تعقيب للمره الاولى كرهت الحياة.

كرهت الحياة.

السلام عليكم
http://forum.z4ar.com/f116/t466362.html

شكرا لنكم سمعتولي .. بس الفراق مو بشي سهل انا احبه و هو مثالي من كل ناحية ما عدا شكه ، احياناً احس اني خلاص ما ابيه لكن من اشوفه او اسمع صوته احن له و ما اقدر ، انا اعرف انه اهو يحبني و لما تكون نازلة عليه هداية الرحمن و بعيد عن تلك الخرابيط يكون من افضل الازواج على الاطلاق ، لكني تعبت مو بعارفة شسوي احبه لكنه يئذيني و يئذي نفسه باللي يسويه و مشكلته انه عنيد ولا زعل خلاص ما احد يقدر يناقشه مستحيل اللي فباله اهو صح لو جبت له اثباتات او غيره و صراحة انا صرت اخاف من مواجهته لانه عنده قدرة على قلب الحقائق بشكل مو طبيعي و يطلع اللي قدامه غلطان باي طريقة و يجبله اثباتات غريبة متدري كيف خطرت له ! عنده عقل مو طبيعي له القدرة على تأليف احداث ووضع اثباتات لها و يقنع حاله فيها بمنتهى السهولة و تكون تحليلاته واقعية المشكلة يعني انت تسكت ما تعرف شتجاوب !!! و انا هذا اثر علي سلباً صرت ما اثق بنفسي و صرت اقتنع بكلامه عني اني مو كويسة ومدري ايش صرت احس اني ضعيفة والوم نفسي على كل شي و حتى لمن نكون مع بعض اخاف من اي حركة اسويها انه يفهمها بطريقة خطأ ! و ما استرجي اجيب سيرة اي ذكر لاني عارفة اني حادخل بجلسة تحقيق... وما يقتنع انه عادي الانسان ممكن يسمع عن فلان او ممكن يكون يعرف اسم ولد جيرانه من كلام امه مثلاً او غيره لا لازم كل شخص اعرفه يجب ان تكون لي علاقة به !! مع انه اهو مو مقصر يعني يعرف اسماء بنات جيرانه و كل شي، بس كل شي بالنسبة لي كانه من المريخ ! مرة شفت اخته راسمة حنا على كتفها بالصالون قلت له ابي اروح ارسم قليي شلون بتكشفين على كتفك و ما عندك حيا و مدري شنو !! قلت له عادي الكل يرسم ما فيها شي حتى اختك رسمت قللي لا ما احد يسويها غيرك !!! كذا دايم يحسسني انه طلباتي قليلة ادب و اني من المريخ ! دايم ظنه فيني ظن سوء .. تعبتتتت شسوي ؟!! صراحة لو تركته انا مابي اتركه على اساس اني انا الخاينة و اذا تركته بيصدق اني فعلاً ما ابيه و مدري شنو ، انا حابة حتى لو انفصلنا يذكرني بالخير و ما اكون انا الشيطانة مدري شنو مسوية ، تعبت نفسي يشوف شكثر اهو ظالمني و شكثر احبه ، شسوي اتركه و هو ظالمني و هو مفتكر اني خاينة ؟ ولا اصبر ولا شنو كيف اغيره كيف اوريه اني صادقة ونه كلها اوهام من الشيطان ؟!

المصدر: منتدى الحياة الزوجية | دليل النساء المتزوجات | الثقافة الزوجية والعائلية - من قسم: مشكلتي - مشاكل زوجية - معالجة المشاكل بين المتزوجين

;vij hgpdhm>

المصدر...