ماما ..أنا أصلا رخم وغلس ..صح

ماما ..أنا أصلا رخم وغلس ..صح

ايوه ..هو ده العنوان...

دى عبارة من ضمن عبارات كتييرة ممكن أى أم تقولها لأطفالها:

يا رخم ..
يا غبى
يا كلب
يااااااااااااااا؟؟؟؟؟؟؟؟؟؟؟؟؟

وقت الغضب بنستسهل نهاجمه بأى عبارة من العبارات دى ..




[COLOR="rgb(65, 105, 225)"]استوقفنى مرة حلقة من حلقات الدكتور ياسر نصر..
كانت أم بتتصل وتقول ابنى (12 سنة تقريبا) بأه غلس أوى أوى
ومش قادرين نتحكم فى مقدار غلاسته..
وكان باين من صوتها إنها أم متسلطة شوية ،
لأنها عاوزاه ينفذ كل شيء بأوامرها وبلهجة
شديدة ومافيهاش أى مرونة..
ضايقنى وقتها رد فعل الدكتور ياسر ،خصوصا إن
دى تانى مرة تتصل بيه على حلقتين متتاليتين..
لكن بعدين فهمت إن المعالج النفسي ،أحيانا بيحتاج
وقت عشان يقنع المربى إن العيب فى طريقته واسلوبه
فى التربيه مش العيب فى ابنه ..[/COLOR]



الشاهد من كلامى ..إن احنا كآباء بنطلق على أبنائنا
باتهامات !!!
ممكن أوى تسيب أثر سلبى جامد ،من غير ما نحس..
يفتكر الطفل إنه غلس ، ويترسخ جواه مفهوم إنه شخصيه غلسة أو رخمة ..ومن هنا ،بيبدأ يتعامل مع الكل
من منطلق إنه رخم أو غلس..
والأم بتفتكر إن كلمة غلس ،هى أبسط كلمة ممكن نوجهها
لأولادنا ،بدال مانوجه لهم شتايم من نوع تانى..



انتبهى يا ماما ..
انا كده هاكون فعلا فعلا غلس ورخم ،ومش ممكن تغيرى شخصيتى بسهولة بعد كده ..

معاكى حق اختى فعلا
المفروض نحافظ على كلامنا وطريقتنا على اد ما نقدر لان الطفل فى المرحلة الاولى كل شئ بينطبع عنده
فلازم يكون كل كلمة بحساب
بوركتى حبيبتى على الموضوع المفيد الهام

إن مرحلة الطفولة هي أخصب وأهم فترة يمكن للمربي أن يغرس فيها المبادئ والقيم ..
وفي حياة النبي ـ صلى الله عليه وسلم- مواقف كثيرة ـ تعليمية وتربوية ـ، ت
حتاج إلى وقفات من المعنيين بشأن التربية والإصلاح، لاستخراج فوائدها، وقطف ثمارها، والاقتداء بها،
والتعامل من خلالها مع أطفال اليوم ورجال الغد والمستقبل ..

أسعدك البارى فى الدارين حبيبتى ....
ونفع بك الإسلام و المسلمين

وعليكم السلام ورحمة الله وبركاته

جزاك الله خيرًا حبيبتي على النصيحة الهامة .

سمعت من بعض الأطباء النفسيين أن ذلك سيجعل الطفل يحاول الإتصاف بهذه الصفات وإن لم تكن فيه بسبب كثرة تكرارها على مسامعه .

بالإضافة إلى ذلك هذه الأم قدوة سيئة لأطفالها ، فكيف تعلمهم السلوك المهذب ثم تأتي هي بغيره ؟
ولا حول ولا قوة إلا بالله .

بارك الله فيك .

.بارك الله فيك ...
وجعله فى ميزان حسناتك ..
ونفع بك ...
اه والله عندك حق
دا كدا الولد هيتعامل مع الناس ع انه غلس
والناس مش هتحبه
وشخصيته هتضعف