أتمنى تساعدوني وتنصحوني انا فعلا اغرق

أتمنى تساعدوني وتنصحوني انا فعلا اغرق

السلام عليكم اتمنى تكونو بخير جميعا
انا انسانه غلطت وتماديت في الغلط ونفسي اوقف بس مو عارفه ابغى تساعدوني فعلا .. كنت احب واحد 7 سنين حبيته وانا مراهقه من كل قلبي والله وشفت سعادتي والدنيا كلها فيه كانت 7 سنين بين شد وجذب اول سنين كانت حلوه كنا صغار ونحب بعض حب نظيف بس في اخر سنتين تغير وصار دايما يطلب صورتي وانا ارفض لاني اصلا مااكشف البس نقاب مع العلم اننا من منطقتين مختلفات في اخر سنه وافقت اعطيه صورتي لاني فعلا احبه وكنت حاسه انه صبر علي كثير بس الموضوع تطور وصار يطلب صور تانيه واشيا اكتر وانا كنت ارفض بشده بعدها صارحني انو احنا عمرنا ماراح نتزوج وان اهله ماراح يوافقو وصار يضغط علي ببروده وتهميشه وفي لحظه زعل حقيقيه قلت له اني انخطبت وفعلا وقتها كان في واحد تقدم لي وكنت افكر اتزوج واتركه وخلاص قلت له اني انخطبت وتركنا بعض بس انا بعد كم شهر كنت اموت فعليا من شوقي له وتركت خطيبي لانه كان انسان كويس جدا وانا كنت مااحبه وماابغى اظلمه فتركته وحاولت اتواصل مع اللي احبه بس للاسف وقتها كان خطب وبعد فتره بسيطه عرفت انه تزوج انفطر قلبي ولازلت والله اتذكره وادعي له ربنا يسعده في هذه الفتره السيئه تعرفت على شاب والله في الاول كان هدفي انسى وكلام وبس لكن الموضوع تطور جدا تعامل هذا الشاب معاي كان جدا مختلف عرف مداخلي طلب صوره اعطيته بدون تردد كأني كنت اتمرد على كل شي رفضته قبل كدا كان سبب انه حبي الاول يبعد عني اي شي يطلبه كنت اسويه بدون تفكير صرت احكي معاه كأننا متزوجين وهو كل مره يطلب شي جديد وانا اسويه بس اخر شي صار هزني وخلاني افوق لنفسي علاقتنا لسه ما كملت سنه وانا طلعت معاه والله مااعرف كيف سويت كدا في الاول كانت مسكه يد بعدين باس يدي وانا حرفيا ماكنت حاسه باي شي باللحظه اللي قرب مني قرفت منه وقرفت من نفسي قلت له يبعد عني بحزم وكنا في مطعم وهو خاف اصرخ او اعمل شي بعد علطول ورجعني بعدها بس انا خلاص مو قادره اتحمل انا ماراح اقدر استمر معاه اول شي مستحيل نتزوج في يوم هو من جنسيه غير جنسيتي ولا اهلي ولا اهله ممكن يوافقو تاني شي هو مو مسلم يعني كل الاعتبرات اللي عندي مو عنده انا مو عارفه وين عقلي وانا بعمل كدا كل مره اكون ابغى اتركه يحاول يوصلي باي طريقه وهو يعرف كلللل شي عني يجلس يبكي ويترجاني مااتركه وانا عارفه انه يحبني ويموت فيني واشوف هالشي بعيونه وخايفه اكسره وارجع وانا عارفه اني حندم ابغى ارتاح واخلص من الموضوع دا تعبت منه كل شي غلط في غلط خايفه اغرق اكتر ومااقدر ارجع ساعدوني .. الكلمه الطيبه صدقه

المصدر: منتدى الحياة الزوجية | دليل النساء المتزوجات | الثقافة الزوجية والعائلية - من قسم: مشكلتي - مشاكل زوجية - معالجة المشاكل بين المتزوجين

Hjlkn jshu],kd ,jkwp,kd hkh tugh hyvr

المصدر...