أنا وأمي والحل !!

أنا وأمي والحل !!

السلام عليكم ورحمة الله وبركاته

عمري٣٠ سنة عندي بالبيت ٦ من خواتي ترتيبي فيهن الثانية
مشكلتي مع أمي أحس كرهت حياتي صرت أكره أجلس معها لما نكون جالسات وتبغا شيء بسيط تطلب مني أقوم اسويه أحاول أقول عادي هذا رزق ساقه الله لي عشان أبر فيها بس اللي يحز بقلبي أنها بس تطلب مني عشان تريح أخواتي بس لو كلنا جالسات وأخوي جاء يبغا شيء أو تبغا هي شي تقولي قومي فلانه سوي كذا وكل اخواتي أصغر مني جالسات حتى أوقات أشياء تافهة بس اوصل شيء لأخوي مثلا فأقول لها أنا الكبيرة المفروض الصغيرات يقومن يوصلن تقول ليش أقول كذا

لو في شغل دايم تتذكرني ولو في أكل او أي حاجة مثلا خرجة تقول نسيت أقول لك او نسيت أناديك

لما اكون تعبانه تخليني أقول اسوي شغلي بالييت بعكس أخواتي

أكون مشغولو يشيء بالعمل لأني موظفة مايهمها تطلب مني أقوم اشتغل بعكس أخواتي

أحاول أبر فيها بس هي ما تساعدني على هذا وأعرف حقها كبير بس والله هي تعبتني وكرهت حياتي في البيت من كثر ما أشوف التتمييز بيننا

ماني حاسة بأي حنية عليها تجاهي ووالله لولا الشبه إلي بيننا يمكن كان قلت ماني بنتها
انا بنت بحاجة إلى حنيتها إلى عطفها خاصة بعمري هذا وأنا للحق ما ابين شيء أبين اني قوية لأنها كثير تكسر بخاطري ولما تجي فرصة مناسبة وأقعد اعاتب على بعض التصرفات بأدب ترجع الخطأ علي


صرات احب ادخل غرفتي وأجلس فيها أسلم لي

مدري.. تعبت وأقول مالك إلا الصبر وأنا صابرة بس أخاف أحيانًا لما هي تطلبني أعصب ليش كل شيء علي من بين أخواتي فأعصب وما اسةي اللي تقول عليه

وكل خوفي يكون هذا عقوق لكن أنا تعبت نفسيا جدا جدا

الحين طالعين يتمشون ما رحت معهم لأن عندي عمل على الجهاز غير كذا تعبانه ضرسي له يومين يعورني وهي تعرف ذا ابشيء مع كءا يون بيخرجون جات لعندي وقالت غسلي الملابس!!

ادري كلامي ملخبط بس أنا من النوع الكتوم وتعبت جدا مع أمي ومن تصرفاتها معي ودي تنصحوني ..

المصدر: منتدى الحياة الزوجية | دليل النساء المتزوجات | الثقافة الزوجية والعائلية - من قسم: مشكلتي - مشاكل زوجية - معالجة المشاكل بين المتزوجين

Hkh ,Hld ,hgpg !!

المصدر...