زوجي معقدني

زوجي معقدني

السلام عليكم ورحمة الله وبركاتة
انا حابه اخذ استشارتكم وامانه ساعدوني وقولو لي الصراحه
انا ابي اعرف هل زوجي يحبني هل هذي حياة كل المتزوجين؟؟؟
انا متزوجه من خمس سنوات وعندي طفل الحمدلله

زوجي موظف يطلع الصبح لدوامه ويرجع من دوامه ينام ََيتغدى ويطلع هو فاتح مصلحه له طبعا انا اشوفه اخر النهار ساعه ومرات بس يجي ينام نادر ما يكلمني وهو بالدوام واذا كلمني دقيقه ويسكر احسه كتوم يعني ما يسولف لي وش صار معه طول اليوم مع اني ما اشوفه كثير
بصراحه انا ما احس بالحب معه من ما ملكت ولا حسيته بحبه يعني ما يرسل لي حتى كلام حلو او يتغزل فيني بالبيت ولا يهتم بعيد ميلاد ولا زواج ولا هديه
بس هو ما يقصر بمصروف البيت ولا فيني يعني لو امرض يوديني لافضل مستشفى وافضل دكتور
احسه بارد يعني انا لازم ابادر بكل شي اسأله كيف يومك كيف الدوام ابعث له مسجات حب او اكلمه اطمن عليه وحتى بالعلاقه
وبالنسبه لشغله صار كثير مشاكل ووعدني يعطل ويعطيني وقتي بس ماصار شي حتى الجمعه يداوم ما يطلعني نادرا يمكن مره اومرتين من اول ما تزوجنا
انا معي شهادتي بس هو رافض اشتغل فيها منشان الولد ويقول انا اشتغل عني وعنك وما يبي حضانات ما ادري مرات احسه زين ومرات لا صارت مشاكل كثير بس انا ما دخلت احد ومره قلتله ابي اروح لاهلي قال روحي وخلي الولد لي
ساعدوني

المصدر: منتدى الحياة الزوجية | دليل النساء المتزوجات | الثقافة الزوجية والعائلية - من قسم: مشكلتي - مشاكل زوجية - معالجة المشاكل بين المتزوجين

.,[d lur]kd

المصدر...