كيف اتصرف مع اختي

كيف اتصرف مع اختي

السلام عليكم
ابيكم تنصحوني اختك كيف اتعامل معاها
انا عمري 27 واختي اكبر مني عمرها 33
شخصيتها قويه من كانت صغيره وعوبا لي اختين اكبر مني وانا اصغرهم انخطبت قبلها واستمرت خطبتي 3 سنوات لاني كنت ادرس ومريت بضروف صحيه عشان كذا اجلت الزواج
واول خطوبتي قلت لها ماراح اتزوج قبلك ومستحيل اخلي احد يتكلم فينا قالت لي لا عادي تزوجي وانا راح اتزوج بوقتها كانت ع علاقه بشخص متدين من الحاره الغريب بالموضوع بعد وفاة الوالد هذا المطوع كان يتواصل مع اختي على اساس يشوف احتياجات البيت بعدها تعلقت فيه وحبته على اني كنت انبهها انه انسان مزواج يتزوج ويطلق
بفترة خطوبتي تعبت نفسيا منها كنت اوقف معاها وبعدين اكتشفت انه انسان مايستاهلها وانصدمة منه وكرهت اي ملتزم لدرجه اذا شافت اي شيخ عالتلفزيون ولا بالواقع تجلس تسب فيهم وتتلفظ والكل اخذ عنها فكره انها تكرهه المطاوعه
وصارت تتمشكل معاي ومع امي الصراحه سببت لنا ازززززمه فالبيت لاهي راضيه تتزوج ولا راضيه تريحنا من مزاجها اي حاجه تبيها تصير ودايم تقولي مستحيل اتزوج مثلك زواج تقليدي راح اتزوج شخص ولا وحده منكم تحلم فيه ودايم تتابع شخصيات ع التويتر وغيره وتطور علاقتها معاهم وعادي تتراسل معاهم اختي اخلاقها مو سيئة بس تتصرف تصرفات ماتناسبها ولا تناسبنا دايم تسوي نفسها المثقفه المتفهمه اللي كل شخص يطمح يتزوجها وهي قليل تنخطب واذا احد خطبها لو كلام تقولنا انا انخطبت ورفضته بس ماصار شي رسمي لان كل خواتي متزوجات وانا من فترة قصيره تزوجت بس حتى قبل زواجي وبعد زواجي احس مشاكلها ماتخلص غير كذا قبل زواجي هي اهتمت بنفسها ماشاءالله وصارت حلوووه ع انه انا اجمل منها بس اهي ماشاءالله مملوحه والكل يمدحها واسلوبها جميل واجتماعيه وقلبها طيب بس تغيرت صارت تستنقص كل احد في البيت تتمسخر ع الكل استغرب من وضعها واذا جلست معاها بسولف لازززززززم تغثني وتنرفزني ولازم تغالطني وهي الصح والعالم كلها غلط وتحاول تبرز نفسها بكل مكان وانها هي الواووو وانتم لا !!
احس ماعندها ثقه بنفسها مادري مو قادره افسر تصرفاتها
حتى بعد زواجي صارت تسالني اهل زوجي وش رايهم فيها والناس وش نظرتهم لها وصرت امدحها وانك خيال وروعه المشكله تقول ادري يعني مو عارفه امدحهااا ترد باسلوب ينرفز واذا سكتت احسها تعاملني برسميه مررررررررهه تعبت منها وهي مو صغيره حتى بعد زواجي صرت اتكلم معاها كثيررر واحسسها انها اقرب وحده لي من خواتي وانه ماتغيرت ولا راح اتغير بس مررررررهه تنرفزني واذا فضفضت لها مالاقي حل بس تاخذ سوالفي وتسكت وتحاول تسحبني في الكلام احسها تستغفلني بس اسكت واقول اختي وتمون تتشفى من حياتي كثير ومره شافت زوجي قالتلي اووووهه توقعته شي وطلع شي ثاني ولا فيه كرشه بعد ووووالخ
صراحه تنرفز على انه زوجي جمييييل الحمدلله وحتى لو فيه كرشه مالها حق تتكلم فيه وعند امي وخواتي يعني مادري تحاول تدور اي حاجه سوى على ولا على خواتي
انا مو عارفه كيف اتصرف معاها ولا انا من النوع اللي اطنش احب تكون قلوبنا على بعض والله اتضايق منها ومن تصرفاتها ومشاكلها اللي ماتخلص ابيها تكون طبيعيه اخت مثل باقي الخوات مابينهم شي بس كيف !!

المصدر: منتدى الحياة الزوجية | دليل النساء المتزوجات | الثقافة الزوجية والعائلية - من قسم: مشكلتي - مشاكل زوجية - معالجة المشاكل بين المتزوجين

;dt hjwvt lu hojd

المصدر...