حبيبتي وزوجتي

حبيبتي وزوجتي

السلام عليكم كيف حالكم يالربع قررت إني أطرح مشكلتي عندكم لعلي أجد بها حلول وهذه اول مره اطرح مشكلتي بالمنتديات لكن الدنيا قفلت بوجهي
راح أحكي لكم كل شي عني بالتفصيل
أنا شاب سعودي عمري 32 سنه أحببت بفتاه تصغرني ب10 سنوات تعرفت عليها قبل 7سنوات وقتها عمرها 17 سنه وانا 26 سنه كانت في نفس حينا الدي نسكن فيه حبيتها حب مو طبيعي اعطيتها كل حياتي لاانكر ببالدايه ماحبيتها بس بعد سنه وحده حبيتها مجنون فيها متجنن عليها اعشق تراب رجولهااا لو تطلب الشمس جبتها لك لو تطلب القمر جبته لها لو تطلب لبن العصفور جبته لها حبيتها واصرف عليها لو تقولي ارمي نفسك في النار رميتها والله العظيم ماابالغ ان حبي لها يشابهه الجنون لو مرضت او جتها الدوره اقعد مشغول بالي كنت ابي اتزوجها وقررت وقتها كنت موظف في شركة بسيطه راتبي 5 معقب جوازات وامي رافضه لان الناس في حينا لايقبلون بالقطاع الخاص وحاولت في أمي واخواتي حتى بس يشووفونها يشهد الله مامعاي ذاك اليوم الا 60 ريال في جيبي وتسلفت من خويي اشتري. صحن شوكلاته امي راحت عندهم وجات وتقول ماعجججبتها لان اهلها شوي مستواهم اقل مننا
والبنت قاصة قصة تشبهه البويا بس انا عاجبتني ومقتنععع لان امي ذوقها قديم ايام زمان بياض وشعر وانا مااؤمن بهالشي . اهم شي عندي أخلاق البنت وطيبتها وقالت ماعجبتني ولانبغاهم وحطمتني تحطييييم قالت لاعاد تخطب الا لين تصير موظف حكومي والله رحت كلمت دراستي الثانوي وتوظفت في العسكريه وقلت خلاص ي ولد محد قدك رحت خطبتها من جديد واهلها استقبلوني واهلي ماكانوا وافقين جلست أقنعع فيهم لين اكلت تبن واللي تتزوجها وهي تكلمك بتكلم غيرك ومدري وشو انا ماأؤمن بتفاهات كذاً. حتى لو متزوجها تقليدي يمكن قبلي تحب واحد واهلها جبروها بس ذي اعرفها وهي بنت صغيرره كل مراهقتها معااي اهلي مررره كانوا.رافضين ورحت غصب عن خشوم الكل وحتى اشياء الخطوبه محد شراها معاي لانهم مايبون ووجيههم مقلوبه يبوني اتزوج وحده ع كيفهم المهم صارت الخطبه وسوينا شبكه واهلي اتصلوا علي بنص الليل تعال بنروح واتخاصموا هم واهلها اهلي سواا مشاكل وامي حلفت مااتزوجها وقلت والله لاتزوجها وجلسنا سنه ع الموال ذاا وقلت خلاص مابتزووج غيرهاا بقعد كذا بدون زواج وامي حاها قولون واخواتي يخصاموني وووصارت مشاكل واشياء كثيره ووقتها خلاص قررت اروح اتزوجها لحالي بدونهم امي قالت اخر شي خلااص بنروح معاك وباروح اخطب من جديد ارسل للبنت ماعاد تبيني ولااااشي
قالت مااتزوج واحد اهله مب موافقين وحسيت مب كلامها كلام خواتها وصحباتها وامها
وسوت لي حظر من جميع انواع التواصل الاجتماعي وخلاص ارسلت لي مااابيك ماابيك فضحتني تخطبني سنتين وترجع وتخطبني بعدها وترجع بعدين تجي تقول اهلك مب موافقين
وقفلت بوجهي واحااول فيها احاول ايام تكون موافقه بعدين ترججع تقول لا وصارت الاوضاع صعبه مررره 💔 الله المستعان
كرهت اهلي وكرهت نفسي اهلي بس رافضين لانهم يقوولن منفتحين قصير وعرياني وفي من اقاربهم يعسلون ويدخنون بس انا ماعلي لان اكيد فيه من اقاربي كذاً. واحنا في مجتمعنا هالاشياء وارده فيه معسل ودخان ولبس غير محتشم
البنت ذي حبيبتي بس تلبس عاري غيره لاا
بس اهلها يدخنون ويعسلون وانا عارف ذا الشي زمااان مررره وماهمني همني هي لاني بتزوجها واسكن بالشرقيه وين ووين بتشوف اهلها يعني ماعمره فسدان الاهل عائق عشان اخذ وحده كويسه ياكثر الناس اللي ابوها خربان ومحشش بس البيت في بنات والنعم ماتزوجها عشان ابوها كذا ولا كذا ولا كذا مستحيل عندي صديقي متزوج وحذه حافظه القران وابوها مسكوه في قضية لواط . شفتوا كيف سبحان الله......
البنت سحبت علي وقالت شوف حياتك وصلت 31 قالت روح تزوج الحق ع عمرك انا لسا عمري 25 بيجي نصيبيي الحمدلله ..
وقطعتني وقلت خلاص خل عندك كرامه كلمت كل اهلهااااا مالقيت الا الصد رحت لمجلس ابوها قال مايبغى واحد بدون اهله وقتها عرفت خلاص الطريق مسدو وقلت خلاص بتزوج اي عفريته واهلي فرحوا وبدوو يدورون وكذاً. خطبولي حاولي 4 بنات وسبحان الله شماتت اهلي فيها تطلع في كل بيت فيهم قلت لااله الا الله بس اهلي عشان اخيتارهم صاروا يشووفن القصير موضه والناس تغيرت طيب وين التزامكم لدرجة حتى المطربه جابوها بموسيقى لعرسي قلت تجوز قالوا اهل البنت يبغونها وانا ادري حبيبتي بيقولون لا حراام بس عشان مايبونها . المهم اخر شي استقريت ع بنت عمرها 30 سنه وملكت عليها
وبصراحه ماحبيتها بس اجامل تدرون ماعاد فكرت بشي لاجمال ولاغيرره بس اهلي يقولون اخلاق قلت يلا اخلاق البنت ملكت ع بنت عمرها 30 طيبه هي ومحافظه ع صلواتها بس
حبييبتي عمرها25
البنت ذي مو كشخه عاديه حبيبتي ماركات وكل سي حلو حبيبتي جسمهااا يجننن زوجتي جسمها دبههه وشايل هم الجنس بعدين والله مره مأزمني وزنهاا وزوجتي حبتني بس للامانه مابقلبي شي تجاهههاا جسمها مرره وزغودها مو عاجبتني مادري احس اني في دوامممهه ساعدوني
حبيبتي مو قادر اشيلها من باااالي والله
وكلمتني قبل ملكتي وخاصمتني وهزئتني ودعت علي ومو مستوعبه اني ملكت بكت لين دخلت المستشفى والله يوم ملكتي عزاااا بالنسبه لي.
لاني فرحان ولاشي والناس كلها فرحااانه
بالله انصحوني .....

المصدر: منتدى الحياة الزوجية | دليل النساء المتزوجات | الثقافة الزوجية والعائلية - من قسم: مشكلتي - مشاكل زوجية - معالجة المشاكل بين المتزوجين

pfdfjd ,.,[jd

المصدر...