ما أفهم أمي !!

ما أفهم أمي !!

السلام عليكم

مشكلتي مع أمي منذ الأزل من أنا صغيرة أحسها ماتحبني وتعامل أخواني أفضل مني .. لدرجة ماحسيت ان لي سند في الحياة وصرت انا سند نفسي درست وتخرجت وتوظفت في عمر صغير وبراتب مرتفع مع ذلك تقلل من وظيفتي وراتبي !!! وجبت لها خادمة واعطيها مصروف أكثر من أخواني مع ذلك تشوفني مقصصصرة خاصة بعد زواجي صارت تسألني فين اصرف راتبي وليش ما ازيد لها مصروفها مع اني والله مو مقصرة لما انزل السوق معاها ما اخليها تدفع ولا ريال عكس اخواني يحاسبوها على الريال !! كرهت وظيفتي وراتبي بسببها .. تخيلو مره قالت لي ابغاك تشتري أرض اخوك .. اخوي اشترى الارض ب 300 الف والحين صار سعرها اقل من 200 الف وهي تبغاني اشتريها ب 300 !! تقول عشان اخوك !!!! قلت لها كذا غلط بس أصرت على موقفها والله شككتني في نفسي !!!
وبعض الاحيان لما اجي اعطيها فلوس تقول مابغى صدقتك !! أسألها ليش تقول كذا !! تقول طريقتك غلط او تقول انتي استلمتي الراتب قبل 5 ايام ليش ما اعطيتيني وقتها !! والله اكون نسيت او مارحت الصراف ..

وتقول لي اني قطعتها بعد الزواج مع اني ازورها كل اسبوع واجلس عندها يوم كامل !! تقول اعتبر قاطعه لان المفروض اتصل عليها يوميا واكلمها .. بس والله مع ظروف الدوام انشغل وانسى وماتعذررني ..

غير طبعا كرهها لأهل زوجي وتشوف أن زوجي مقصر معاها مع انه طيب جدااا معاها ومايقصر ...

امي طييبه والناس يحبوها بس انا الوحيدة اللي ماني قادرة افهمها .. هل هي تحبني ؟ او تكرهني ؟ او تخاف علي ؟ او اييييش بالضبط ماعرف..
وكيف اتعامل معاها ؟؟

المصدر: منتدى الحياة الزوجية | دليل النساء المتزوجات | الثقافة الزوجية والعائلية - من قسم: مشكلتي - مشاكل زوجية - معالجة المشاكل بين المتزوجين

lh Htil Hld !!

المصدر...