امي زعلانه مني لاني رجعت لزوجي 💔💔

امي زعلانه مني لاني رجعت لزوجي 💔💔

السلام عليكم

انا مشكلتي كبيره جدا اسأل الله ان يفرج همي وهم كل مهموم بالبدايه انا علاقتي مع امي اصلا متوتره ما اعتبرها علاقة ام ببنتها او العكس ودايم تفضل اختي واخوي علي ومع ذلك كنت اطنش واقول اللي من جهة ربي ح اسويه وامي شخصيتها قووويه جدا ومتسلطه للاسف و تدخلت بحياة اختي كثير بس حياة اختي مشت تمام لان زوجها كان مكبر راسه مع انه حتى كلمة انت مو رجال امي قالتها له لكن نجي عندي انا طبعا قبل الزواج كنت عايشه عند امي بجحححححححيم لانها كانت تشوف انه راح اعنس ومراح اتزوج واللي بعمري تزوجو مع ان عمري وقتها 25 سنه وكانت حتى ضرب تضربني عشان مثلا اسوي رجيم او اضبط شكلي ومن هالاشياء وغير كذا امي مو بخيله ابدا بس تحب الفلوس يعني ع المظاهر تدفع مبالغ كبيره ولو اخذنا مكافاه او حافز وما اعطيناها تزعل مع انه عمري ما سويتها لكن اختي لما اخذت حافز زعلت منها امي عشان ما اعطتها البطاقه و ذحين اختي موظفه وتعطي امي تقريبا نص راتبها ومو عاجب امي تقول راتبك رايح ع زوجك وعيالك مع ان اغلب راتبها ع امي و غير هذا و ذاك امي تهتم جججججداً لكلام الناس و يمكن يهمها كلام الناس اكثر من راحتنا احنا عيالها و كمان امي من النوع اللي ما تحب تشوفني انا واختي مع بعض او انا واخوي مع بعض و تحرشنا ع بعض عشان ما نكون مع بعض طبعا انا قلت المقدمه هذي كلها عشان اوضح شخصية امي ويشهد الله علي ما كذبت بحرف نجي لاساس المشكله انا متزوجه وزوجي اصغر مني و نوعا ما طايش وغير كذا قبيلته غير قبيلتي يعني اكيد في اختلاف بالعادات وامي طبعا مو عاجبها زوجي ولا عاداتهم وزوجتني اياه عشان ما اعنس ع قولها وعشان الناس ما تتكلم وبالبدايه كانت تتفاخر فيه انه اصغر منها وانحف منها و و ومن هالكلام لكن بعد الزواج ومع اختلاف العادات صارت تكرهه وزاد الطين بله انه انا وبنت عمي نفسنا مع بعض وزوجها جاب و سوا بنفاسها وزوجي ما سوا مثله وصارت مشاكل وتهاوشت امي مع زوجي وزوجي رد عليها وصارت مشكله ككككبيره بسببها جلست عند اهلي 6 شهور و رجعت لزوجي وكانت اموري الحمدلله تمام التمام وانا انسانه بسيطه ما تهمني الكماليات عكس امي وعايشه حياتي ببساطه وهالشي يقهر امي وصارت تشيل علي وعلى زوجي و حصلت مشكله بيني وبين زوجي بصراحه اللي سببها امي وابو زوجي بس كبرت المشكله وجو اخواني اخذوني من بيتي و غلط اخوي ع زوجي و وزوجي كمان المهم جلست عند اهلي ثلاث شهور وامي تبغى الطلاق و حرضت اخوي علي و حتى يده مدها علي زوجي رافض الطلاق يقول تبغي الطلاق روحي المحكمه وامي واخوي يبغوني اروح المحكمه وانا رافضه لان انا اساسا ما ابغى الطلاق وبالذات انه عندي ولد وزعلت امي مني و صارت ما تكلمني لا هي ولا اخوي وحياتي معهم كانت سيئه الحق ينقال ما كانو مقصرين مع ولدي بشي بالذات انه ابوه ما كان يرسل مصروف كان يقول زي ما طلعت مع اخوانها واخذو ولدي هم يصرفو عليه المهم بعد ثلاث شهور كلمني زوجي وقالي انه ارجعي وكذا قلتله طيب ع الاقل تعال خذني قال لا زي ما اخذوك اخوانك يردوك ومن هالكلام طبعا سوينا مسلسل انا واختي و اخوي الكبير - اخوي من ابوي - ع امي عشان ارجع وطبعا امي مو راضيه بس اخوي الكبير عرف يجيها بالكلام وطبعا ما خلت دعوه ما دعيتها علي و لا كلمه وسخه ما قالتها علي وحتى بشرفي تكلمت واخر شي قالت لا تجيني ولا ابغاك و حتى اختي ما تبغى تشوفها لانها واقفه معي ورجعت بيتي لان صراحه انا مرتاحه مع زوجي اكثر من راحتي مع اهلي وحتى لما رجعت ما حسسني بنقص انه عشان انا اللي رجعت بالعكس والله المشكله ذحين انا واختي شايلين هم امي يشهد الله انه نتمنى رضاها بس هي قفلت كل الابواب بوجهنا ما ندري ايش نسوي و خايفين من دعاويها علينا لان والله دعاويها ما ندعيها على عدو حتى على عيالنا دعت وما ندري ايش نسوي قلوبنا محروقه ومجروحين من امي ومن المشاكل اللي ببيوتنا بسببها وما خلت لنا اي وسيله للتواصل و كلمت اخوي الكبير وقالي اصبري لحد ما تهدا واروح اكلمها وان شاء الله ترضى وانا والله حزينه خايفه يكون اللي سويته غلط وفعلا قهرتها وزعلتها برجعتي لزوجي مع ان والله زوجي ما فيه العيوب الفضيعه بس هي عشان تقارن بينه وبين زوج بنت عمي كرهته وكمان خايفه من دعواتها الفظيعه علي و غير كذا بنفس الوقت خايفه لما ترجع ترضى ترجع تكرهني بزوجي و تفتح عيني ع عيوبه وارجع بمشاكل ما ادري ايش اسوي والله تعبت

تكفون لا احد يقول انتي السبب دخلتي اهلك بمشاكلك يشهد الله حاولت قد ما اقدر ما ادخلهم بس بالمشكله الاولى صارت وانا نفاس عند امي ببيتها والثانيه صح ببيتي بس زن امي ع راسي و عناد زوجي كبرو المشكله لدرجة زوجي غلط علي بالكلام وانا غلط عليه وكنت اقول لامي تعالو حلو المشكله اللي حطيتوني فيها وكانت رافضه تقول لو نجيك يعني نطلقك منه بس زوجي زودها واضطريت اكلم اخواني بس والله ع اساس يجون يكلمونه مو يجون ياخذوني من بيتي

وع فكره زوجي يمكن فيه العيوب اللي امي مرحزه عليها بس بالمقابل فيه اشياء حلوه وصح انه عصبي ولما يعصب ما يعرف امه من ابوه بس هو فهمني هالشي من ايام الملكه وانا قلت راضيه فيه وللامانه هو ما يعصب كثير واخر شي حياتي مع زوجي احسن مليوووووون مره من حياتي مع امي بس انا خايفه من زعلها ولا ادري ايش اسوي

المصدر: منتدى الحياة الزوجية | دليل النساء المتزوجات | الثقافة الزوجية والعائلية - من قسم: مشكلتي - مشاكل زوجية - معالجة المشاكل بين المتزوجين

hld .ughki lkd ghkd v[uj g.,[d 💔💔

المصدر...