مشروع رمضان ...صُنِع فى رمضاان..

مشروع رمضان ...صُنِع فى رمضاان..













أي واحد مننا حابب يشتري أي جهاز جديد ..بيدور على الماركة





علشان تقدر تشتريه وأنت مطمئن ...إنه "هيعيش العُمر كله"





وإحنا كمان .... كل إنسان له ماركة ...





قال رسول الله صلى الله عليه وسلم : ( .....الناس معادن.....)





المعادن بتختلف على حسب النوع فمنها الرخيص ومنها الغالي





والمعادن لازم تمر على مراحل مختلفة

علشان يظهر أصل المعدن "الأصيل من المغشوش"





ياتري نوع قلبك إيه ؟!...صُنع فين ؟!





في رحاب الرحمن...ولا في .......









فاضل على رمضان أيام





وأكيد هتحتاج .........قلب جديد









فلازم تبدء من دلوقتى ..من اللحظه دى



تبد ء تأقلم نفسك على رمضان



كل واحد فينا يحط لنفسه خطه لمشروعه فى رمضان





ويااااله من مشروع

مشروع بايدك انت تخليه انجح مشروع فى حياتك





او تخليه .....

ابدء واستعد لرمضان







لسه مش عاوز تغير ماركة قلبك ....!!!

على كده بقى أيه ماركة قلبك اللي أنت متمسك بيها أوي كده؟!!؟



مش عارف تحدد صح ؟!....



طيب خلينا نتكلم بوضوح ..



أنت مبسوط في حياتك؟



حاسس أن قلبك دايما مطمئن ومرتاح؟ حياتك لها هدف وقيمة؟



انا حاسس إنك بترد عليا وتقول:

أنا مش مبسوط في حياتي .. عايش من غير فائدة ..



مليش هدف ولا دور .. تائه .. حيران .. حاسس أني مخنوق ..



بدور على حاجة ومش عارف أيه هي .... في حاجة كبيرة أوي ناقصني ............





اخواتى في الله .......





عارف لما تاخد طفل صغير من أمه، وتعيشه في شقة جميلة وكلها لعب أطفال وحلويات،



تفتكر الطفل هيكون سعيد ولا هيبكي؟؟



حتى لو تلهى شوية باللعب بس هيفضل مكسور وحاسس باحتياجه للحنان والأمان في حضن أمه ....





ولله المثل الأعلى ...



فحبك لربنا سبحانه وتعالى واحتياجك له وشوقك إليه أمور فطرية





الإمام بن القيم –رحمه الله- يقول: "ومن علامات صحة القلب أنه لا يزال يضرب على صاحبه حتى ينيب إلى الله ويخبت إليه ، ويتعلق به تعلق المحب المضطر إلى محبوبه الذي لا حياة له ولا فلاح ولا نعيم ولا سرور إلا برضاه وقربه والأنس به، فبه يطمئن، وإليه يسكن، وإليه يأوي، وبه يفرح، فإذا حصل له ربه سكن إليه واطمأن به وزال ذلك الاضطراب والقلق وانسدت تلك الفاقة، فإن في القلب فاقة لا يسدها شيىء سوى الله تعالى أبدا" [إغاثة اللهفان] بتصرف







.



.



.



.



بص يا سيدي هفهمك...



ابن القيم بيقولنا:



معنى إنك مش مبسوط ومش حاسس بارتياح كده يبقى قلبك لسه حي ...



وإنك مش هتحس بالراحة والإطمئنان إلا لما تقرب من ربنا سبحانه وتعالى وتتعلق به ...



فقلبك به فقر وفراغ واحتياج لن يسده إلا قربك من ربنا سبحانه وتعالى...





أنت بتحبه حتى لو بعيد عنه ...

بتشتاق للقرب منه حتى لو مش فاهم إحساسك بهذا الشوق ...

وقلبك مش هيرتاح إلا لما تقرب ....





يقول ربنا في الحديث القدسي: "ابْنَ آدَمَ لا تُبَاعِدْ مِنِّي" صححه الألباني



فاسجد واقترب من ربك .... واطرح قلبك على باب عبوديته

ولا تباعد منه





هذا هو مشروعنا فى رمضان

ان نطهر قلوبنا

فقد نذكر ونصلى ونقيم ونختم

وقلوبنا خاويه

وقد تكون قلوبنا لا تشعر بشئ

لذا فالافضل لنا ان نبدء بتطهير قلوبنا من الان لحين الاستعداد للشهر الكريم

ابدء الان

شوف ايه اكتر حاجه بعداك عن ربنا وسيبها

سيبها ومش هتندم صدقنى

سيبها عشان ربنا

وقول يـــــــــــــــارب

ربنا رحيم ورؤوف بعباده سبحانه

جرب من دلوقتى تسيب كل معصيه وكل ذنب حتى ولو صغير

اسال الله ان يتقبل منا اعمالنا على النحو الذى يرضيه عنا

وان يبلغنا رمضان وان يجمعنا على الخير دائما

موضوعك قيمّ وفى غاية الروعة حبيبتى ...
بارك الله فيك ...
وجعله فى ميزان حسناتك ..
ونفع بك ...

وجودك الاروع ام حفص الغالية لاحرمنا الله من وجودك الدائم العطر

موضوع في قمة الروعه

لطالما كانت مواضيعك متميزة

لا عدمنا التميز

و روعة الإختيار

دمت لنا ودام تألقك الدائم