدوام يجي 4العصر يتغدى ويجلس بين اولاده الين يطفي ويدخل غرفته ينام ابوساعتين ويقوم يجلس بالصاله بينهم كمان ل 10ويخرج ل السهره . طيب يارجال انا فين حقي فيك يزعل ويتضايق ويصارخ فيا ابغى اكلمو بموضوع مافي مجال ابغى جو رومانسي مافي مجال سواء من اولاده اومنه يقول مايحبها ولايحب اني ارقص قدامه ولايحب رومانسيتي ولاحساسيتي ولايحب رغبتي فيه لان رغبتي له قويه يقول انتي مريضه جنسياً ولايشبعني وامثل له انواشبعني احاول اجيب العاب زوجيه رافض حارمني من الحب والدلع والغنج ولامشبعني . يضايقني اني اقوى منه على السرير
واعطيته الحب الكامل وحاولت احتويه واهتم فيه سواء وبعياله قدمته هو وعياله على راحتي ومع هذا ماشافه وراح يدور على بنات ويبحث عن حب صادق او صداقه خالصه يتمنى يعيش الحب ويحب وينحب هذا كلامه للبنات الي اشوف محادثاته معهم في منهم يقولو له زوجتك اهم بالاهتمام يقولهم انا ابغاكي انتي وهناي معاكي انتي
والله والله عمره ماقالي كلمة احبك او دلعني او قالي ياقمر على عكس البنات الي يكلمهم لما اقولو ليه ماتقولي كدا يقول انا ماني رومانسي وهو كذاب اعرف انو يعرف يتكلم ومتاكده وفعلاً شفت كلامو لغيري يدعي لوحده يكون حبه بقلبها وانا حارمني
ومن ثلاث اسابيع اكتشفت خيانه جديده له وكبرت المشكله بيننا وله 3اسابيع مايكلمني ولاينام بغرفتنا واذا كلمني يكلمني بنبره شديده وعاليه اتصادمت معه كثير ومديت يدي عليه لاني انهرت هوالغلطان ومسوي المصيبه وله عين يزعل ويهجرني ولايعتذر قايمه بعياله وفيه برغم حركتو وزعله الي مو من حقه بالاخير يقولي مالك شغل فينا وفكري بالطلاق والله جالسه بغرفتي ما اخرج منها الا لشي الظروري وسايبه له ولعياله البيت انا ماخنت ولا غلطت وان طلعت عليه كلام فذا من حرقة قلبي لاني ماني مقصره ولاناقصني شي الحمدلله كلمت محامي ابغى احمي نفسي من ظلمه وظلم اخوي قالي فكري ولاتستعجلي ليه نتحمل خيانة الرجل وظلم الرجل والاهل ليه مطالبين بالصبر في رجال مستحيله الحياه معهم والاهل كمان والحرمه بتعيش ولية نفسها ماتبغى وصي عليها نروح لمين نشكيلو
انا تعبت مع زوجي وابغى حل

المصدر: منتدى الحياة الزوجية | دليل النساء المتزوجات | الثقافة الزوجية والعائلية - من قسم: مشكلتي - مشاكل زوجية - معالجة المشاكل بين المتزوجين

ha;di gldk !>

المصدر...