احتاج حلولكم

احتاج حلولكم

السلام عليكم
بصراحة ما توقعت بيوم من الايام اني ح اكتب مشكلتي هنا
انا عمري 22 قبل 3 اشهر خطبني شاب عمره 35 ترددت لان فارق العمر الي بيننا كبير جداً لكن بعد ما سمعت مدح كل الناس عليه وافقت واستخرت ودعيت الله ان كان خيراً لي بأن يكتبه لي واذا كان شراً لي يصرفه عني
رديت بالموافقة وطلب الشوفة الشرعية وتمت لكن بصراحة كنت خجلانة وقتها وما رفعت عيني عن الارض وما طالعت فيه ابدا لكن ندمت المفروض اطالع فيه عشان اشوف نفسي ارتاح او لا
مر يوم وما اتصلت اخته ع امي عشان تسألها كيف بعد الشوفه ارتحت او لا ، مر اليوم الثاني واتصلت تعتذر تقول ان اخوها اعجبه شكلي لكنه ما ارتاح وقالت اخته لامي ان اخوها مسبب لهم احراج لان مو اول مرة يسوي الحركة هذي تقول خطب بنت قبلي وسوا معاها نفس الحركة امي ردت عليها بشرط لا يمشي عند الناس ويتكلم يقول انه شاف بنتي اخته قالت لامي ثقي تمام الثقه بأن الموضوع ما ح يطلع من عندي .... مرت ال 3 شهور تخيلو جارتنا تعرف عائلة الشاب الي خطبني وصارت تنشر عند جاراتنا اني انخطبت وشافني ورفضني بعد ما شافني 😭 وحدة من الجارات جاتني قالتلي فلانة تقول كذا وكذا طبعاً انا انكرت وقلت لها ممكن وحدة غيري وتشابه اسماء امي حالياً راح تكلم جارتنا الي تنشر الموضوع وبتقولها لا تنشري اشاعات عن بنتي
احس مو حلوة بحق اي بنت ينتشر عنها ان الي خطبها رفضها الناس راح تفتكر ان البنت فيها عيب وممكن محد يخطبها
انا الحمدلله عارفة ان هذا بسبب دعواتي بأن لو كان شر يصرفه الله عني لكن الي مضايقني ان جارتنا تنشر الخبر بين الناس لكن كل ما احد يسألني انكر اقول ممكن تشابه اسماء
اعطوني حلول الله يسعدكم

المصدر: منتدى الحياة الزوجية | دليل النساء المتزوجات | الثقافة الزوجية والعائلية - من قسم: مشكلتي - مشاكل زوجية - معالجة المشاكل بين المتزوجين

hpjh[ pg,g;l

المصدر...