عدم الصرف و الاسلوب السيء

عدم الصرف و الاسلوب السيء

السلام عليكم ورحمة الله وبركاتة

اخواني واخواتي انا في السابق (منذ 6 شهور او اكثر) كتبت مشكلتي معاكم وللكن للان انا اعاني مع ان
طبقت بعض الحلول راح احاول اختصر

- زواج تقليدي من قريبي .... مواصفاته مش زي ماكنت اتمنى لكن قبلت فيه لان عمري في ال30 و اول خطيب كان و الكل يمدح اخلاقه

- للاسف ما قدرت احبه مع اني حاولت بكل ما اوتيت من قوه وحطيت في بالي الحب بعد العشره وقريت كثير عن الحياة الزوجيه واطبق اكثرها وتعلقت فيه فتره ولكن بسبب النقاط اللي راح اذكرها قل تعلقي فيه وصرت احس بالنقص وحاسه زواجي فاشل وراح ينتهي بالطلاق

- زوجي ما يحب يصرف علي ابدا (انا موظفه ولكن راتبي يعتبر قليل حتى لما عرف راتبي قال لي استقيلي ما احد يداوم عشان راتب قليل مثل راتبك) مند الخطوبة لليوم عمره ما اهداني شي .... المشكله مش ماديه من ناحيته راتبه كويس ونحن نسكن في ملحق مع اهله ووضعهم افضل منه فما ياخذو من راتبه شيء وايضا سيارته قديمه (لكن تعمل الحمدلله) فما في اقساط .... يحس الكماليات تضضيع مال حتى لو ورده مايعترف بالموضوع ابدا ... مع انه يحب الالكترونيات و يشتري لنفسه اشياء مالها داعي وبس تجمع غبار في البيت
مثلا كان ودي اشترك في نادي ولكن الاشتراك غالي ... كلمته وافق اشترك ... قلت له سعرهم غالي ... قالي اعملي رياضه في البيت ... صرت واشترك بمالي ... مرت مناسبات واعياد ولا عمره اعطاني ولا حتى ريال
ولدت وكنت راح اموت من النزف الشديد احتجت نقل دم ولا فكر يجيبلي ورده ابدا .... قلت ممكن غشيم ... صرت افرجيه صوره اسواره او خاتم واقوله نفسي زيه يقول عندك اسواره او عندك خاتم ... مره كان نفسي في شنطه جديده شنطتي قدمت ومع العباه تغير لونها ... فتره اقول له ودي بشنطه جديده يطننشي
واخيرا لما خرجنا اشتري وقف برع المحل وانا دفعت بمالي .... دايما محاظرات الصرف و لازم الواحد يجمع للمستقبل و و و ... قلت له هل انا اضغط عليك بالمصاريف؟ يقول لا .... فقط لما نروح السوبرماركت يدفع الباقي صرفي كله بمالي ... مثلا عرس اخوه لازم فستان/صالون... الخ .... يعطيني حل مش مناسب ويستهزء مثلا يقول عندك فستان (جسمي تغير بعد الحمل) يقول طيب خذيه الخياط وسعيه ... طيب ما تقول راح اخذها تاخذ شي فخاطرها فيه؟ اقول له راح اروح الصالون ولا يمد لي مبلغ ولا شي ... مع انه مناسبه تخصهم المفروض يساعدني استعد لها

انا اخر وحده من صديقاتي تزوجت وعندي خبره من كلامهم عن الحياه الزوجيه .. الصراحه اشعر بحرج لان انا الوحيده ما يصرف علي
لدرجه كذبت وقلت الشنطه هديه منه

- اسلوبه معاي ... دايما اسمعه لما يتكلم وما اقاطعه وحتى لو كرر الكلام ... اما انا دايما يقاطعني ولا يسمعني
مع اني قليله الكلام معه (بسبب هذي المشكله صار كل ما اتكلم احس راح يقاطعني) وصرت اقوله لا او اسمت ويعتدز ولكن يرحع يعمل الحركه

- يكرر الاشياء بشكل يجعلني بصعوبه امسك اعصابي .. مثلا والدته قالت اعطي طفلي (لم يتحاوز ال6 اشهر) عسل ... طبعا احترم والدته كبيره بالسن مادخلت معاهاربنقاش وغيرت الموضوع .. صار لما طفلي يبكي لغازات او سبب اخر يكرر"طيب اعطيه عسل امي قالت اعطيه عسل" تناقشنا مليون مره ليش ما ينفع للاطفال اقل من سنه ... كلمنا الطبيب وقال ما يصير يقتنع ... بعدين بعد فتره "طيب ليش ما تعطيه عسل اخذنا ونخن صغار ما ضرنا" صرت اطنش لاني تعبت اوضح له اشرح له ماشي فايذه ... بالتربيه شكلنا راح يكون خلافات كثيره لان تفكيره جدا مختلف عني ... مثلا يقول راح اتركه يلعب بالشارع زينا ونخن صغار ماتجلسي تقولي لا ماتخرج وسواس ... قلت له الزمن تغير وصار اخطر ما ينفع ... يقول الا ينفع ... مثلا يقول ماخب الاولاد اللي مدللين راح اضربه لو صار زيهم ... "ولدي ما راح يلبس الا اشياء رخيصه ما احب يصير يفكر تفسه افضل من غيره " قلت له واذا انا اخذت له اشياء غاليه رد علي "راح احرقهم"


في اشياء اخرى كان ودي اكتب عنها بس ممكن اضيفها بعدين كتعقيب حتى ما يكثر الكلام

المصدر: منتدى الحياة الزوجية | دليل النساء المتزوجات | الثقافة الزوجية والعائلية - من قسم: مشكلتي - مشاكل زوجية - معالجة المشاكل بين المتزوجين

u]l hgwvt , hghsg,f hgsdx

المصدر...