موضوعي غريب جداً

موضوعي غريب جداً

السلام عليكم كل عام ونتم بخير يارب وشكراً لكم
موضوعي المحير غريب شوي لكن وجهوني للطريق السليم
انا بكر موظفه الحمدالله وتقدم لي خطاب كثر لكن ماحسيت براحه والحمدالله على كل حال طبعا الان الوضع له 3سنوات الا وهو( رجل من جماعتنا) يقرب لنا من بعيد خلال ال3سنوات كان نوعاً ما هو المسؤول عن كثير في امور الحياه سواء ببيت اهله او ببيتنا رغم انه يصغرني بالعمر وشهاده حق اقولها امام الملئ ماعمره قد بدر منه غلط وما انسى وقفاته معنا اول وتالي وصراحه اعجبت فيه جدا وصرت افكر فيه كثير رغم ان الوضع الاجتماعي يفرق فا انا ماجستير وهو ثانوي واكبر منه عمر ورغم ذلك حالتهم الماديه سيئه جداً وحاولت اقنع نفسي انه غير مناسب ولكن وقفاته يشهد لها الصغير قبل الكبير حتى الاطفال يسولفون عنه لانه يلعب معاهم وكذا فا اخذ عقلي بزياده المهم لمحت لأخته قبل فتره طويله وراحت تكلمه هاليومين باسلوب وكذا لكنه امتنع عن الرد بسبب ماعنده وظيفه ثابته ونسيت اقول(عنده كرامه وعزه نفس عجيبه) يقول اموت ولا اكل من يد غيري ولكن محتاره ومشوشه خصوصاً هالفتره ماخذه اجازه ومشتاقه له موت احياناً اذا جا يلعب مع اخواني الصغار اجي اراقبه مع الشباك ولكن محتاره كيف افتح الموضوع لأمه وكيف افهمه اني منجذبه له وابي نكون بالحلال والله ماهمني فارق العمر ولاشي والحمدالله شبعانه مادياً لكن تولعت بهالادمي حتى اخواني ما وقفو وقفاته عاد اخواني همهم نفسي نفسي ولولا الله ثم هو كان مصايب وحتى قد صارت لي حاله طبيه خطيره وهو اللي وداني للمستشفى وواقف على عظامه لين خلصت عمليتي وهو كان عند الباب وسألتني الدكتوره قالت الرجال اللي جابك زوجك؟ قلت ياليت زوجي وهو سمع هالحكي ودخل يسلم ويتطمن ومنحرج جداً ويتأتأ بالكلام ممكن عشانه انحرج وكذا لكن شسوي علموني وجهوني بلييززز ابيه وبنفس الوقت مابيه عشان الفروقات بيننا وحتى لو تناسيته ضروري يجي يوم اسمع طاريه وحتى ابوي يشهد له وابوي يمد له فلوس ولكن يرفض طبعا سلبياته اللي لاحظتها انه عصبي جداً(في امور حساسه) وانه غيور جداً(اموت على غيرته) مزاجي احياناً وايجابياته كريم جداً طبعه هادئ عموماً هذا الملاحظ عليه من زمان وحتى امي تغليه بالحيل ممكن تذبحني وتذبح اخواني لجل رمش عينه وبسبب موقف بسيط امي كانت محتاجه فلوس بسيطه وكلمته وقالها تم وراح باع جواله واغراض كثيره عشان يعطي امي فلوس وامي درت عنه ومن بعدها ماتشوف مثله وتعرفون مع كثر الكلام والمدح صوبه صرت ماشوف بالحياه الا هو صرت العب مع اخواني الصغار يجيبون سيرته واجلس مع الوالدين اسمع سيرته بالخير حاولت اطلعه من قلبي ولكن ماقدرت هلكني حبه حسبي الله على العدو بس وهو عايش ولاهمه يقهررر ههههه واتمنى تساعدوني واسفه طولت عليكم لكن محتاره مرره وضايعه بالحيل

المصدر: منتدى الحياة الزوجية | دليل النساء المتزوجات | الثقافة الزوجية والعائلية - من قسم: مشكلتي - مشاكل زوجية - معالجة المشاكل بين المتزوجين

l,q,ud yvdf []hW

المصدر...