تعقيب للمره الاولى ابتليت بزوجة بعقل طفلة وام قشرا.. ((تطورات بقصتي))

ابتليت بزوجة بعقل طفلة وام قشرا.. ((تطورات بقصتي))

ابتليت بزوجة بعقل طفلة وام قشرا.. ((تفاصيل مهمة))

بعد التحية الكريمة للاعضاء الكرام .. تعقيب (1)

موضوعي السابق
http://forum.z4ar.com/f116/t500458.html




اشكر جميع المشاركين سوا سلبيا او ايجابيا ولولا اختلاف الاراء لما رجح لدينا رائي صائب
صدقوني ارائكم اقراها واحتاجها فلا تبخلوا بالتعقيب والمشاركة ,, قد يساعد رائيك بمشكلتي



في تطورات بالقصة، وانا الحقيقة خلال هالفترة الماضية اكتشفت وفهمت امور كثيرة كنت على نيتي وبالاحرى ليس على نيتي فقط بل كنت رجل بمعنى الكلمة
لكن للاسف كانوا اهلها يدعون التقدير والاحترام والموده امامي لكن بالاخير طلع مجرد كلام بالهواء ولا قدروا حتى تعاملي وتقديري لظروف بنتهم بل مالقيت من امها تحديدا الا طولت اللسان وقلة الاحترام .. فتوقعوا ان تعاملي الفترة الاوليه هو ضعف بشخصيتي ولم يعتقدوا انه وعد مني واني عند كلمتي .. لكن بديت انهي هاللعبة وراح يشوفون وجهي الحقيقي ..



تفاصيل مهمه:
انا لما تقدمت للخطبة ووافقوا، كانت امها تطلبني تقول تكفى ارفق على البنت توها صغيرها لاتحملها حمولة زوجه ناضجة، قلت ابشري وانا عند كلمتي، وفعلا عاملتها معاملة
زوجه تبي تتعلم وصرت اعلمها وارشدها، حتى بدات تتعلم قليلا بشكل بطيء جدا، ولاني كنت اصحيها الصباح للفطور او تعملي كوب قهوة فتنازلت انها تصحى لاجلي، ومع ذلك لم ارى انها تعلمت بعد مرور سنة ونصف،، و بالاخير تعبت فجاءه واغمي عليها بسبب الارهاق من النوم، ليس بسبب المسؤليه بل بسبب تدبيرها بامور الوقت، يعني هي تشتغل بدون لاتجدول يومها وتخطط في اليوم واكبر غلط تعمله انها تنام للظهر فيضيق عليها اليوم بالليل فتسهر بالليل ،، وصرت اساعدها بترتيب يومها لكن اتعبتني في الفهم ومازلت احاول حتى تنازلت عن معظم او كل حقوقي كزوج واب وعن بعض وقتي، قلت يمكن سبب عدم فهمها لكلامي ونصايحي هو الضغط عليها رغم ان ماعندها ضغط وكانت تقول ماعندي وقت وهو عندها وقت بس ماتعرف تدبر وقتها او ان فيها قصور بالعقل، والله اعلم ..




فبعد ماتنازلت عن حقوقي لكي اساعدها واوفر عليها وقت، توفر لها وقت كافي فلم تتعلم وتطور من حالها ظلت بعقلية البنت اللي عند امها وابوها مدللـه،، فاستغلت هي وامها الوضع وفاجاتني بانها ترغب بالدراسه الجامعيه اون لاين ؟؟؟؟؟؟ قلت كيف تقولي ماعندي وقت والان ترغبين بالدراسة؟ طبعا انا ما امانع لشيء من حقها لكن قلت انتي الان في وضع ضيق خصوصا لديك طفلين هم بحاجه لك ورغم ذلك ماراح يهيئون لك جو للتعليم فاصبري سنتين على الاقل لين تخف عليك مسؤليه الاطفال ويعتمدن قليلا على انفسهم وتقفين على حيلك وانا راح اسجلك واتكفل ببقية امورك واعاونك على البيت والجامعة؟ ما قتنعت وسجلت من وراي ودفعت امها مبلغ اول ترم!!! وانا قلت بمشي الحال معها رغم انها ماخذت برائيي ابدا، طبعا اهلها تكفلوا بنقلها للجامعه، انا قلت طلعيني من الموضوع، فلما حل عليها مبلغ الترم الثاني، جاتني تطلبني فرفضت وقلت اللي سجلك ولعب عليك تسجلين بدون شوري خليه يتجمل معاك للنهاية ويتكفل بكل شي، انا يكفي اني لم امنعك ولم اطالبك بتقصيرك ببيتي وباطفالي فباقي لك عين قويه تطالبيني؟؟ هزلت!!، وكلمتي ماتنثني ولو حبيتي تزعلين الباب يوسع جمل .


يعني فوق ماتنازلت ومشيت معاها باللي ترغب ماقدرت هالشي وصار لها وامها عين قويه يجادلوني ويفرضون علي دراستها مع التكفل بكل شي هههههههه

طبعا زوجتي مالها قرار لنفسها بس لقت التشجيع من امها وركضت وراها، وامها حتى رابع ابتدائي ماعندها، وزوجتي تعرف اني ماقصر معها وتعزني بجد ،، بس كان تاثير الام اقوى من تاثير معزتي عندها .. ولا انكر اني لا اجد منها حسنات وافعال طيبة ولكنها ليست الا فتات قليل واحيانا يكون مجاملة ليس الا ..





بخصوص اللي يتسائل وين اخوانها او رجل عاقل.
هذه المصيبة ان والد البنت كبير جدا جدا ومريض الله يعطيه العافيه ولكن لما كان متعافي الى وقت قريب كان يخاف منه الرجل والمراءه والطفل لصرامته وحكمته وهيبتة لكن صدق المثل اللي يقول النار ماتخلف الا رماد،، وانا مابغى ادخله بمشاكل تافهه ،، وام البنت تسلطت بعد ماتعب حتى وهو طايح تاذيه بالكلام قدام عيني شفت هالشيء،،، وحتى على اولادها متسلطه على ولدها بعمر 26 سنه يعاني من زوجته وهي تجبره على التحمل لسبب انها اللي اختارت زوجته وتكابر انها زوجه كفو، وهو دائما يشكي لي وضعه ومايقدر على اتخاذ قرار لنفسه بسبب والدته المسيطرة. لذا مالي حل الا مع اخو البنت من جهة ابوها وهو رجل بمعنى الكلمه لكن هو ايضا يتحاشي الاصطدام مع ام زوجتي لانها خفيفة عقل وطائشة واقرب للجنون وماتحترمه بالكلام. فحاول يصلح بيننا ومازال حتى الان!!




تطورات بالقصة:
طبعا تواصل معي اخوها بالتليفون اكثر من خمس مرات لاجل الاصلاح لانه عايش بمنطقة بعيده ويقول رجعها لان صار يطلع كلام والوضع عند اهلها تازم وتشنج فقلت اللي قال لها تجي بيت ابوها هو اللي يتحمل الكلام اللي صار يطلع وانا على اهون الهوان وخلها تتادب ولا انا كان بامكاني ارسلها بيدي قبل لا امها تقولها تعالي،، فقلت ماراح ارجعها ،،، فلما طلبني كذا مره انا خجلت على نفسي حقيقه لانه رجل ويقدر ويحترم، فقلت ابشر لكن قل لامها من اليوم ورايح لاعاد تدخل بحياة بنتها والا مصيرها ترجع لاهلها على يدي انا وبعدها ماعاد بتشوف الخير لو تتصل انت ولا ان شاء الله ابوها او ابوي .. واللي اهم من كذا انك تنهي معها سالفة الجامعه قبل تجيني،، عندها خياران فقط اما الثالث فسوف يكون هو المصير،،، اما انها تواصل جامعتها وانا مالي علاقة في اي شي يخصها وراح اطالبها بحقوقي ،،، اما انها تاجل دراستها حتى تقف على حيلها وتعرف مسؤليتها بالبيت وتعوضني عن تقصيرها ويكبروا الاطفال وذيك الساعه انا اتكفل بجامعتها ان شاء الله بعد شهر ولا بعد سنوات، حسب مااشوف وضعها بالبيت. غير كذا ماعندي غير هالكلام ..وانتهى الحديث وقال خلاص انا بتفاهم قلت على هواك .





عقليتي وشخصيتي:
انا رجل احب المراه المتعلمة وصاحبة الشخصية القوية والمؤثرة، ولا احب المراءه الهزيله والخفيفة، لاني احب ان ارتقي بحياتي واتطور فاذا لم يكن هناك استقرار بالبيت وتفاهم لن يصبح تطور بالحياة فتصبح حياة عشوائية امراءه كالماكينة لاتنتج الا اولاد وبنات فقط ،، فكان حلمي اني ارتبط بزوجه هكذا، وانا فعلا وجدتها لكن اغراني البعض وكان ناصحا وليس شامتا باني شخص يستاهل اكبر منها خصوصا وانها كانت مطلقة فهذا ليس عيب بالنسبة لي،، ولكني بالاخير لم اوفق، لذا كنت ازرع في زوجتي الثقة بالنفس وانها تعتمد على نفسها وتقوم بالواجب من ذات نفسها ليس انا من يامرها ودائما تكون المبادرة للعمل ،، وكنت اقول لها انا ماراح اتابع تصرفاتك واراقبك كانك طفله او كانك ابنتي او اختي الصغيرة، وانا معاك في اي شيء تحتاجينة او تسالي عنه ولم ابخل عليها ماديا ولا معنويا ولا عاطفيا ،، لكن الخيرة فيما اختارها الله .. وسوف تكبر وتفهم ثم تندم ..







اعتذر جدا على الاطالة،، لكن الموقف يتطلب ذلك ،،

المصدر: منتدى الحياة الزوجية | دليل النساء المتزوجات | الثقافة الزوجية والعائلية - من قسم: مشكلتي - مشاكل زوجية - معالجة المشاكل بين المتزوجين

hfjgdj f.,[m furg 'tgm ,hl ravh>> ((j',vhj frwjd))

المصدر...