بوفتيك مع البطاطس على الفحم.. اختراعى ومن مطبخى

السلاااااااااااااااااااام عليكم يا حلوييييييييييييييين

النهاردة جايبالكوا وصفة جديييييييييدة من اختراعى والله ما شوفت حد عاملها وطلعت تحففففففففة الحمد لله

المقادير

كيلو الا ربع بوفتيك او نص او زى ما انتى عايزة .
حوالى 3 حبات بطاطس مقطعة حلقات او حاولى توازنى بين كمية البوفتيك والبطاطس.
2 بصلة متوسطة.
فلفل اسود .
بهارات لحمة .
جوزة الطيب مبشورة مش كتير .
شوية خل صغيرين
ملح.
2 قطعة فحم .
سمنة .


الطريقة ..

بعد ما نغسل البوفتيك هنقطعه ازاااااى بقى هنجيب حتة البوفتيك ونقسمها نصين بالطول وبعدين نصين بالعرض او على تلاتة لو الحتة كبيرة وبعد ما نخلص الكمية هنقطع عليها البصل ونحط كل التوابل والخل ونقلب كويس جداااا والافضل ان العملية دى تتم فى الصينية اللى هتعملى فيها ... بعد ما نخلص تقليب نرص البوفتيك بقى ف الصينية ونسيب فراغ ف النص عشان نحط فيه الفحمة وخدى بااااااااااااااالك اننا هنحط الفحمة والبوفتيك نى..... المهم بقى هنسخن الفحمة كويس وبعدين نجيب حتة ورقة فويل ونعملها على شكل طبقى صغير ونحطها ف نص الصينية وبعدين نحط الفحمة عليها ونكون مسخنيين شوية سمنة صغيرين ف طبق و هوووووب نحطهم ع الفحمة وغطى كويس اوى بأسرع ما عندك وخليها شوية وبعدين حطيها ف التلاجة لو هتعمليها تانى يوم وده من الأفضل..... نيجى بقى تانى يوم هنطلعها ونحطها ف الفرن ونحط عليها شوية مياه او شوربة لحمة او فراخ عادى وهى بقى ف الفرن هتجيبى البطاطس الحلقات وتقطعى عليها البصلة التانية من شوية ملح وفلفل اسود وتسيبيها شوية لحد ما البوفتيك يقرب يستوى وبعدين تطلعى البوفتيك و رصى البطاطس من الأفضل تحته ولو محتاجة مياه حطى بس مش كتير يعنى عايزين ف النهاية يكون فيها صوص قليل المهم بعد ما ترجعيها للفرن بقى وتستوى هتعملى نفس الموضوع ف الفحمة التانية وبرضو تحطيها و هوووووب تقفلى ............. وبكده هتاكلى احلى صينية بوفتيك على الفحم بالظبططططططططططططططط وهتدعيلى عملتها ومفيش حد مش عجبته والله

انا كتبت الموضوع بالتفصيل الممل وارجو منكوا دعوة حلوة وتقييم حلو انا للأسف مصورتهاش عشان اكلناها بسرعة وكنت متأخرة ف الأكل اصلااا :03a::03a:

ياااااااااااارب تكون عجبتكوا وتجربوها وتقولولى رأيكوا يا حبايبى ... فى رعاية الله :228:

اختكوا ميرووووو

للوصول الينا ومتابعة كل جديداكتبي بمحرك البحث (منتدى عـدلات) او (3dlat)



المصدر...