الطلاق و بنتي

الطلاق و بنتي

السلام عليكم ، معكم زوجه كملت 3 سنوات زواج بالعيد ،

بعد زواجي ومعاشرتي لهذا الرجل .. كنت بفقد نفسي من كثر ما نقدني و لاعمره مدحني
انتِ فاشله ماتعرفين تسوين كذا وكذا ....
مع العلم محصلي التعليمي اعلى منه بكثير وانسانه مثقفه و قارئه وهو بس نايم او يتفرج مسرحيات
تاقلمت على شخصيته الي ماتعجبني بس ماقدرت اتاقلم على فقره بسبب اهماله
ربي رزقه بوظيفه في وقت الكل ماعنده ولكن مهمل بشكل لا يصدق .. يغيب كل الاسبوع ويداوم يوم واحد
من يوم تزوجت مادخل بلحمه لبيته .. طبعا بيته ملك من اهله و سيارته من اهله وزواجه بكبره مادفع فيه رياااال كله من اهله ، انسان تعود على الاتكاليه بشكل لا يطاق سويت لي مشروع وكسبت منه كل خير صار يطلبني واعطيته بحدود 10 الاف احتياج سيارته و مقاضي وخرابيط

فوق هذا ما اشوف شكرا ولا حمد ولا شكورا

صرت عصبيه بعد ماكان ماينسمع لي صوت و صرت مهومه بعد ماكنت الفتاه المدلله
حاولت اسوي كل شي يرضيه حاولت اشجعه للعمل حاولت انتقده احس خلاص سويت كل شي
بس هن فاشل وحتى امه تشتكي منه ، تخيلو متربين عل قسوووه بالايام مايشوفون بعض و لما يشوفون بعض بدون بوس ولا حضن

تعبت من الجفاف وانا الي كنت بوسط كله حنيه وحب < وهذا الطبيعي
عَنْ عَائِشَةَ رَضِي اللَّهم عَنْهَا قَالَتْ: جَاءَ أَعْرَابِيٌّ إِلَى النَّبِيِّ صَلَّى اللَّهم عَلَيْهِ وَسَلَّمَ فَقَالَ: تُقَبِّلُونَ الصِّبْيَانَ فَمَا نُقَبِّلُهُمْ فَقَالَ النَّبِيُّ صَلَّى اللَّهم عَلَيْهِ وَسَلَّمَ: أَوَأَمْلِكُ لَكَ أَنْ نَزَعَ اللَّهُ مِنْ قَلْبِكَ الرَّحْمَة))َ


لا يطالع بعيني ولايقرب مني الا لو قربت منه بالفراش حتى لو جلست شهرين انتظره واتزين ووووو ولكن لايقرب

كل همه اصحابه جواله لعب بلعب


كل هذا مايهمني لانو خلاص عافته نفسي

الي يهمني الان بنتتتتي اخاف تتاثر من طلاقنا اقسم بالله لو مو هي كان من زمان

عمرها سنتين وتحب ابوها دحين صح ماتفهم بس لما تكبر

مع العلم عند اهلي بنعيش ملكات انا وهي وافضل من زوجي

بس ابغا اسمع منكم قصص عن اطفال اباءهم مطلقين وعاشو عيشه حلوه

مع العلم اني بمدح ابوها لها ولا حذمه ابدا وحتكون علاقتي به جيده حتى بعد الطلاق

ايش رايكم!!

المصدر: منتدى الحياة الزوجية | دليل النساء المتزوجات | الثقافة الزوجية والعائلية - من قسم: مشكلتي - مشاكل زوجية - معالجة المشاكل بين المتزوجين

hg'ghr , fkjd

المصدر...