ان مع العســــرا يســــرا قصة للعبــــرة

ان مع العســــرا يســــرا قصة للعبــــرة

ان مع العســــرا يســــرا قصة للعبــــرة




يمكن يا اخواتي الي صارلي ماصار لأحد قبلي, قست اقسى انواع العذاب النفسي والجسدي, ذقت القهر والمر والحسره الحقيقيه, ذقت الكئابه في عز شدتها صرت جسد بلا روح
هشيمه.. محطمه منهكه و لا استطيع ان انهي لان ببساطه كل شيء سيء صار لي اقسم بالله

انا ما ابي منكم شي الا انكم تتعضون من ما حصلي.. وتعرفون ان الله سبحانه وتعالى قال ادعوني استجب لكم
لو حصلت لك اختي اي مشكله ارفعي يدك للرحمن الرحيم وادعيه... قريت يستجيب ويستحي ان يرد عبده سفرا خائبا.....


تبدي قصتي يا اخواتي بعد وفات امي الغاليه رحمه ربي عليها واسكنها فسيح جناته هي ووالدي الغالي فهو سبقها ب 10 سنوات.. بدئت قصتي تحديدا منذ فقدان والداي.. بلسم جروحي

عندي من الاخوان 5 ومن الاخوات 3 وانا الرابعه.. ولكن تسلسلي الثانيه بين البنات والسابعه بينهم
بدات لما بدو اخواني كل من يبي ورثه وكل من يبي حقه

اخواني على بشاعتهم الى اني مؤمنه ان فيهم صوت جميل يغرد.. هالبشاعه كلها طلعت بسبب زوجاتهم
سبحان الله ولا وحده فيهم طيبه.. كل وحده طماعه وقالبه راس زوجها على اخوانه

كان بيت وحيد ملك امي انا وامي ساكنين فيه واخواني كل واحد طالع ب شقه
بعد ماماتت امي تخيلوا يا اخواني اول ما انتهى العزى

كلهم قرروا يبيعون البيت وكل من يبي فلوسه.. بيتنا وسيع يطل على شارع عام وعلى زاويه
مكانه حلو واستراتيجي وجاب مبلغ وقدره والمبلغ جدا كبير وانا شخصيا ماتوقعت

كنت ابكي واقولهم حرام عليكم.. احنا اخوان.. اه يايمه لو انج عايشه
كانوا يقولون والله عاد مالنا شغل نبي حقوقنا

قلت وانا؟؟؟؟ انا وين اروح؟ مافكرتوا فيني وين اروح؟ قالت اختي والله كيفج تأجرين لج شقه ولا تشترين
لج بيت على قد حالج انتي موضفه ومعاشج همجات

غربتني الدنيا وصرت وحيده بروحي.. لا ام لا ابو لا اخوان ولا حتى اصدقاء... كنت وحيده بكل ما تحمله الكلمه من معنى

انا "كنت" بنت مقفه.. جميله.. وادبر اموري عن 10 رجاجيل.. لي صديقه اماراتيه تشتغل في امريكا
وكنت اشكيلها حالي.. طبعا بعد ما اجرت لي شقه داخل بيت

قالت لي ليش ماتجين عندي.. واطلع القرين كارد مال امريكا وتشتغلين هني
هي بعد وحيده.. شفتوا القدر؟ قلت والله مادري.. انا بديرتي متغربه ف ماني مسبعده لو جيتج لان انا بغربه ولو جيتج بجيج بغربه

بدت اجراءات القرين كارد وطلعتها لي بكل سهوله.. لقت لي وضيفه بالشركه الي تشتغل فيها.. شركه كبيره وعلى وزن

قبل السفر بأسبوع..

تقدملي اخو مدير اخوي بالدوام.. واخوي قالي مالي شغل توافقين يعني توافقين وروحه امريكا تشيلينها من راسج
شنو ماعندج اخوان انتي؟؟ كان في بالي واااااجد كلام بقوله كنت بقول " اخوان ها؟ وين تركتوني يالرجاجيل وخليتوني اقعد ب شقه ببيت ما اعرف منو اهله ومنو هم.. خليتوا الدنيا تصفع فيني وانا بنت.. خليتوني وحيده وماقلتوا هذي بنت ما تدبر امورها.. انتوا رجاجيل انتوا؟ "

لكن كنت ابي افرح امي وهي بقبرها.. وقلت له حاضر ياخوي.. على راسي وانا موافقه
دست على كرامتي ورغباتي.. وياريتني مادست

مرت الايام.. وتزوجنا

وكانت حياتي مع زوجي جامده.. اليوم نفس اليوم الي بعده
كنت ساكنه عند حموله كل وحده عقربه.. وكل وحده اكبر من الثانيه

يتكلمون عني من وراي.. معاملتهم لي زفت.. اتهموني بعرضي وبشرفي وبعذريتي
خالتي تقولي " روحي زين انتي شقتج ريال داش منها وريال طالع قالبتها دعاره " وهالكلمه مااااااااااااااااانسيتها منها
ولا بحياتي بنساها, للحين تزن بأذني

وقتها قالتها الكل كان موجود.. خواتها بناتها عيالها الرجاجيل.. لكن زوجي ماكان موجود قلت لو موجود كان وضع حد لهالمصخره

بعد ماقالت جذي.. انا احس الدنيا قامت تفتر فيني حييييييييييييل
وطحت عالارض كأني غشيانه احس بغضوه بعيني والشي اشوفه 10 اشياء والله..

الخدامه خافت وجت تركض وصرخت عليها خالتي قالت خلللليها تولي مردها تقوم
وانا على طيحتي.. فقدت الوعي يمكن ساعه ساعتين مادري بس الي اذكره قمت
وانا على فراشي.. وزوجي ساكت مو قاعد يقول شي ولا كان في شي

اهو شالني من الصاله يوم جا من المكان الي هو فيه وحطني بالفراش وبس ولا كان شي صار
قلت شنو صار؟ قال شدراني عنج شنو متمددتلي بالصاله؟ ماخذه راحتج حيييل

قلت والله ماذكر شنو صار.. قال المهم مادري عنج عاد خذيتج وحطيتج بالفراش
وقتها تذكرت.. وماحبيت اقول لان ماكنت ابي اغثه وبنفس الوقت كنت ادري انه ماراح يسوي شي

ومرت يابنات حياتي ب جموووووووووووووود
بعدها

بيوم من الايام وفجأه صدمني.. قالي تعالي ابيج بموضوع... قلت له شنو؟
قالي شوفي انتي وحده مامنج فود وانا بتزوج عليج واليوم بصراحه ملجتي

انا استهترت وقعدت اصرخ.. قالي مو انتي الي تعلين صوتج علي يابنت ( الحرام )
قلت له طلقني قال قسما بايات الله ماطلقج وبعلقج واخليج خدامه لي ولزوجتي

وجا يوم العرس.. طبعا اهله مو شايلتهم الارض من الفرحه.. ويبون يقهروني ويموتوني
راحوا سوو العرس بافخم فندق.. وتخيلوا يابنات قالي شوفي ياحقيره
ماراح ناكل انا وزوجتي باي مكان

انتي الي تطبخين عشانا
ومانوصل الا العشا زاهب!!!

تخيلوا يابنات.. اطبخ لزوجتي وزوجته بعرسهم.. منو فيكم يتحمل منو؟؟؟؟؟؟

جا هو وزوجته وانا طبخت لهم العشا وانا انتحب. ابكي, مهمومه وكل عذروب فيني

يوم ناداني وقالي يافلانه جيبي العشى .. قالت له زوجته ويي هذي خدامتك؟؟ قالها اييي يابعد كل الخدم
انا والله ماقلت شي حسيت اني تعودت على الهم... صار شيء طبيعي

سكنها بشقتي... خلا الشقه كلها له وخلاني انا بغرفه صغيره 5 على 5.. ومن باجر راح جاب لها خدامه
وخلى الخدامه تقعد بالغرفه الي انا فيها

صرنا انا والخدامه اصدقاء
وماكان يخلي الخدامه تطبخ ولا ياخذ من طباخ اهله

كان يخليني انا كل يوم اطبخ لهم واعذب.. كنت كل يوم انهار وكل يوم ابجي
الوقت الوحيد الي ما ابجي فيه لما انام.. احط راسي عالمخده واقعد ابجي وابجي وابجي وابجي لما ما احس الا انا نايمه

مرت يمكن سنه.. وحملت زوجته.. انا شعوري؟ كان طبيعي جدا سنه من القهر وتعودت على كل شي
كان طاير بزوجته بشكل مو طبيعي

في يوم من الايام انا كنت بداري انا ويا الخدامه
وهي ويا زوجها كانوا طقت الباب وقالت لي لوسمحتي جيبي لي ماي انا وزوجي.. قالت زوجي بطريقه استفزازيه
قلت والله العظيم ما اجيب لو تموتين انتي وياه

راحت له دقيقه وجاني يركض هجم علي وطقني.. ياريت بس دم الي طلع مني
وجهي كله صار اخضر ونص ضروسي تكسروا اقسم بالله يابنت والله

واجبرني وانا بعز الالم اجيب لهم ماي
وهي تضضضضحك بوجهي

مرت 5 شهور تقريبا وهي بطنها بدا يكبر ويكبر
والهم بقلبي يزيد

لين جا اليوم الس قلت انا ليش بعيده عن ربي.. ليش قصرت باتجاه الله.. لازم ادعي الله
هو الي خلقني وخلقه وخلقها.. وهو الي ياخذ حق المظلوم من الظالم

كنت كل يوم اقرى سوره البقره وال عمرات وياسين

والله العظيم وبالله الكريم

خلال شهر واحد بسسسسسسسسس

ولع الدور الي تحت نار
وامه ماتت محترقه
وخواته الي كانوا احقر ناس معاي ثنتين احترقت وجييهم وشعرهم احترق وصلعوا
وتطلقوا من ازواجهم

ووحده ماتت

ومرت زوجي وهي نازله من الدرج بسرعه بيخلون البيت
طاحت على بطنها بالطول على الدرج وتدحرجت

وكان كيس انبط منها وقام يطلع منها ماي غزيير
ودم بشكل كبير انا توقت انها بتموت

وودوها بسرعه المستشفى ومات الي في بطنها بس هي عاشت

والله العظيم والله العظيم والله العظيم.. ان الله وراني كل شي بعيوني
اخذلي حق كل الناس الي غلطوا بحقي بعيوني

عرفت ان الله كبير.. والحوبه ما تتغدى.. اخذ بحوبتي واخذ حقي من الظالمين

خالتي كل ماذكرتها.. قلت الله يرحمها وقمت ادعيلها بصلاتي
صج انها ضرتني طول ماكنت عندهم.. لكن الله عفو رحيم

اخته الي ماتت كانت تصرفاتها معاي ابشع التصرفات ... ولكن الله غفور رحيم

خواته الثنتين الي تطلقوا.. كانوا يقولون لاخوي كلام ويفرون راسه لدرجه ان يجي منهم ويطقني

بعد ماطفوا البيت وبعد ما زوجته خلوها بالمستشفى

جاني يبكي
انحنى لرجلي

وقالي اترجااااج سامحيني.. حوبتج اه من حوبتج.. علط بحقج واطلب منج السماح
وقام يبوس رجلي وانا اوخر رجلي..

ومرت الاحداث.. ومرت الحياه بسنينها.. طلع زوجته وقام يعزني اكثر من روحه
يداريني بالكلمه الوحده ويخاف علي

جبت الحين بنتين وحامل بالتاسع وفيني ولد

الله عوض صبري فرج.. وقهري لفرح
الله مانساني ابدا في عز ضيقتي

وابتلاني لان المؤمن مبتلى

اخواتي في الله.. لاتسون الله, فهو خير الناصرين

والحمدالله رب العالمين

المصدر: منتدى الحياة الزوجية | دليل النساء المتزوجات | الثقافة الزوجية والعائلية - من قسم: منتدى القصص والروايات - قصص قصيرة - قصص واقعية

hk lu hgusJJJJvh dsJJJJvh rwm ggufJJJJvm

المصدر...