|
|
|
 |
 |
 |
|
|
|
|
|
|
|
 |
 |
 |
 |
 |
 |
 |
 آخر مواضيع المنتدى |
 |
 |
 |
 |
|
 |
||||||||
 |
 |
 |
|
|
|
|
|
|
|
|
|
|
|
20th June 2013
|
#1 | ||
 
|
انا ابقى زيـه ..؟.. ياااااااااااه قول يارب ..!! ... لكل من يرى انه لن يستطيع حفظ القران
[
حبيت أنقل هذا الموضوع لكل أخ و أخت يتمنوا حفظ القران و لكن يروا هذا الحلم مستحيل و ان حفظ القران مخصص لفئة من الناس دون غيرهم  [/SIZE][/FONT]انا ابقى زيـه ..؟.. ياااااااااااه قول يارب ..!! - شايف الاخ جارنا ده ما شاء الله ازاي حافظ القرآن كامل وبالتجويد وبيعلم غيره كمان .. ما شاء الله عليه انا بحبه اوي من غير ماعرفه من كلام الناس عليه ..! -- ما شاء الله عليه .. انا كمان بحبه اوي .. ربنا يزيده يارب ويثبته .. طب وانت ؟ - أنا إيـه ؟ -- وانت ليه متبقاش زيه ؟ - أنا أبقى زيه .. ياااااااااااه قول يارب ! -- يااااااارب .. بس ليه متبقاش زيه يعني هو احسن منك في ايه عشان يحفظ القرآن والناس تحبه من غير ماتعرفه وانت لا ؟؟ هو مثلا عقله غير عقلك ؟ او في حاجة بتميزه عنك ؟؟ - لا طبعا .. بس اصل يعني دي نعمة ربنا انعمها عليه ! -- ماهو بردو النعمة دي منزلتش عليه لوحده كده وهو قاعد .. هو عشان همته عالية وعنده هدف .. وبردو مجاوبتش على سؤالي .. انت لييييييه متبقاش زيه مش فاهم ؟؟ - ياعم ربنا يسهل ويكرمني وابقى زيه .. انت بتتكلم كده وكأنك انت الي زيه يعني ! -- الحمد لله انا ربنا انعم عليا بهمة عالية ودلوقتي بحفظ القرآن ؟ -ايه ده بجد من امتى ده ؟ -- من اول اما شفت الاخ ده ما شاء الله وشه نور وهمته عالية ومحبوب وكمان حامل لكتاب ربنا .. قلت لنفسي ليه مبقاش زيه واحسن كمان ومن وقتها وانا بدأت همتي تعلى وبحفظ القرآن اهو وربنا كارمني اخر كرم الحمد لله - ما شاء الله عليك -- شفت بقى انا لما شفت الاخ ده وحسيت انه متميز عني بحفظ القران وهو معندهوش حاجة مش عندي غير همته العالية .. قررت اعمل زيه ازاي وانافسه من بعيد لبعيد .. - امممممممم.. -- اممممممم ايه ؟ - تصدق انت فعلا عندك حق انا ليه مبقاش زيه وزيك كده .. خلاص انا نويت من دلوقتي اني ابدأ حفظ للقرآن ان شاء الله وانت تساعدني مش كده ؟؟ -- طبعا يا بطل انتهى الحوار بين صاحبنا المجهول وصاحبه المجهول والاخ المجهول بردو بس بالله عليكم كام مرة بيتكرر الحوار ده بين الشباب وبعضهم ؟؟ كام مرة انت شفت حد متميز في حاجة معينة واُعجبت اوي بهمته وبحب الناس ليه .. وكام مرة شفت واحد زميلك متميز عنك في الدراسة ومتفوق وقلت عليه ما شاء الله ربنا يوفقه .. ومفكرتش هو ليه احسن منك في النقطة دي ! وانت ناقصك ايه عشان تبقى زيه كده ؟؟ كام مرة شفتي بنت ملتزمة وبتحب ربنا ومحبوبة من الناس ودايما مبتسمة ولبسها واسع وجميل ووشها كله نوووور ومقلتيش في بالك الله ايه النور ده ما شاء الله عليها .. ومفكرتيش انك ليه متكونيش كده ؟؟ -- كام مرة بردو انت شفت واحد صاحبك بارع جدا في التصميمات بالفوتوشوب وبيعمل حاجات دعوية حلوة اووي وقلت يا بخته يعرف في الفوتوشوب انا لو كنت اعرف فيه كنت عملت حاجات حلوة اوووي ولو حد قالك ليه متبقاش زيه ترد الاجابة المشهورة .. ياااه انا ابقى زيه .. قول يارب طيب يا عم هو في حد مانعك تتعلم ؟؟ يعني هو مثلا اتولد وهو متعلم فوتوشوب .. ماهو عشان اتعلم بقى بارع كده ليه متبقاش زيه ؟؟ ليه يكون همته اعلى منك ؟؟ هو احسن منك في ايه يعني ؟؟ جميل انك لما تشوف حد بارع في حاجة او عنده مهارة في حاجة تقول عليه ما شاء الله وتتمنى من قلبك انك تبقى زيه بس الاجمل من كده انك تشعر بغيرة .. الغيرة الكويسة الي تخليك تحاول تبقى زيه وفي مكانته الغيرة الي تحركك وتخليك ايجابي اكتر مش سلبي ومعندكش حاجة تقولها غير(انا ابقى زيه .. ياااااااااااه قول يارب ) لماحد يسألك ليه مبقيتش زيه !!!! متخليش الشيطان يضحك عليك ويقولك الناس دي فين واحنا فين .. ده الناس مقامات يابني والكلام ده !!! يعني الناس الي انت شايفهم دول اول اما اتولدوا بقوا بارعين كده في حاجات معينة ومتعلمين الحاجات دي ؟؟ ماهما بردو شافوا ناس غيرهم بارعين في حاجة معينة وشعروا بغيرة منهم وحبوا يكون زيهم وبفضل الله ثم بـإرادتهم بقوا أحسن وإنت فين همتك بقى ؟؟؟ ليه متكونش الاول في دراستك ؟ ليه متكونش حافظ القرآن كامل ؟؟ او حتى حافظ شوية اجزاء منه وبتحاول تحفظه كامل ؟ ليه ميكونش ليك دور في مجتمعك ومحبوب من الناس لفعلك للخير وسعيك عليه ؟ ليه متكونش متميز في كل حاجة وعارف في كل حاجة ؟ وانتي ليه متكونيش لابسة الحجاب الكامل زي صاحبتك ؟ وليه لما تكوني في مكان وحد يسألك حاجة في الدين متعرفيش تجاوبي وواحدة غيرك هي الي تجاوب ؟ ليه متعلمتيش زيها واتفقهتي في الدين ؟ ليه متكونيش متميزة في كل حاجة ؟ ليه متكونيش بنتمسلمة صح ملتزمة وقريبة من ربنا ومتوفقة ومحترمة ومحبوبة من الناس وداعية في الوسط الي انتي فيه وتفهمي في الكمبيوتر وبرامجه ؟ ليه وليه وليييييييييييييه ليه متكونش همتكوا اعلى من كده ؟ اسئلة كتير اوي محتاجة اجابة بس اعتقد الاجابة المعقولة هي لان احنا ينقصنا الهمة العالية ! لازم تبقى همتنا اكبر من كده ونكون متميزين في كل حاجة عشان تبقى مثل اعلى وقدوة وتخلي الناس تغير فكرتها عن المتلزمين وتبقى ملتزم فاهم وعارف في كـــل حاجة ! منقول و أخيرا يا ريت تشوفوا المقطع ده و باذن الله يشجعكم جداااااا على حفظ القران اسأل الله ان يجعلني و اياكم من حفظة كتابه الكريم و يرزقنا العمل به اللهم آمين [/CENTER] اثبت وجودك
..
|
||
 من مواضيعي في الملتقى
|
|||
|
|
|
20th June 2013
|
#2 | |
|
جزاكى الله كل خير
|
|
|
من مواضيعي في الملتقى
|
||
|
|
|
|
20th June 2013
|
#3 | |||
|
جزانا واياكم نورتى حبيبتى الموضوع |
|||
|
من مواضيعي في الملتقى
|
||||
|
|
|
|
25th June 2013
|
#4 | |
|
وعليكم السلام ورحمة الله وبركاته
اللهم ارزقنا من فضلك العظيم جزاك الله خير الجزاء أختي الحبيبة وأحسن إليك أسأل الله ألا يحرمنا مواضيعك المتميزة جعلها الله في ميزان حسناتك حفظك الله ووفقك لما يحب ويرضى ونفع بك أينما حللت |
|
|
من مواضيعي في الملتقى
|
||
|
|
|
|
11th July 2013
|
#5 |
 
|
بسم الله الرحمن الرحيم
وعليكم السلام ورحمة الله وبركاته جزاك الله خير وثقل به موازين حسناتك بارك الله فيك ولا حرمك جزيل الثواب والعطاء رزقنا الله وإياكم حفظ كتابه والعمل به |
|
|
|
|
12th July 2013
|
#6 |
|
بسم الله الرحمن السلام عليكم ورحمه الله وبركاته جزاكى الله كل خير ونفع بيكىالاسلام
|
|
|
|
|
12th July 2013
|
#7 |
 
|
ما شاء الله
موضوع قييييييييييييم جدا وررررررررهيب ومهم جدا لكل اخت وبنت وكل جنس حواء يسلمو حبيتي بارك الله فيكي شوشو |
|
|
|
|
|
|
|
|
|
|
|
|
|
|
|
|
|
|
|
|
|
|
|
||||
|
|
|
|
|
|
المواضيع المتشابهه
|
||||
| الموضوع | كاتب الموضوع | المنتدى | مشاركات | آخر مشاركة |
| هل تعلم؟؟؟؟ | المسافرة الجزائرية | مكتبة روضة القرآن -- الكتب -- كتب هامة جداااااااااااااااا | 3 | 4th April 2013 06:52 PM |
|
|
تقرأ وترحل شارك معنا برد أو بموضوع
العرض العادي
