اطلب الطلاق والا اروح بيت اهلي؟

اطلب الطلاق والا اروح بيت اهلي؟

السلام عليكم ورحمة الله وبركاته

مشكلتي مع زوجي ماادري وين معه ابتدي فيها : زوجي طيب و لين الجانب معي مع انه يسهر برا وكل وقته برا البيت لكن هالصفة حبيتها فيه مشكلته هي البخل .. عندي ولدين وملابسهم باكياس ماجاب دواليب وتعبت من الكلام ابي لهم دولاب وغرفة نوم زي باقي الاطفال وما كأني اقول شيء وسرير ولدي الكبير انا اشتريته له من حافز والثاني ينام على الارض .. غسالتي بالدور الثالث وخربانة وحوضين واضطر اني اطلع بالبرد انشفها بيدي لانها ماتنشف :( .. مطبخي دواليبه متكسره وثلاجتي خربااانه و بيتي مافيه قطعة كنب !! مصروف مايعطيني مايوديني ولا يجيبني الا كل سنة مره يوديني دبي اربع ايام ويجيبني و هناك لامصروف ولا شيء يقول تمشي بس !! ملابسي اخذ من خواتي وفلوس اتسلف من امي :( المواد الغذائية والله ثم والله اني اخذها من بيت اهلي احيانا بدون مايدرون ياربي لاتواخذني :( بيت وعيشة كريمة ماافيه ما اطلع الا لاهلي واهله فقط .. ولايزورني احد وين احطهم فيه !! مليت وتعبت من الكلام والزعل يتغير نص يوم ويرجع زي ماكان ، الجنس يقول لاعادتطلبينه مني لاني مصاب بضعف جنسي من علاجات الاكتئاب اللي ياخذها .. بتقولون اشتغلي انتي او اطبخي وبيعي ؟ مابي لانه موظف وراتبه فوق العشرة الاف ومع ذلك ما اشوف الا بالقطارة .. كل شيء مايجيبه حتى بالاعياد مافيه شوكولاته او حلاوة او معايده للعيال .. انا ما اكفر العشير بس نفذ صبري خلاااص تعبت اناظر اللي بيد غيري وانا ماعندي شيء محرومة حتى الاكل اذا جاب يقول وين اللي جبت ذاك اليوم!! لي سنتين او اكثر ماشتريت لي لبس زي العالم وهو مو فارقه معه واذا قلت شيء قال اهم شيء مرتاحين و صحتنا زينة ،، يارب لك الحمد بس ليه كذا عايشين وحالتنا كسيفة ، لبس عيالي اجمعه تجمييع وسلفتي تعطيني لبس عيالها بعد مايكبرون عليه .. انا مابي حالي كذا وحال عيالي .. ما طلبت قصر وفلوس وسفريات بس اللي ابيه عيشه زي العالم ، وش اسوي معه تكفون كيف افاتحه بالموضوع وايش الاسلوب اللي بيجيب نتيجة .. الله يفرج همي وهمكم 💔💔

المصدر: منتدى الحياة الزوجية | دليل النساء المتزوجات | الثقافة الزوجية والعائلية - من قسم: مشكلتي - مشاكل زوجية - معالجة المشاكل بين المتزوجين

h'gf hg'ghr ,hgh hv,p fdj higd?

المصدر...