زوجي رجعني بس فيه مشكلة

زوجي رجعني بس فيه مشكلة

بقولكم قصتي وتحملوني شوي لاني متضايقة وابغى النصح

انا تزوجت وانا صغيرة وحبيت زوجي وهو حبني بالرغم من اختلاف عقلياتنا الي تسبب بمشاكل كثير بينا هذا بالاضافة الا صغر سننا
زادت بينا المشاكل ونصحوه اهله يتزوج علي وحدة من نفس طبعهم ومجتمعهم وهذا الي سواه

انا غيرتي قوية جدا وماقدرت اتحمل فطلبت الطلاق

وبعد مرور سنين طويلة كبروا العيال وصارت تربيتهم صعبة علي لوحدي ومستحيل اسلمهم زوجي يربيهم وكان زوجي طول السنين الي راحت يكلمني او يكلم اهلي انه يبي يرجعني بس انا ارفض بالرغم من اني احبه بس هو صار متزوج وعنده عيال من الثانية اكثر مني
وبعد اصراره المتكرر وبعد الاستخارة وافقت ارجع

وبصراحة كنت احس اني محتاجة رجال في حياتي خصوصا ان صارلي سنين طويلة مطلقة وخوفي من ربي يمنعني من الحرام وعيالي محتاجين لابوهم وانا كمان محتاجته

رجعت لزوجي بشروط وبمهر وببيت لي لوحدي

الحمدالله ارتحت كثير وعيالي ارتاحوا
بس فيه مشكلة يمكن تشوفونها بسيطة لكن انا مأثرة علي

زوجي ما احسه معاي مثل اول
اتمنى فهمتوا قصدي

مع العلم ان صارلنا شهرين من رجعت والثانية في ديرة بعيد ماسافر لها يعني كل الايام عندي بس مثل الاخوان او الاصحاب وعدد المرات الي نام معي فيها تنعد على اصابع اليد الوحدة

على اني البس له واتعطر واتنظف ولا اخلي قاصر

يعني تخيلو انوم العيال والبس لبس مغري واولع شموع وابخر البيت يجي زوجي يقعد معي يسولف وينام او يقوم يلعب سوني !!


الحمدالله انا اجمل من زوجته الثانية واكشخ منها في اللبس وانظف منها
ما احب اقارن نفسي فيها بس امتناعه عني خلاني اسوي كذا بيني وبين نفسي
وكشفت بالصدفة انها تراسله واتس وتلومه وتعاتبه

قهرني اسلوبها جايه فوقي وكمان ماتبغاه يرجعني وش هالوقاحة؟!
كلمته ووضحت له انك طول ما انت عندي مايحق لها تنكد عليك وانت اذا رحت عندها انا ماراح اسوي كذا لاني اعرف العيب
هو في البداية انصدم كيف شفتي كلامها قلت والله انا مو من طبعي اتجسس بس جات الرسالة وجوالك جنبي طاحت عيني عليه بالصدفة وهذا الصدق ..
وعلى فكرة هو من يوم رجعنا مايجيب طاريها او طاري عيالها ابد عندي لان هذا كان من شروطي مايجمعني معها ولا يجبرني اقابلها .. وكنت ادري عنه ساعات يقول بروح ادخن ويطلع يكلمها ولا اعاتبه او امنعه
يعني مثل مالي حقوق هي وعيالها لهم حقوق وحتى والله لو قال بسافر لها مابمنعه ولا بزعل ..


خايفة مرة انها مسوية له شي عشان مايشتهيني

دلوني وش اسوي
انا مرتاحة كثير برجعتي وعيالي مرتاحين وزوجي احسه مرتاح ومبسوط ودايم مروق بس تقصيره معي عالسرير متعبني نفسيا وبصراحة انا قبل ارجع سويت عملية تضييق بدون ما اعلمه يعني المفروض هالشي يرغبه فيني اكثر لكن لاحياة لمن تنادي
لجأت لربي بالدعاء وبالصلاة وبالاستغفار بس احتاج نصيحة و عمل بالاسباب


اعتذر عالاطالة وارجو من المشرفين انزال موضوعي thank yoy

المصدر: منتدى الحياة الزوجية | دليل النساء المتزوجات | الثقافة الزوجية والعائلية - من قسم: مشكلتي - مشاكل زوجية - معالجة المشاكل بين المتزوجين

.,[d v[ukd fs tdi la;gm

المصدر...