زوجي يستقلني ماديا هل اقدر اخبي عليه ان عندي وظيفه وراتب؟!

زوجي يستقلني ماديا هل اقدر اخبي عليه ان عندي وظيفه وراتب؟!

السلام عليكم ورحمة الله وبركاته
انا جامعيه وعاطله عن العمل بسبب زوجي يبيني في عمل نسائي ويرفض اي عمل فيه تواصل مع الرجال وفوق هذا مايعطيني مصروف خاص بحجه ماعنده أو بعدين اومايقدر ويعصب ويحول الموضوع لمشكله ومالها حل ويطلعني ماديه واستقلاليه وهمي الفلوس
عشت سنوات على هذا الحال وصار معاي فلوس من مكافأت الجامعه كنت استلم ١٠٠٠ ريال شهريا فكان يحط عينه على المكافأة ويستغلني مثلا يطلب مني اعزمه على عشاء أو اجيبله ساعه او أي طلب يطلبون منه الاولاد يقول لهم ماعندي اطلبوا من أمكم واي شي ينقص من البيت الاكل أو مواد التنظيف أو أي شي احتاجه للمطبخ جهاز خلاط أو قدور جديده أو أي شي يقول ادفعي انتي بعدين اعطيك لين مايبقى معي ولا هلله وماعمره رجع لي شي اذا طالبت بفلوسي يتهمني بالبخل ويعصب ويقول لو عندي عطيتك وارتحت من وجع الراس ويتأفأف ويعملها مشكلة
ونفس الشي يوم جاني حافز كله طار على البيت والأولاد وعلى احتياجاتي صالون مكياج عطور ملابس لأنه مايقبل يوديني سوق الا في العيد فكل شي ناقصني..
وبالنسبه للوضع مع حساب المواطن هل يمكن يكتشف اني توظفت بعمل عن بعد؟! انا ماابي أعلمه لأنه بيستغل راتبي ويجبرني أسدد عنه ويصير يخبي فلوسه عشان انا اصرف من عندي واضل في هذي الدوامة معاه
..
زوجي استغلالي وأخذ مني مبالغ(مبلغ من مهري ع اساس اسبوع وبيرجع ولليوم ١٢ سنه مارجع) وينكر ويعمل حاله انه ناسي وأخذ مبالغ ولاداتي اللي احصلها من اهلي وصديقاتي ع اساس مضطر ويعمل حاله مستغني عني ومجرد يشم ريحة فلوسي يبدأ يرمي المسؤوليات بحجه ادفعي وبعدين اعطيك وتصادمت معاه كثير بمواضيع الفلوس ماوصلت لحل بالعكست صرت اكتشف انه معاه مبالغ بمئات الألوف انا ماادري عنها وعنده مشاريع بالخش وفوقها ما يعطيني ويأخذ مني
افكر افتح لي حساب جديد مايعرف عنه وينزلي فيه الراتب لكن اخاف يعرف اني توظفت بعمل عن بعد
من حساب المواطن
هل يبين معاه اني توظفت؟
شوروا علي وعلموني..

المصدر: منتدى الحياة الزوجية | دليل النساء المتزوجات | الثقافة الزوجية والعائلية - من قسم: مشكلتي - مشاكل زوجية - معالجة المشاكل بين المتزوجين

.,[d dsjrgkd lh]dh ig hr]v hofd ugdi hk uk]d ,/dti ,vhjf?!

المصدر...