لقرص الفلاحى يا حوريه المره دى مقرمشه والجايه طريه

عاملين ايه ياعدولات يا حلوين جايبالكم دالوقتى موضوع ان شاء الله ينال اعجابكن

موضوعى عن القرص الفلاحي الكماج بس المقرمش مش الطرى وقريب جدا ان شاء الله هنزل الطرى



المقادير

كيلو دقيق

حوالى 300 جرام الا شويه صغيرين سمنه

باكو فانيليا

معلقة بيكنج بودر

شوية روح البرتقال

مج لبن

معلقة خميره

نص معلقة ملح

الطريقه

نضيف كل المقادير على بعضها ما عدا اللبن ونعجن وبعدين نضيف اللبن شويه بشويه ونعجن كويس جدا ونخليها عجينه متماسكه مش سايبه اوى

وبعدها مباشرة نكورها ونرصها على صينيه ونتركها تختمر وممكن نخرمها بشوكه قبل دخولها الفرن بس انا سبتها زى ما هيه

وبعد كده نجهز الصينيه الى هنسوى فيها وناخد من القرص الى على الصينيه وندخلها الفرن تستوى

ونشغل الفرن على نار متوسطه لحد ما يشقر لون القاع نشغل الشوايه

نشيل الى استوى من الصينيه ونحطه فى اى طبق ونغطيه بقماسه او اى حاجه ونحط فى نفس الصينيه السخنه القرص الى عليها الدور

يا رب تكونوا فاهمين قصدى والصينيه مش بندهنها حاجه

ونلف الصينيه كل شويه عشان تستوى من جميع الجهات

عايزه اقول ملحوظه ونصيحه

انا عندى فرن غاز الى هوه بيتصنع مش كهربا ولا حاجه وانصح كل واحده تقدر تجيب واحد متتاخرش حتى لو اصغر مقاس وتحطه فى البلكونه

بجد هيريحكم جداااااااا وهعمل لكم تقرير قريب ان شاء الله عنه بكل اشكاله واستخداماته

اترككم مع الصور واتمنى ينال اعجابكم




انا خبزته على صينيه وفردته بالنشابه الصغننه الحلوه دى









دى ارضيتها شايفين لونها



ده كان فطارى دهنته جبنه كريمه مع كوباية شاى بلبن

للوصول الينا ومتابعة كل جديداكتبي بمحرك البحث (منتدى عـدلات) او (3dlat)



المصدر...