هل وقعت في الخيانه

هل وقعت في الخيانه

متزوج من 13سنة وعندي من زوجتي 3اطفال لاحظت خلال هذه السنة قلت اهتمامها بي وكل اهتمامها بصديقتها واغلب وقتها على الجوال. حتى النوم لم تعد تنام معي وتغفل الباب فيما بيننا وتنام في الشقه الثانيه وكم مره أتفاجأ بها بعد منتصف الليل تكون صديقتها عندها وانا اتضايق ونصحتها مافيه فايده وايضاً زوجتي تذهب لزيارتها بكثره ووقت الزياره من العاشره مساء الى الفجر مع العلم اني لا اذهب بها وإنما تذهب مع اخوها لزيارتها واذا نصحتها قالت البيت طفش وهي زي اختي. لكن اذا طلبت انها تسهر معي تتجج بالنوم والتعب ولمن انام واصحى مقهور الفجر القاها صاحيه على الجوال
والادهى والامر واللي قلب حياتي هم وغم انه قبل 3شهور في ليله كانت في زواج وسابت جوالها في البيت وأخذت معها جوال ابو كشاف. فتحت جوالها وهي حريصه اني ما اشوف فيه شيء وطبعا ثقتي فيها ما كنت ادقق عليها. ولكن تلك الليله قررت افتحه وللاسف وجدتها حافظه رقم باسم بنت ونفس الرقم هذا كان مرسل رسال يتغزل فيها ويرغب في الجنس معها وهي حافظه رسالتين منها وكان ردها على الرسالتين انها ما ترغب في الجنس ولا البوس وأنها حتى معي كزوج ماتبغاه. انا لمن قريت الرسايل كنت في وضع نفسي سيّء وأخذت الرقم حطيته في النمبر بوك طلع باسم رجال. هنا بدات شكوكي وأرسل رساله غزليه قبل وصولها من الزواج وقال أتواصل معك بكره وانا على طول اتصلت عليه مارد وبعدين غفل الجوال. هي الى الان في الزواج وأغمي عليها هناك. فهل ممكن يكون اتصل عليها على جوال ابو كشاف وقال لها انا ارسلت على رقمك الاخر وجاني رد واتصال او مجرد اوهام
المهم الرجال هذا يكون قريب صديقتها وسبق ذكرت اسمه لي فعندما ذهبنا نفتح حساب في البنك قالت قل للموظف حنا من طرف فلان حتى ما نتأخر قلت وش عرفك فيه ما انا قايل قالت صديقتي كلمته وبيتوسط لنا. ما شكيت وقتها. ومره ثانيه اخذت ذهبها واعطت صديقتها وهو باعه لها. وكل شيء عن طريق صديقتها وما اعرف الا بعدين. لمن رجعت من الزواج سألتها عن الرقم قالت بنت أتواصل معها قبل شهرين. من فيه قالت من الحاره الفلانيه. وتكلمني واتس بدون اتصال. وهي حددت حلوه غير حارة صاحب الرقم المهم اتصلت على اخوها وكلمته بالسالفه واخذها بيتهم وأخذ ابوها الرقم وراح للرجال وأنكر انه ما ارسل. واتصل نفس الرجال عليه وحلف انه ما يعرفها وانه ماارسل الرسايل. وانه فيه تطبيقات ممكن مهكره رقمه. وأخذت شريحه بعدها وارسلت على نفس الرقم طلع الواتس هوه اللي يستخدمه. فانا الان مضت ثلاثه شهور وانا في شك وان بينهم علاقه وما ارتحت نفسيا بالرغم من انها رجعت البيت وحلفت وبكت وتاثرت نفسيتها وتقول انت ظلمتني. ارجو ألمساعده. منكم

المصدر: منتدى الحياة الزوجية | دليل النساء المتزوجات | الثقافة الزوجية والعائلية - من قسم: مشكلتي - مشاكل زوجية - معالجة المشاكل بين المتزوجين

ig ,ruj td hgodhki

المصدر...