انا تعبت اخواني

انا تعبت اخواني

السلام عليكم
بقول لكم سالفتي مدري هل انا الغلظ او اللي حولي
انا امي وأبوي متوفين وامي توفت من يوم ولدت وربتني خالتي
ويوم عمري 10 سنوات اخواني أخذوني عندهم ورفضوا اجلس عند خالتي علشان عندها اولاد كبار
وانا البنت الوحيدة اخواني كانوا كل شي بالنسبه لي ابد ما حسّيت اني فاقده امي الا ببعض الأشياء
بس ما قصروا معي كل شي يجيبوه لي وان سويت شي خطا ابد يفهموني الصح من غير ضرب وصريخ
وعصبيه الحمدالله طبعا المشكله فين بعمي وعمتي الا مصرين يزوجوا اخواني
حاليا إعمار اخواني 45 و36 و29 وانا 26
واخواني مو راضين يتزوجوا الا وانا متزوجه وحياتي مستقره لكن عمي وعمتي رافضين هالشي ولمن ياسوا من اخواني بداو يزنوا علي انا بالزواج من اَي واحد
انا سبق وتزوجت بس جلست معه 3 شهر وطلبت الطلاق ما حسّيت انه هو الشخص المناسب لي
اخواني ما اعترضوا وطلقوني منه ولا عمرهم حسسوني اني مطلقه لا ابدا
عمتي تجيب لي رجال بس ابد مو مناسبين لي بالنهايه بشهر شعبان جابت لي واحد مطلق زوجته وعنده ولدين وهي قالت لي انه الام بتاخذهم ووفقت واخواني سألوا عنه لمن جاء يقابل اخواني قال لنا الولدين بيجلسوا عندي وأختك تربيهم معاي اخوي رفض وقال مافي نصيب عمتي جات وصارت تقول لي لمتى كذا وقالت انه اخوانك اشتكوا لي عنك انه مايعجبك شي لازم توافقين ورحت اقنع اخوي اني ابغاه وهو قال طيب اللي تبيه يصير
طبعا بوقت التحاليل كنت مره متضايقة واخواني حسوا فيا وقلت لهم انه عمتي قالت لي كل شي هم حلفوا انه كلام عمتي كذب وواجهوها وطبع فعلا تكذب علي
من بعدها اخواني ما يودوني لعمتي الا هم معاي ولا أطول مره
بس للان انا ضميري يانبني على اخواني لان عمتي قالت لي كثييير وحرام عليك انه هم كبار وما عندهم اطفال
ايش الحل
انا الى الان ما جاني نصيبي وقلت لاخواني ماعندي مانع اتزوجوا بس همرافضين مو انا 😢

المصدر: منتدى الحياة الزوجية | دليل النساء المتزوجات | الثقافة الزوجية والعائلية - من قسم: مشكلتي - مشاكل زوجية - معالجة المشاكل بين المتزوجين

hkh jufj ho,hkd

المصدر...