زوجي طالبني جلسة صلح في المحكمه..

زوجي طالبني جلسة صلح في المحكمه..

السلام عليكم ورحمة الله وبركاته
كتبت مشكلتي هنا من كم شهر حاولت اتذكر العنوان عشان احط رابط المشكله واختصر الكلام لكن نسيت الموضوع
المهم انا عمري 24 زوجي 34 لسه ادرس في الجامعه متأخره في دراستي بسبب زوجي ومشاكله مشكلتي مع زوجي لها فرعين اول شي اخلاقه معاي سيئه الفاظه بذيئه يلعن ويسب طول اليوم ويلعن اهلي ويسبهم في كل مشكله كل مشكله تصير تكون اتفه من اللي قبلها لكن مصر يكبر المشكله ويصرخ ويسب ويشتم ويهينني واوقات يدفني ويرميني على اي شي مره انجرحت مره تعورت عيني انطردت كثير وتفل بوجهي اكثر من مره لاسباب تافهه مثلا الطفل وسخ الغرفه او سبب ازعاج او مثلا نسيت الملابس في الغساله ونمت عنهم مثل ماقلت كل سبب اتفه من الثاني لكن بالمقابل تصرفاته لاتحتمل مثلا لما الولد يسوي فوظه يقولي اهلك ماربوك عشان كذا ماعرفتي تربين الولد او مثلا شاف شوية عفسه من الاطفال يقول تربيتي بوصاخه وعلمتي عيالي على وصاختك ومع هالكلام سب ولعن لي ولاهلي وصراخ وكل اهله يسمعون الصراخ وتهزيئه لي لان عايشين معاهم في البيت ..
الشي الثاني سكني مع اهله المكان صغير وعندنا 3 اطفال بنتي عمرها 7 سنوات وولدي 5 وولدي الصغير2 شقتنا ضيقه مره مساحتها 7امتار في 8 امتار وفوق كذا ماعندي حريه ولا خصوصيه كل شي مكشوف ومفضوحه قدام اهله ...
وغير كذا اهله مو حاسبين لي حساب وطبعا بسببه لانه مو محترمني اصلا فكيف هم بيحترموني بداية اذوني وخصوصا ام زوجي في الطلعه والدخله س ج وين رايحين ومن وين جايين وهالشي للأن مستمر واذا جيت بطلع و زوجي مو معاي وطبعا اكون مستأذنه توقفني وين رايحه ومع مين وزوجك عارف بطلعتك !!!
شفتوا كيف المعامله هالسؤال مره ينرفزني
وشقتي يدخلونها اخوانه المتزوجين وكلهم اكبر منه وخواته بعد يدخلون وامه بالمختصر كل العايله بدون اذني ويستخدمون الاغراض لدرجه اذا مالقوا المفتاح يدخلون من النافذه
مرتين كسروا قفل الباب وهالشي بفتره ولادتي اكون عند اهلي نفاس ويكون زوجي ينام معاي عند اهلي واهم مستغلين هالوقت اخر ولاده لي رجعت وشفت حتى غرفة نومي نامو فيها والحمام مليان ملابسهم والمطبخ يستخدمونه وعرفت ان اخو زوجي الكبير فتح الشقتين (شقته وشقتنا )على بعض طول فتره جلوسي عند اهلي
وتقريبا من سنه ونص كان دوام زوجي اخر ليل من 11 الين 7 الصبح طلع واحنا نايمين والباب ضل مفتوح وكنت نايمه عريانه لانه مجامعني ونمت بهالوضع ماصحيت الا على فتحة الباب وكان اخو زوجي صرت بوجهه وشافني استغفر الله وعل طول طلع رحت دقيت على زوجي واهو في دوامه وقلت له وانا اصيح رد علي ان اخوه لوكان يدري اني موجوده مادخل اصلا لاني اوقات اروح عند اهلي انام عندهم اذا كان دوامه كذا قلت له حتى ولو المفروض مايدخل سواء كنت موجوده او لا عيب صرخ علي وسكر بوجهي صار زعل بينا وضليت فتره مخاصمته ومشى الموضوع اخر الايام صرت لما انزل (طبعا مدخل ومخرج الشقه اللي هو الدرج في صالتهم) يكون ولد عم زوجي اللي اهو زوج اخته يكون جالس عالدرج ويشرب زقاير والدرج عرضه مايجي نص متر فاضطر اقوله وخر بمر وصالتهم طبعا ماتفضى تقريبا اقدر اقول مجلس رجال كل يوم تجمع بالعشر والعشرين نفر اخوانه اعيال عمه خواله اعيال خواته واعمارهم ب23 و24 وهالشي من 8 سنوات للأن طلبت منه سكن وحاولت بالطيب وبالزعل ورافض بحجه ليش يدفع ايجار واهو عنده مكان ينام فيه وبحجة يجمع للمستقبل تعبت انا لاسكن مريح ولا معامله ..
انا عند اهلي من 3 اشهر من بعد اهانته ومن ضمن الكلام والسب قالي يالقحبه رحت لاهلي مثل العاده لان عندي دوام وباص الجامعه يمرني عند اهلي ودقيت عليه وقلت له لما تلقى حل لمشاكلنا تعال قالي انتي واهلك مو وجه حشيمه وقفل الخط بوجهي
ماحاول يتفاهم مع اهلي كل اللي سواه يجي يمرعلى الاطفال ويرجعهم حتى مصروف مافكر يعطيهم و من اسبوعين اخذ ولدي اللي عمره 5 سنوات وماجابه ورسل رساله على جوال امي بنتكم الناشز موعدها بالمحكمه اليوم الفلاني ومارحت المحكمه الحين سوى موعد ثاني بعد كم يوم وناويه اروح طبعا هو راح للمحكمه مو عشان الصلح لو يبي الصلح بيتنا قريب و3 شهور رايح جاي ياخذ الاطفال لو يبي صلح كان تكلم مع ابوي لكن هو يبي يذلني ويرجعني بالمحكمه بدون شروط ..
طبعا انا ذكرت اسباب زعلي منه اخر مره +ماراح ارجع اسكن في بيت اهله لو يوصل الموضوع للطلاق اختار الطلاق ولا هالعيشه
طبعا ابي منكم تعلموني شلون نظام المحاكم هل يعطوني فرصه اتكلم هل بينصفوني لو قلت لهم شلون يعاملني وشلون وضع السكن اللي انا فيه هل بيلزمونه بسكن مستقل ومريح وأوسع من كذا لانه مقتدر ماديا اصلا ويطلع فلوس الايجار بالراحه او بيلزموني انا بالصبر اللي يعرف نظام المحاكم شلون يطمني ويعلمني شلون اخذ حقي من هالزوج الظالم لانه والله العظيم طفح الكيل وحسبي الله ونعم الوكيل .
اداره تكفون نزلوا مشكلتي...

المصدر: منتدى الحياة الزوجية | دليل النساء المتزوجات | الثقافة الزوجية والعائلية - من قسم: مشكلتي - مشاكل زوجية - معالجة المشاكل بين المتزوجين

.,[d 'hgfkd [gsm wgp td hglp;li>>

المصدر...