هل اقبل الرجوع له أم لا !؟

هل اقبل الرجوع له أم لا !؟

مرحبا ..

اولا انا متزوجه لي خمس سنوات والحمدلله على كل حال الله ماكتب لنا العيال
لكن في المجمل حياتنا كانت حلوووه والله وفيها دفا وتفاهم واحترام
بس سبحان الله ماحد يترك حد في حاله .. يشهد الله عليه ان هذا اللي حصل بضبط
ام زوجي انسانه قوووويه حيل واصرت على ولدها انه يتزوج وهذا اللي صار
بحجة اني عقيم وهي تبغى تشوف عيال ولدها واستخدمت مرضها ارتفاع ضغط الدم
والسكر كسلاح في انها تقنع ولدها وكل مره تدعي انه ارتفع سكرها وضغطها من كثر
ماتفكر في وضع ولدها والتعاسه اللي هوو فيها .. تخيلوا !!
لكن اللي هي ماكانت تعرفه ان تأخر الانجاب كان سببه ولدها والله العظيم
حزنت وتعبت نفسيا من موقف زوجي انه ماحاول يخبرها بشكل او بأخر انه هو
السبب واني سليمه ميه بالميه .. وكان عذره ان عمتي مريضه ماراح تتحمل هالشي

طيب وانا ؟! وحياتي معك !؟ انا وش ذنبي تتزوج عليه وانت السبب !!

وحصل اللي حصل وتزوج هالرجال دون ادنى احساس بذنب انه ظلمني
واستمر معها سنه وثلاث شهور وبعدين طلقها واعترف لامه وابوه انه عنده مشاكل
في الانجاب .. وانا خلال هالفتره كلها من اول ملكته الى هذي اللحظه وانا عند امي
الان هوو رجع بأصرار انه لازم ارجع لحياته وامه جت بنفسها الى داخل بيت اهلي
تعتذر وتطلب مني ارجع لولدها
انا مااظلمه هو طول السنه ونص اللي راحت كان يرسل مصروفي كل شهر
وكان يرسل هدايا للبيت وماكان راضي ابدا اني اكون بعيده وحاول مليون مره
يرجعني بيته لكن خلاص ماقدرت ارجع وانا عارفه ان هالرجال رضى بظلمي
وسكت ودخل لحياته وحده غيري !

انا الحمدلله مرتاحه مع امي وهي عايشه في بيت لوحدها هي وخواتي الثنتين الصغار
والدي متوفي من زمان واخواني فيهم خير وطيبين الحمدلله وكلن عايش في بيته
والصراحه اني مانسيته لاني عشت معه ايام حلوه وبيننا ذكريات طيبه .. بس قتلني
بزواجه وطلاقه وصمته .. واذا ارخص فيني مره وماقدر اني صابره معه وراضيه
بالعيشه معه بدون اطفال اخاف يرخص فيني مره ثانيه واكون ضيعت حياتي ع الفاضي !

انصحوني دلوني على الصح !

المصدر: منتدى الحياة الزوجية | دليل النساء المتزوجات | الثقافة الزوجية والعائلية - من قسم: مشكلتي - مشاكل زوجية - معالجة المشاكل بين المتزوجين

ig hrfg hgv[,u gi Hl gh !?

المصدر...