اذا فيكم طبيبه نفسيه تدخل ضروري

اذا فيكم طبيبه نفسيه تدخل ضروري

بنات انا عندي مشكله موقفه كل حياتي انا يابنات متزوجه وعندي طفلين وعمري 27سنه ودخلت الجامعه متاخره شوي مشكلتي يابنات احس اني مو عارفه وش هدفي في الحياه ماشيه بالبركه يابنات ماعندي احد يفهمني يوجهني قاعده أتخبط في الحياهـ والله يابنات من انا وصغيره وانا كل ماسويت شي سواء صح او خطا او اتخذت قرار اقول ياربي اللي قاعده أسويه صح او خطا اللي قلتله صح او خطا ماني عارفه شي حتى لما اجي اتكلم مع احد احس أسلوبي غير عن البنات الباقين يعني يتكلمون واثقين من أنفسهم يتكلمون عن خبره وتجربه انا احس اني فارغه من جوا تخيلو يابنات لما وحده تقولي شي اقول يعني وش قصدها يوم قالت كذا وأروح اسأل اي وحده آمون عليها فتقعد تقولي يعني قصدها كذا وكذا يابنات انا مدري وش فيني حتى احس ماني فاهمه نفسي ومدري وين موقعي وين مكاني عند الناس احس اني معرف شي مدري عن شي حتى زوجي احس احيانا ان سواليفي ماتعجبه او أسلوبي في الكلام ماتعجبه بنات انا خلااااااص تعبت من شخصيتي من نفسي يعني مثلا لما اجي استمر ع الصلاه والتزم اجي اليوم مثلا بكل حماس واصلي واقرا قران وأتصدق يوم يومين وخلاص اترك الصلاه ونفس الشي في أمور ثانيه يعني اسوي رجيم اسبوووووع كامل وبعدين ابطل ماعمري بحياتي حطيت قدامي هدف ووصلت له ابدا وثقتي بنفسسي معدومه جدا جدا والله يابنات اني احس كني في زي الحلم مدري وش السالفه وش فيني مزاجيه نفسيه حتى نوم زي الناس ماانام الراحه النفسيه مااعرفه تخيلو وانا في البيت احس أفكر بكل وقت وهواجس وأتذكر الماضي وو اقول يمكن عشان قاعده في البيت وطفشانه لما اطلع احس اطلع واضحك بس مو من قلبي مو مرتاحه نفسيآ تخيلي اسافر الشرقيه وارجع بس مو ذاك الوناسه البسطه مدري وش فيني والله يابنات اني اعرف بنات كثيرررررر ماتطلع من البيت ماتروح ماتجي بس نفسيتها تمام مافيها الا العافيه وتروحين عندها ضحك سواليف فله بنات انا مااروح كثير عند احد ومحد يجيني كثير احيانا اروح عند الناس انغث وارجع بالعكس ماانبسط وانا قليل ألقى بنت تناسب شخصيتي وارتاح معها تتوقعون يمكن عشان كذا مدري ! بنات تكفون والله مالي الا انتو وأنتو رجاي بعد الله تكفون وجهوني حللو شخصيتي وياليت وحده تكون أخصائية نفسه او دارسه علم نفس تحلل شخصيتي وتعطيني حل شافي لمشكلتي انا أتمنى اروح دكتور نفسي بس مستحيل اطلب من زوجي كذا حتى يابنات ملامحي وجهي وعيوني سارت يبان فيها كل اللي داخلي من حزن وألم وغضب تكفون ساعدوني

المصدر: منتدى الحياة الزوجية | دليل النساء المتزوجات | الثقافة الزوجية والعائلية - من قسم: مشكلتي - مشاكل زوجية - معالجة المشاكل بين المتزوجين

h`h td;l 'fdfi ktsdi j]og qv,vd

المصدر...