خطيبي شكاك وموسوس الى ابعد حد بشكل ماتتصورونة

خطيبي شكاك وموسوس الى ابعد حد بشكل ماتتصورونة

السـلام عليكم
انا مخطوبة من رجل لا اعرفة ولا يعرفني تقدم لي عن طريق احد الحريم شافتني بزواج يقرب لهم من بعيد ،
الزبده بعد اسبوع من ملكتي كلمني وكان يكلمني بشكل فضيع الصباح يتصـل ومايقفل الا اذا اخوي مسك جوالي وكلمة
ومرات امي تناديني اقول بقفل امي تناديني يقول لي كذابة خلي جوال مفتوح خليني اسمع
وانا وربي ما اكذب فية اشياء خاصة يبغى يسمعها
يقول لي انتي كذابة بتقفلي علشان تتصلين على حبيبك وتكلمينة وانتي ماتحبيني ولا تبغيني بس تبغين الفكة من بيت اهلك واصرف عليك فلوس
واذا طلعنا السوق يقول من هذا الرجال الي يناظر فيك تعرفينة من هذا الشايب الي مشى جنبنا تعرفينة
ياربي ما اعرف احد واجلس احلف ومايصدق الا يبهذلني بسوق ويكرهني فيييييةة
واذا جاء بيتنا اذا منعتة يتقرب مني يقول ليش انتي مو بنت اسكت ولا اقول شيء ومرة غلط بحقي وجلست ابكي قال ليش انا تمنعيني وحبيبك تخلينة يلمسك ويسوي الي يبي يعني مؤدبة معي
انا تعبت ياناس انا سكت علشان لة جانب حلو
وقبل شهر انا سويت مشكلة معة ماقدرت اتحمل هالوضع وربي 8شهور وانا ساكتة يمكن يتعدل الا يزداد شكة وسوستة
قبل شهر قال لي ونحنا نتخاصم انا مريض وربي تعبان وقرفان من هالشيء والله كنت اثق ثقة عمياء بزوجتي الي كانت طليقتة وكشفت مؤخرا انها تخونني مع ناس كثير وانا واثق فيها وكسرت ثقة الي فيني
خلتني اشك بالكل وامي علشان تعدل حالتي وصت حريم يدورون بنت اصول وتخاف الله وحصلتك بس اخاف تكوني مثل طليقتي
وقتها معي طيبة واخلاق ويوم تزوجتها وجبت عيال تمردت ..

انا مليت بصراحة من هالوضع زواجي بشهر خمسة وانا ابي انفصـل
هولة جانب طيب يعطي فلوس ويطلعني ويمشيني ويعطيني الي ابغاه بس لمن يفتح فمة تبدا المشاكل ..

المصدر: منتدى الحياة الزوجية | دليل النساء المتزوجات | الثقافة الزوجية والعائلية - من قسم: مشكلتي - مشاكل زوجية - معالجة المشاكل بين المتزوجين

o'dfd a;h; ,l,s,s hgn hfu] p] fa;g lhjjw,v,km

المصدر...