ندمانه فرطت في بيتي وابو عيالي ملكته بعد شهر

ندمانه فرطت في بيتي وابو عيالي ملكته بعد شهر

السلام عليكم

انا نزلت موضوع قبل فترة عن طلاقي
http://forum.z4ar.com/f116/t350786.html


واني ابي زوجي يرجعني للأسف ماكان فيه اي بوادر انه يبي يرجعني ما الومه اللي سويته فيه يهد جبال
وسطت مصلحة تكلم امه وردتالمصلحة ان امه تقول ان ابو عيالي انتظر احد يكلمه فترة العدة ماحد كلمه وخلاص ماعاد يبي يردني وان ابوي بدال مايقوله وش فيكم تطلقتوا قاله نبي ورقة الطلاق ونبي 12 الف بنتنا مسلفتك اياها
احس اني مخنوقه انتهت العدة وانا باقي اكابر قلت بيرجعني بعد شهر شهرين سنه
كنت واثقه بنفسي لا كنت مغرورة وشايفه نفسي تكبرت على نعم ربي علي
كان عندي زوج ينفذ طلباتي الحين لا
وعيال حلوين يحبوني وذكريات معهم الحين ماعاد عندي ذكريات يقعدون عندي يومين ويروحون يفوتني كثير من المواقف لما اشوف عمتهم منزله صورهم بالسناب شات والانستقرام انقهر ويني عن هالذكريات والضحك والوناسة ولا كانهم فقدوا امهم انا استاهل
كان موفر لي سواق وخدامه والحين خدامة اهلي امي تمنعها تغسل ملابسي
عيالي معززين مكرمين عند اهلي اول الحين لاجو امي تنقهر مادري ليه ماتحبهم تقول عيال الخبيث ماتدري انه طيب وانا كنت اكبر اغلاطه
امي كلمت خدابة تجيب لي عرسان تقدموا لي 3 رجال 2 منهم متزوجين وعندهم عيال وكبار وامي تقول وافقي واقهريه انك تزوجتي قبله والحمدلله اني ماسمعت كلامها ماحد فيهم يسوى ظفر ابو عيالي

ندمانه وكلمت ابوي وقلت له الحقيقة هو ماكان شكاك وانا اللي تبليت عليه وقلت لكم شكاك هو طلقني علشان لساني واعامله بندية واحتقار واكسر كلامه ولا كانه رجال
انه قال هذي حياتك وانتي حرة فيها قلتها لك اول ماتطلقتي هذي حياتك وانتي حرة تبين ترجعين اكلمه انتي قلتي لا وش تبيني اسوي لك الحين
انقهر لما امي تتكلم عليه بسوء ويزيد قهري لما عيالي يهاوشونها لاتقولين عن ابونا موب زين وانا لساني منربط عيالي اشجع مني وتضربهم وبرضو مااقدر اقولها شي اخاف

اخته كلمتني قبل امس تقولي انه خطب رسمي وانها راحت مع امها وشافوا العروس وانها حلوة ومؤدبة وموظفة وقالها انا مابي موظفة قالت ابشر قبل الزواج اكون استقلت انقهرت كيف تستقيل وانا لما قالي وظيفتك مسببه مشاكل تمسكت فيها وبعته يالله وين كنت عايشة انا واللي يقهرني اكثر انها بكر 24 سنة وترضى بمطلق عنده ولدين لا وبعد عياله عنده
ليه مارفضته قلت لاخته قولي له اني باقي ابيه واحبه قالت والله نقوله من زمان وكل ماجا طاري قال قفلوا الموضوع

ملكته بعد شهر خطب رسمي ودي اكلمه واقوله رجعني واني ندمانه بس اخاف يكسر خاطري ويسمعني كلام موب زين وش رايكم ادق عليه بما انه باقي ماعقد على البنت واقوله يرجعني ومن ناحية ثانية افكر بهالبنت اللي خطبها اكيد بتتضايق لو بطل من الزواج وبتدعي علي
افكر ارجع له لو زوجة ثانية ماعندي مانع اصلا واضح ماحد بيخطبني الا متزوج عندي ولدين ومطلقة وعمري 28 سنه خلاص او انتظر مطلق مثلي

وش رايكم اكلمه

ارجوكم لاتلوموني تصدقون صديقاتي اللي كانوا يعبون راسي عليه بعد ما تطلقت واسوني بالبداية ثم رجعوا يطلعون وانا معاهم بعدها انقطعوا لقيتهم يتواعدون الحالهم مو بالقروب كالعادة يتواعدون الحالهم بدوني انقهرت كل يوم اندم وابكي اكثر على ماضيعت بحياتي اتمنى ترجع حياتي مثل اول والله لاحطه جوا عيوني واقفل عليه باقي احبه

المصدر: منتدى الحياة الزوجية | دليل النساء المتزوجات | الثقافة الزوجية والعائلية - من قسم: مشكلتي - مشاكل زوجية - معالجة المشاكل بين المتزوجين

k]lhki tv'j td fdjd ,hf, udhgd lg;ji fu] aiv

المصدر...