اتزوج الاول ام الثاني

اتزوج الاول ام الثاني

موضوعي مصيري ياليت تاخذون وقتكم بالقراءة وتقدمون النصح مابي كلام عام تكفون ردوا ايهم اختار 1 والا 2
مادري كيف ابدا واتمنى اجد من يشور علي مالجأت لكم الا اني وصلت لطريق مسدود انا انسانة عادية عمري 36 سنة انخطبت مرات قليلة بس كنت ارفض ماادري ليش اكيد ماكان فيه نصيب عشت 5 سنوات ضيق وقلق لانه ماطق بابي ولاشخص اضطريت ادخل موقع زواج للاسف الجادين حصلتهم شخصين ساعدوني مين اختار لان الضغط والقلق مسيطير علي ومو عارفة اختار وافكر ارفضهم كلهم واتقوقع على نفسي وفي نفس الوقت بتزوج واعيش حياتي خلاص كبرت
الاول :
سعودي 56 سنة جد ومؤهله ثانوي متقاعد وزوجته تعبانة
ميزته سعودي ويعيش بالسعودية وحياة شوي كريمة او عاديه يعني مافيها تعب وقسوة لايرغب باطفال لكن لايمانع لو انا اريد اطفال رافض دفع مهر كبير محدده من البداية مبلغ رافض زواج وقاعةكبيرة ورافض شهر عسل يقول ابي قنوعة ماتهتم بالمظاهر احسه بيقتل فرحتي ومرات اقول عادي اهم شي الستر واجيب طفل قبل اصير 40
احسه لين هين حنون طيب
بس اخاف انه شايب ومايقدر على حاجة ورغبات المرأة ياليت الرجال او النساء اللي ازواجهم بهالعمر يردون
الثاني
من جنسية اوروبية طبيب عمره 40 متزوج 2 ومطلقهم عنده بنت من الاولى ولايدري عنها اي شي لانها طلعت دولة ثانية وتزوجت والثانية عربية تزوجته تبي حياة الانفتاح ورفضت تتحجب ورفضت التزامه وطلقها بالمحكمة لانه يبي مسلمة محجبة احسه قاسي وجاف في كلامه ورسمي جدا
قالي اذا تطلب الامر تعملين الحياة صعبة مو مثل الخليج وماعندنا سيارة نستخدم مواصلات عامة والبيت شقة من غرفتين ودورة مياه وحده والحياة مختلفة عن حياتك بالخليج مايعرف عربي وانجليزيتي ليست جيدة وهذي مشكله خصوصا في بداية زواجنا. انا ارتحت له كثير وكنت طايرة فيه بس مره ارسلت له قلت وش سبب طلاق الاولى لاني عرفت اسباب الثانية بس الاولى مااعطاني التفاصيل وسالته ولارد سالته مره ثانية هل انت قاسي عليها بخيل مثلا. وطلبت منها تشتغل فماقدرت على الحياة الصعبة قالي مااعتقد نصلح لبعض رديت عليه انه استفسر عادي سفهني اسبوع عقبها رد انه جرحتيني بكرامتي واهنتيني للعلم هو اصله من باكستان بس جنسيته اوربية عشان كذا احس فيه قسوة وجفاف الرجال الشرقيين وخصوصا باكستان احسهم قاسيين جدا عاش. طفولته بالسعودية يعني عارف طباعنا ولكن نسي العربي
الحين وش رايكم حابه حنية الاول وحبه اللي موضحه لي في كل رسالة
والثاني طول عمري كنت اتمنى ملتزم ومنصب يكون قدوة لاولاده وهذا في الثاني بس اللغة بينا حاجز وبدولة ثانية بعيد عن اهلي وكلام الناس كوني اتزوج اجنبي واخاف يطردني من بيته لو اخطيت اي خطاواخاف مااتحمل التعب والشقا كل شي بكون مسئولة عنها طبخ تنظيف اطفال مو زي بالسعودية لو ماعندك شغالة تقدر تجيب شغالة امك او بالساعة

كل الاثنين حسيتهم اقتصاديين وكل الاثنين كبار بالسن اخاف مالهم قدرة لتلبية واجباتهم الزوجية انتم وش رايكم من خبرتكم خصوصا الرجال هل هم في سن قادرين والا ابو 56 راحت عليه
اهلي عادي لو اتزوج اجنبي بس كلام ولوم الاقارب والمجتمع :_772:
انتم وش رايكم تكفون تكفون تكفون لا تمرون على موضوعي وماتردون تكفون اعتبروني اختكم وساعدوني بالاختيار ولاتحرموني من دعواتكم بالستر والزوج الصالح والذرية الصالحة
اتمنى من الادارة تنزل الموضوع اسرع شي صار لي اسبوعين راسي بينفجر من التفكير

المصدر: منتدى الحياة الزوجية | دليل النساء المتزوجات | الثقافة الزوجية والعائلية - من قسم: مشكلتي - مشاكل زوجية - معالجة المشاكل بين المتزوجين

hj.,[ hgh,g hl hgehkd

المصدر...