تعقيب للمره الاولى يوم تزوج علي، زنت بعينه!

يوم تزوج علي، زنت بعينه!

اشكر كل من مر على موضوعي وافادني برد او بدعوه
بس حبيت اعقب تعقيب بسيط
http://forum.z4ar.com/f116/t489675.html

ضرتي بنفس عمري تقريبا وهي ارمله وعندها اطفال من زوجها الاول رحمه الله لذلك راضيه بشرط زوجي انها ماتخلف منه
اما حالتي الماديه ميسوره ولله الحمد موظفه وراتبي ع القد ولكن بالطبع غير قادره اني اتكفل بأطفالي من كل النواحي ، وانا اللي اعرفه ان الزوج بعد الخلع تجي عليه نفقه اطفاله ؟ افيدوني اذا غلطانه الله يسعدكم لاني فعلا محتاجه مشورة من أحد عنده خلفيه بهالموضوع قبل لا إقدم عليه
اما اللي تقول شيلي فكرة الطلاق والخلع
انا بدوامه وهم مايعلم فيه الا رب العالمين واعيش في صراع بين العقل والمنطق وبين جرح قلبي و كرامتي المهدوره بيد زوجي العزيز اللي كل يوم يتفنن ب الدوس على مشاعري وكرامتي ويجرحني اكثر واكثر
بين نارين لان ما احد يدري بمشكلتي الا رب العالمين لا اهلي ولا اهل زوجي يعرفون اني انوي انفصل بالعكس مفكرين اننا عايشين حياة حلوه ومستقره والصدق اني مابي احد يدري عشان ماينعكس الموضوع على عيالي اللي مالهم ذنب بسواد وجه أبوهم معي
حتى زوجته الثانيه خادعها وموهمها انه ما له علاقه معي ولا ينام عندي وانه فقط يمر بيتنا عشان يتطمن ع الاولاد فقط لاغير بينما زوجي العزيز عااايش حياته بالطول والعرض ويلعب على الحبلين عندي وعندها
والمشكله الاكبر انه قاعد يتهرب منها ومن اتصالاتها ويجي عندي يتسحب مثل المراهقين واذا حس مجرد احساس انه ما ابغا او رافضه قلب الدنيا فوق راسي واجبرني على هالشي مهما كانت ظروفي ، الصدق خلاني اكرهه اكثر واكثر مع العلم اني ماعمري رفضت شفهيا ولكن غصبن علي يبان علي اني عايفته وبدون كلام ،هالفتره طايح لي بالطلبات ألبسي لي هذ زي زمان ا وارقصي لي واحضني لما ادخل وابتسمي وسوي لي وووو،النذل نذل
ارجوكم لحد يعاتبني او يلومني ويقول حقه الشرعي ومالك حق بالرفض !!بالعكس ديننا سمح كرم المرأه وعطاها مكانتها وحفظ كرامتهابس للاسف المجتمع تشرب فكره ان الزوجه تتبع لزوجها بكل الاحوال وهالشي مايرضي الله ولارسوله،، دام انه متزوج وعنده زوجه غيري ليش مايكتفي فيها ويتركني بحالي اعيش حياتي واربي اولادي بسلام منه ومن غثاه ،
ارجوكم تتفهموني خصوصا البنات اللي مثلي بيفهمون قصدي وشعوري وقصدي
والله يكتب الخير لي وله ويرضينا فيه

المصدر: منتدى الحياة الزوجية | دليل النساء المتزوجات | الثقافة الزوجية والعائلية - من قسم: مشكلتي - مشاكل زوجية - معالجة المشاكل بين المتزوجين

d,l j.,[ ugdK .kj fudki!

المصدر...