زوجي شوه صورتي عند اهله والكل صار يتحاشاني

زوجي شوه صورتي عند اهله والكل صار يتحاشاني

السلام عليكم ورحمة الله وبركاته
مبارك عليكم شهر الخير والغفران والله يعوده علينا وعليكم..
انا متزوجه من 5سنوات عمري 23 زوجي 34 سنه عندي 3 اطفال اكبرهم اربع سنوات
مشكلتي زوجي يخبي علي سوالفه ومواضيعه (هو) يعني ماعمري تضايقت لانه مايعلمني سوالف اهله لانها ماتهمني اهله بحسن نيه يتكلمون قدامي وانصدم متى زوجي سافر !ومتى راح !ومتى قال هالكلام عني ومتى وصل هالمشكله اللي بينا لهم ومتى ومتى .....
وانا ويني ماادري عنه طبعا هذا السبب اللي يخليني
اتعب نفسيا واشيل عليه وحتى الاطفال يصير مالي خلقهم وخلق شطانتهم
ولما يدري اني عرفت
يرجع يهاوش اللي قالي سواء كان وحده من خواته او بنات خواته او زوجات اخوانه وهالشي سبب لي مشاكل معاهم مثلا زوجة اخوه حظرتني في الواتس
بسبب انها سألتني في الواتس ( متى بيرجعون )
تقصد زوجي وزوجها وانا ماكنت ادري ان زوجي مسافر
وانا اللي اعرفه ان زوجي في الدوام ودوامة كان اخر ليل
ولما رجع وزعلت منه وقلت له ان زوجة اخوه سألتني متى بترجعون تظن اني عارفه انك مسافر
راح من وراي وهاوش اخوه واخوه هاوش زوجته عشان علمتني وحظرتني بالواتس..
هذا موقف
غيرها مثلا سمعت من حماتي ان شقة بنتها الباب خارجي يعني مدخلها مستقل عن اهل زوجها وانا كان شرطي في السكن مع اهل زوجي مدخل مستقل ويوم بنى وخلص قالي مافي مجال للمدخل بندخل من نفس الباب والدرج في الصاله وجبرني على هالعيشه اللي كلها تحقيق عايشه تحت المجهر انا المهم قلت له اغلب الناس يسوون مدخل مستغل حاول تجيب مهندس ويسوي لنا دبره في المدخل وكلمه وراء كلمه هو اللي جاب سيرة بنت اخته انها نفس وضعي وراضيه بسكنها واهي صديقتي الروح بالروح من ايام المدرسه المهم قلت له لا مو صحيح اختك قالت ان باب بنتها مستقل راح وهاوش اخته وقال لاعاد تقولون لها شي لانها تجيب لي مشاكل
وخرب علاقتي فيهم وخرب صورتي قدام الكل الحين يحسبوني غيوره ويخافون اعرف شي عنهم..
ومثلا كان طالع مع اهله من 4ايام طلعه جماعيه امه وخواته واخوانه وزوجاتهم وانا ماادري كنت في البيت لوحدي والبيت كان فاضي مافي اكل والماي مقطوع ويوم اقترحت عليه اطلع معاه قالي الطلعه كلها رجال انا واخواني وامي وبنمر كم محل عشان نشتري كنب لامي وبنرجع
وبالغصب بعد ماولدي عمره 3 سنوات قام يبكي عشان يروح معاه اخذه واهو يلعن ويسب وبعدين اكتشف من زوجة اخوه ( مو نفسها اللي حظرتني بالواتس) (ولدي كان ناسي الآيباد حقة في سيارتهم يوم الطلعه وكلمتني واتس الصباح وقالت الموضوع 》 ولدك يوم تسحرنا في المطعم نسى ايباده عندنا وليش ماجيتي ؟!
الطلعه كانت وناسه ) وعرفت انو الكل طالع وانا قاص علي ومقعدني في البيت
طبعا ماقلت له زوجة اخوك قالت
قلت له ولدي قال ان عيال عمه وامهاتهم وخواتك كانو معكم في الطلعه قال مو صحيح حنا طالعين وحدنا مع امي بعدين في الرجعه اخواني اخذوا زوجاتهم من بيوت اهاليهم وكل واحد راح بيته ..ويوم شفته يكذب قلت له انت كذاب روح اخذ آيباد ولدك من بيت اخوك نساه في المطعم ذيك الليله وقمت ابكي
وراح هاوش اخوه واخوه نفس الشي الظاهر هاوش زوجته والحين زوجته تتحاشاني
عزمته على السحور بمطعم من يومين وصارحته بهدوء ليش تخبي عني ليش ماتصير واضح معاي انا متأكده ماراح تسوي شي غلط فليش تخبي ؟ تنرفز ورفع صوته وسبني ولعني
وطلعنا بدون ماناكل!!!
راح ودفع الحساب من فلوسه وقالي ماتستاهلين شي!!!
والحل طيب شوروا علي ؟
اداره نزلو مشكلتي والله مهمومه

المصدر: منتدى الحياة الزوجية | دليل النساء المتزوجات | الثقافة الزوجية والعائلية - من قسم: مشكلتي - مشاكل زوجية - معالجة المشاكل بين المتزوجين

.,[d a,i w,vjd uk] higi ,hg;g whv djphahkd

المصدر...