زوجي وحياتي معه ☹☹

زوجي وحياتي معه ☹☹

زوجي ...
يقوم الصبح لصلاه وبعدها مانشوفه يروح لغنمه ممكن يجي الظهر يتغدا ويقعد ساعه مقسمها شوي لأطفاله شوي يطلع يدخن برا وشوي على جواله وبعدها يرجع لغنمه يجي بالليل تعبان يبي يتعشاء وينام بريحته طبعاً التسبيح بس اذا عنده دوام يتسبح الفجر ويمشي لدوامه ويطلع اليوم الثاني من الدوام على طول للغنم حقته ويجي الظهر بريحته المنعشه نفس الموال يتغدا ويقعد شوي ويمشي وانا مثل الصنم فالبيت مايجلس يسولف معي ولا يطلعني قلت له مره طفشت بنطلع الليله نغير جو قال تعالوا معي للغنم مستوعبين الظهر الساعه 2 يبيني اسوي قهوه واطلع معه طلباتي دايماً مؤجله بحجة ان مامعه فلوس وان الغنم تصرف عليه كثير

صرت عصبييييه لأبعد حد حتى الصوت العالي اعصب منه وولدي مااقدر اتحمل صوته على طول اعصب عليه ابيه يسكت

اهلي في منطقه ثانيه بعيد عني واهله معي بنفس المنطقه والله ماعمري طولت عندهم جلستي بالكثير ساعه وهو جالسها معي اخر مره جيتهم .. بعد ماطلعنا من عندهم اقول بخاطري بستغل الفرصه واقوله يودينا الحديقه ويوم قلت له قال تعبااان وابي انام

طبعاً عايشه مع زوج بالأسم بس .. يعني مابينا علاقه ابد يمكن مره بالشهر ومن قبل يبدا يعطيني تلميحات انه تعبان ومافيه حيل ويمكن مايكمل او ينام بدون مايصير بينا شي مره كنت توني طاهره وتسبحت عشان اصلي وهو كان بالصاله يوم طلعت وشافني قام ورح لسرير يسوي نفسه مصدع وتعبان يبي ينام ...وقبل كم يوم بعد لما شافني اصلي بعد العذر طلع لغنمه وارسل لي رساله ماراح يرجع بينام فالبر

هذا مختصر حياتي وروتيني اليومي ودي اغير حياتي تعبت من هالعيشه مقدر اكمل دراسه او ادخل معهد لان ام زوجي رافضه تمسك عيالي وهو مايقدر يدفع قيمة الحضانه مع المعهد والسواق

ادعوا لي بالوظيفه 😞

المصدر: منتدى الحياة الزوجية | دليل النساء المتزوجات | الثقافة الزوجية والعائلية - من قسم: مشكلتي - مشاكل زوجية - معالجة المشاكل بين المتزوجين

.,[d ,pdhjd lui ☹☹

المصدر...