تعقيب للمره الثانية خطيبتي تغيرت

خطيبتي تغيرت


اشكر الإدارة على تنزيل تعقيبي الاول



http://forum.z4ar.com/f116/t502026.html


اشكر الاعضاء في هذا المنتدى الرائع واشكر كل من علق على موضوعي حتى وان كانت بعض الردود قاسيه علي



العضو المحب تعليقك الاول كان موفق لكن التعليق الثاني لم يكن موفق لكن احترم جميع وجهات النظر


العضو وجد دائما تعجبني ردودك واشوفها منطقيه واحترم ارائك .


ارجع لموضوعي قررت افسخ الخطوبه وبديت اندم اني خطبت واكره الساعه الا فكرت فيها اني اخطب

وكأني كنت اعيش حلم وماني شايف انها اهانت كرامتي بكلامها حتى اعتذارها كان فيه حده

احبها صحيح ولكن كرامتي فوق كل شي .
والله ما قصرت معها بشي قدمت لها كل شي ما اقول اني انسان كامل لكن حاولت اسعدها مو بس اقوال والله افعال حتى كل الا حولها لاحظو هذا الشي اما هي وكأني مش قدامها .
حاولت معها كثير صارحتها مرات ومرات يا بنت اذا انتي ما تبيني والله ما يقدر اي انسان يغصبك علي وانا ما احب اعيش مع اي بنت ما تبيني ردت فعلها تكون عصبيه لو انا ما ابيك ما كان وافقت عليك ورجاء لاتفكر هذا التفكير اقولها طيب ليش تعاملني بذا الاسلوب وياما صارحتها كثير لاني تعبت منها كثير .
خطيبتي مع الاسف ما كنت شايف عيوبها من كثر حبي لها ولازلت احبها لكن والله انها اهانتني بكلامها والمشكله حتى الان مصره انها ما اهانتي تقول بس كنت قاسيه عليك ما اهنتك واعتذرت لك وخلاص.
يعني عندها الموضوع بسيط مره وانا والله افكر قبل لا اقول اي كلمه احسها بتجرحها وما ارضى عليها ابد .


صارحت خطيبتي اني بفسخ الخطوبه وكان ردت فعلها خلاص روح كلم ابوي قلت لها ايوه بكلمه الان طبعا كانت التواصل عن طربق الرسائل . بعد انتهاء المحادثه اتصلت علي ما رديت وارسلت تبي تكلمني الان تبي تكلمني بعد ما حولت انا اتواصل معها وهي ما اعطتني حتى فرصه ننهي المشاكل جلست تهين فيني وقت ما كنت ابي اتواصل معها علشان ننهي المشاكل ترد تقولي انت انسان ما تفهم ما ابيك تكلمني ولا ترسلي طبعا رديت عليها متأخر ابش عندك قالت انا احبك وابيك ومن ذا الكلام الا اليوم تقوله وبكره تنساه وطلبت مني اعطيها فرصه والله اعطيتها فرص كثيره لكن هي انسانه متبلده بارده

والله دايما كنت حنون معها واحبها بجنون ودايما اذا شفتها زعلانه احاول اراضيها ودايما اصارحها اذا في شي فيني مو عاجبك قولي صارحيني ولا تكتمين شي في قلبك يكون ردها لا والله كل شي فيك يعجبني

قلتلها ما ينفع نستمر كذا انا اشوف ننفصل عن بعض علشان ما اضلمك ولاتضلميني معك قامت تقول ابوي بيحط اللوم علي قلت لها اوعدك ان اللوم كله انا بتحمله قالت طيب انا احبك قلت لها هذي الكلمه تتغير كثير عندك وانا صراحه ما عندي استعداد اني اضيع وقتي معك ويكون حب من طرف واحد وقلت لها اسألك بالله كيف كان اسلوبي معك الفتره الماضيه قصرت معك بشي اهنتك جرحتك ما اسعدك قالت لاوالله كنت موقف معي واسعدتني مكثير وهنا انهيت المكالمه قلت لها الله يحفظك ويستر عليك كنت بس منتظر كلمه وحده منها كنت منتظر بس انها تحسسني ان اعذارها صدق من قلبها مو بعد يومين تعيد معي نفس الكلام .
الموضوع هذا من وجهت طرف وحده كنت اتمنى تكون من وجهت طرفين لكن والله ما قصرت معها بشي واني من جد احبها وادعو الله انه يهديها . انا الان والله حياتي تأثرت منها دراستي تأثر كل شي تأثر في حياتي من ذا الموضوع .
احنا عيال خاله وخالتي ام البنت والله تعتبرني بمثابت ولدها واعز وأمي تعتبر خطيبتي بنت من بناتها .
طبعا صارحت أمي قالت اعطها فرصه وانت تحبها واخترتها بنفسك وهي تحبك بعد اذا تعزني يا ولدي اعطها فرصه ولا تكسر بخاطر البنت طبعا ما قلت لاي انسان بسبب المشكله او المشاكل الا حصلت مع خطيبتي اخت خطيبتي الوحيده من اهل خطيبتي الا تدري بالموضوع وهي شافت رسائل خطيبتي الا تهينني فيها وتواصلت وقالت لي لاتحاسبها على كلامها وهي تحبك اصبر عليها .
المشكله معد فيه ثقه ماني واثق من خطيبتي وكلتمها ومشاعرها احس كل كلامها يتغير في لحظه والله اني جالس اللوم نفسي اني حبيت وخطبت . طبعا منا واثق من خطيبتي خلاص لاني اعطيتها فرص كثيره وهي ترجع في كلامها وطبعا ما ابغى اتعلق فيها وانصدم لانها انسانه متقلبه مزاج مره احبك مره اكرهك مره ما اقدر اعيش من غير مره ابغاك تهتم فيني مره ما ابغاك تتواصل مره مره متغيره غير واضحه صراحه متخوف اني اكمل معها وفسخ الخطوبه اقرب لي من اني ارجع اتفق معها . طبعا انا محرج من خالتي لانها تعتبرني مثل ولدها وما ابيها تنصدم فيني وفي نفس الوقت انا احب البنت ولكن اعطيتها فرص كثيره لاني وثقت فيها كثير وهي صدمتني .

طبعا موضوع فسخ الخطوبه محد يدري فيه غير أمي والبنت ما تكلمت على احد من اهلها على امل اني ما اتكلم وافسخ الخطوبه واستمر معها .


طبعا ما ارضى اي تعليق يكون جارح عندك نصيحه او اي شي قول من غير تجريح او منت ملزوم تعلق على موضوعي


المصدر: منتدى الحياة الزوجية | دليل النساء المتزوجات | الثقافة الزوجية والعائلية - من قسم: مشكلتي - مشاكل زوجية - معالجة المشاكل بين المتزوجين

o'dfjd jydvj

المصدر...