أصبحت حزينة

أصبحت حزينة

السلام عليكم ورحمة الله وبركاتة

مااعرف كيف أبدأ ، أنا محتاجة أفضفض أكثر من اي شي ثاني محتاجة احد يقويني ويشجعني صرت محطمه وعايشه بعالم لوحدي ، ماادري أنا ألقاها من زوجي اللي مهملني بكل ماتعنيه هذه الكلمة ، مرت سنوات من عمري انتظر تغييره الى الافضل والحمدلله تغير نوعا ما وانا راضيه بعذا التغيير ولكن هناك امور كانت جيدة واصبحت سيئة ، انا اعرف ان الحياة مراحل لا حزن يدوم ولا فرح يدوم ، لكنني احتاج الى الاهتمام
م والحب ، كنت دايما انتظره بفارغ الصبر اذا خلص دوامه او صحي من نومه دايما اضمه واحضنه واعطيه من الكلام الحلو مااصدق متى يدخل البيت عشان اجلس معاه بس هوا يتهرب مني واذا جلس يجلس ساكت ، عصبي جدا جدا يوميا لازم نذوق عصبيته انا واولادي ، ذكريات زواجي معاه كانت سيئه وهذا اللي دمرلي نفسيتي انحرمت من الايام الحلوة ماعشتها زي اي عروسه كان قاسي عليا وبس ناااايم ف البيت ولايهرج وكل يوم معصب وزعلان وصارت بينا مشاكل كبيييييرة وتدخل القريب والبعيد بسبب ترك شغله وصلاته وذوقني المر كل يوم سب وشتم وصراخ ولعن وطلباتي كلها مرفووووضه ، والله ماكنت اشمم الهوى ولااشوف الشمس غير من شباك غرفتي واذا تكرم عليا ووداني لاهلي ، كان يسبني قدام اهله ومايحترمني قدامهم والين دحين يوفع صوته عليا قدام اهله وسلايفي يسمعون انسان يستمتع الاهانه لاحساسه الكبير بالنقص ، طبعا انا ماسكتت علمت ابوي حبيبي ووقفه عند حده وانقهر زوجي مني وبرضو صار يسويها ف الشارع وقدام حريم اخوانه واخوانه ماقصرو بالشماته والاذيه وزوجي يساعدهم ويوقف معاهم ، من يوم مااخذني كأنه تزوجني عشان يبهذلني انا اعرف ان اللي يتزوج يبي يرتاح وهذا بهذلني ،ابوي وقفه عند حده وصار يخاف لكن برضو يسويها ،كنت طموحه جدا احب العمل والدراسه ، اما الان كرهت الحياه كرهت الناس صرت انطوائيه نااادرا اروح لأحد ، امي صارت تعايرني وتعاير اولادي الله يسامحها قدام الناس وهذا الشي جرحني زيادة .. ممنوع اروح لصاحباتي ممنوع اخرج السوق الا بطلعة الروح ، نادرا نخرج نتمشى او نسافر ، زوجي عايش مع اهله فقط يروح ويجي معاهم لان ماعنده اصدقاء ، حرمني من زيارة صديقاتي واذا بروح لاحد من قرايبي رماني ع اهلي يودوني ويجيبوني ، جاني خزن ف قلبي فضضضضيع و بس ابكي دايما مهمومه ومسرحه واتمنى الموت كان فيني شغف وحب للحياه وامنيات وكنت اسعى لها ،، الان مافيني حب للحياه والاشياء اللي كنت احبها ف الحياه ابغى اجلس ف مكان ماعاد اتحرك منو فقط اسررررح واروح بعيييد احس الكلام صار ثقييييل على لساني وعلى قلبي ، اكره الخروج وماصرت اشوف فايده من الخروج والناس والحياه كلها ، صرت انسى كثير احط الاكل ع النار انساه احط جوالي في مكان انساه واجلس ادور عليه، مرات اسوي شي وانسى اني سويته حتى اسماء صديقاتي وارلادي صرت انساها واحاول اتذكر واتذكر ... حتى ظروف ابويا ع قده ووراه ديون وعايشين ع الضمان الاجتماعي قسم بالله يادوب يادوب يغطي المصاريف الضروريه كلنا بنات والين دحين ماحد توظف فينا حكومي بالرغم من اننا خريجات جامعيات ،، افكر في ابويا وهمه وديونه .. شيبت وصرت اكبر من عمري ،، صرت ما اعرف اتعامل مع الناس زي اول مااعرف اتكلم زي اول قلت ثقتي بنفسي من كثر همومي ، تفكيري صار سلبي بعد ماكنت ايجابيه وطموحه صرت اكره الحياه والناس واخاف من كل شي .. كيف ارجع انسانه طموحه وايجابيه واحب الحياه كيف اقوي نفسي كيف انسى ذكريات الماضي السيئه مع زوجي كيف اكتفي بنفسي كيف ارجع احب الناس والحياه،، مابغى كلام يجرحني رجاءا

المصدر: منتدى الحياة الزوجية | دليل النساء المتزوجات | الثقافة الزوجية والعائلية - من قسم: مشكلتي - مشاكل زوجية - معالجة المشاكل بين المتزوجين

Hwfpj p.dkm

المصدر...