افتعلة كل الاسباب من صنع يدي وانقلب قدري فوق راسي

افتعلة كل الاسباب من صنع يدي وانقلب قدري فوق راسي

السلام عليكم
انا تزوجت قبل 9سنوات بغير رضى ولا قناعه بس علشان امشي نصيب خواتي وعلشان اسكت الناس واقول تزوجت وكمان علشان احسن اوضاع اهلي وكمان علشان
اصير اسولف براحتي اعمل اللي ابيه والبس ملابس اللي ممنوعه بيت اهلي والبس واكشخ بدون ما احد يسألني وش مناسبه
وجبت 4 بنات ورا بعض سنه ورا سنه علشان كمان اسكت الناس علشان مايقولون كل ذا دلع وماعندك اطفال العيب منك ولا منه .
من يوم شفت خوات زوجي من امه وابوه يفشلون لايطلعون ولايسيرون ولاملابس ولاكشخه ولا سواليف ولا استقبال زي ناس ويصدقون كذبه وتمشي عليهم
زي مايقولون الناس فيهم لو عايشين بخيمه افضل لهم من العماره اللي مايستاهلونها .
وشفت خواته من ابوه صح ماعندهم شكل ولا اسلوب ولكن يكشخون ويسولفون ويحشون حش هذولا الحريم صح مو اعيش مع جدران مايسولفون .

كرهت خواته من امه وابوه وحبيت خواته من ابوه
وقلت ليش ما انقل كلام ماقالوه لخواته من ابوه علشان اكسبهم
والله اني سويت مشاكل وخليت العالم كلها تكرهمم
كل هذا كلام من 6سنواااات
وهم مايدرون وش سالفه وايش اللي ينطبخ تحتهم وفجاءه كذا
بالصدفه عرفوا كل الكلام اللي انقال فيهم .
وضربوني كلهم وضربني زوجي وكمان زوجي عرف اني انا اللي ارسل عليه بنات واخذ منه فلوس وسحب كل اللي بالرصيد بالقوه الجبريه
وعرف اني اصد من فراش كذب ماعليهة دوره شهريه ولاشيء يصدق زي سبيكه

وحده فيهم اللي اتهمتها بشرفها بمساعده من خواتها من ابوها وزوجه ابوها
قالت لي بعد عيد الاضحى مبارك سنه الي طافت قالت ي الله ثم يالله من اتهمني كذبا بمساعده وتحريض الله يفقده صحته بغمضه عين
وماتكمل فرحتة برمضان الا وهو فاقد ابوهـ ولا يمديه يتهنى بلذه الامان الا وهو فاقد امه لكي لايضحك ولايشعر بالفرحة ليلة العيد
ومن نشر كلام بدون تاكيد وقال وماقال جعل زوجها يتزوج عليها وتجيها جلطه وتموت علشان عيالها تربيهم الضره .



خفت من دعواتها على طول زريت بيت اهلي وماكمل على هذا مشكله 6 شهور الا ابو زوجي مريض وشهر اللي بعده توفى .
ومن وقتها وانا احلم فيه وضميري يعورني احلم فيه يجيني يقول ليش تكذبين وتكرهيني بعيالي كذب . واحلااااام كثيره
واول اسبوع من رمضان قلت لزوجه خوات زوجي من ابوه خلونا نروح ونستسمح منهم ونعتذر
قالوا لا مانبي وان قلوبهم مليانه علينا وسودا راح يضربونا اول مايدرون اننا شركاء معك بالجريمه ..
حتى امهم رفضت ..
مر 4 ايام من زيارتي لهم وانا زاريه يعني زوجي مايدري اني جيتهم .
جات للحرمه جلطه اللي هي زوجه ابو زوجي الثانيه وماكملت 4ايام بالعنايه الا توفت .
والبنات منصدمين وزعلانين ومعد يبون احد ولا يبون يزاورون احد وحتى العيد ماله فرحة .
والحين باقي دوري من الدعوه والله يلطف بي الحال

كيف اصلح الامور قبل فوات الاوان ساعدوني ؟

المصدر: منتدى الحياة الزوجية | دليل النساء المتزوجات | الثقافة الزوجية والعائلية - من قسم: مشكلتي - مشاكل زوجية - معالجة المشاكل بين المتزوجين

htjugm ;g hghsfhf lk wku d]d ,hkrgf r]vd t,r vhsd

المصدر...